週三深夜聯賽盃八強 vs 李斯特城 ( 主埸 )

barker

evertonarteta10 發表於 2019-12-19 14:32
人都未坐低就話安帥要買人, 都唔合理
NZONZI傳左冇3年都2年啦, 都唔明做咩成日返炒....
...

另外 twitter 傳安帥會向皇馬借 J.Rod

wahton

有冇睇左場波既師兄俾D COMMENT?

淨係睇網上評語, 欣慰地多數都係正面的


單睇賽果, 對住聯賽排第二既球隊, 對手冇明顯留力, 連追兩球僅輸12碼,


作為球迷應該收哂貨


亦要大讚BIG DUNC連續3場對強隊亦能保持不敗!!!

killersmiling

well done big dunc!!!

nsno

wahton 發表於 2019-12-19 17:59
有冇睇左場波既師兄俾D COMMENT?

淨係睇網上評語, 欣慰地多數都係正面的

輸嗰兩球時間上好接近，輸唔集中
追返嘅話其實唔見進攻有咩板斧，都係啲前鋒湧上去然後搵閘出波，中場連接差，但係TD同Holgate算係咁⋯⋯

拜恩斯真係仲好有料到
輸十二碼真係唔抵，不過以佢同賭神嘅射門水準嚟講，的確係射得差

Everton2018

昨晚睇波,見倒Mina & MK 兩條廢柴踢球真是睇到眼冤,想唔眼火爆都唔得,都唔知邊條仆街買佢地倆個垃圾番來愛隊害我地,有呢倆條且蛋镇守中路,相等對方踢多一個前鋒，呢條Mina死球成日亂企位，走甩人，真是忍咗佢好耐,是

evertonlife

尋晚起身睇完場波，有以下觀後感：

上半場
用442，可能李城己睇咗2場愛隊用442，明顯係有備而戰，佢地好有耐性咁搓，左右左右後防去搓，務求令愛隊2前鋒不斷需要移動，但同時又唔急向前，縱使你唔迫都浪費體力。最重要嘅係，佢地搓搓吓如果搵到試點傳上去，好多時就會係當你中場線是但一個比較走失位(如搶波搶前咗少少)時，就會即刻喺呢個位置造上去，而李城好嘢嘅地方就係唔使三兩腳就即刻透過空位去進入有威脅位置而造成射門。所以愛隊打442時，前線2既不能迫搶得太前，同時又被左移右移，中場4將只要失位又即刻帶嚟危機，所以守得非常被動。再加上好明顯尋日唔夠人腳，BERNARD嘅身形點叫仍打守勢波，而IWOBI雖算勤力但明顯狀態不佳。所以中前場防守做唔到第一條防線。

下半場
老實講，BIG DUNC將442轉為4231係明顯見到效果。1係KEAN(既然佢防守唔太好同前面獨食啲，就俾成個位你打晒)、3嘅左中右分別係DCL、IWOBI、RICHARLISON、2係TD同HOGATE、4唔使特別講。呢個轉陣相對就變得守嘅時候人手充裕啲，而攻起上嚟亦可以多點開花一啲。攻嘅時候既然BIG DUNC最重要係高空波，咁DCL、KEAN、RICHARD都係頂到之一，前線威脅就叫做好番啲。不過係咪創造到好多機會呢，我就唔會因為追返2球而話係，因為下半場形勢主要係最後20分鐘而改變。70分鐘TD入波前，坦白說只能話係同李城55波，但下半場明顯因為轉4231，令到中場線唔使因為一失位就造成問題而可以放膽去壓迫搶波。所以如果睇返有威脅嘅攻擊，比較多係壓迫做出嚟而唔係自己後場造到出嚟。所以我話轉陣係呢場波幾轉捩點，但唔係即時有效果，而明顯效果再強啲其實係當IWOBI換走，換入TOSUN打正前，而KEAN打後番一格攻中嘅時候。有效果唔係因為TOSUN爆發，而係至少見到佢有氣有力跑得到，而呢點係RICHARD最後被換走嘅原因。其實DCL後段都已經無咩力跑上跑落，但其實係理解嘅，因為佢12月差唔多打足咁多場咁滯，其實正常都要換吓佢或輪換吓，只係而家根本無咩人可以換。

點評個別球員
COLEMAN — 真係年事已高，再難高速在邊線見到助攻，甚至有啲時候會好勉強先守到
BAINES — 守波係意料之外穩陣，但與高文一樣，被衝擊時會感到艱難，助攻則唔使諗。最後攻入嗰球係全日裡面企得最中間最前咁滯(除咗擲界外球同開角球)。角球開出的質量仍然係高，所以尋日角球都差不多由佢去包辦晒，落點係靚。最後想講個入球，球波見佢立上身推前，已經覺得佢好似想射，那一刻有一種期待，但擔心佢體能上是否可以打到90分鐘仲射到中框。點知起完腳球波可以勁到直飛近柱網頂，嗰刻係完全不能控制咁癲咗。大佬，佢35歲，打到90分鐘仲殺到咁前射到球咁勁咁靚嘅扳平一球，都真係抵晒捱夜喇!!!! 今季唔知仲有幾多場可以見到BAINES落場，更加唔好諗佢入到波，所以佢雖然射失12碼，但真心尊重呢位愛華頓老臣子。
DCL — 雖然呢度好多師兄成日吊佢，但明顯佢會係各領隊嘅首選，不過作為單前鋒佢真係無辦法靠自己去帶嚟入球。DCL搶點上、製高能力都唔錯，要發揮到佢有幾樣重要嘢：1.佢係輔助衝頂俾人、2.有人創造高空埋門機會俾佢、3.打高波為主嘅攻勢起動模式。要佢好似盧卡古咁搶點係佢，帶波係佢，射波係佢就真係無可能，但如果話佢嘅波底似BIG DUNC咁就真。所以要仍有最高效果就係打呢家波。今日下半場佢打邊位，但仍然不減威脅力，因為要搶攻關係，RICHARD係右邊做到機會出波去中間，結果就係佢高空攻擊就會俾到威脅。所以點解DCL成日打正選唔係無道理，不過射術麻麻就真係......
Hogate — 真係估唔到，佢打防守中場呢個位係好稱職，亦好冷靜，唔會做有多餘嘢，派波唔會有驚喜，但重要係無驚嚇，如果從年紀上係一個似有27歲嘅球員。所以唔知佢會唔會改造吓打呢個位，因為以英超中堅嚟講會蝕底，但以防守中場又算可以啊。不過唔會係首選防中囉。

barker

evertonlife 發表於 2019-12-19 19:29
尋晚起身睇完場波，有以下觀後感：

上半場

咁我問你安帥入主後呢班球員會點 ?

laukarwing

barker 發表於 2019-12-19 11:52
好似傳後晚主場對阿仙奴仲係由 BIG DUNC 領軍

已經confirm BIG DUNC.領軍。

wahton

nsno 發表於 2019-12-19 18:28
輸嗰兩球時間上好接近，輸唔集中
追返嘅話其實唔見進攻有咩板斧，都係啲前鋒湧上去然後搵閘出波，中場連 ...

謝謝師兄評語!!

大鄧教都唔預進攻會有好多板斧, 靠湧靠撞追返兩粒班球員已經算係咁!!!