EPL 27 作客屈褔特

ginger

toffeeweb 發表於 2019-2-12 15:17
冰島神 最慘係佢死球 不論係角球 罰球 好似都冇晒咁 如果佢仲有死球尼著 我就覺得無論點都唔可以收起佢
...

罰球而家射少左好多，角球其實開得唔差不過好講隊波的配合，冰島神缺點係太慢，不過始終佢比到key pass同埋finishing高

愛華戰士

其實一字咁淺，點解無端端要同時出3個偏向較防守的中場？原因正正係中場中路無論打1 個或雙防中時都仍然不斷出現走甩位，缺乏攔截同控場感。
當然你問我.......高美斯同戴維斯踢法上其實唔屬於純防中，佢地有控球能力同短傳組織......呢個三角踢法我地可以感覺上會令中場組織力強化左，( 但只限中場中圈附近位置).....長遠要用呢種踢法其實係唔太合理的。

再點問我...我都係會講馬高施華如果用現有呢一班球員.....唔會打得到乜野好成績出黎。簡單講就係功力有限。
點解D 外國報章都可以點出馬高施華以往教幾隊都係狂輸死球？----> 咁原因肯定係佢本身O係防守訓練上唔到位啦。( 呢個已經係死症，有料領隊點會教咁多隊都輸同一種死穴)

大家平心而論，莫耶斯/ 馬天尼斯/ 朗奴高文/ 艾拿戴斯到宜家呢個馬高施華。究竟有咩優劣？
以事論事，以上幾個領隊離開左愛華頓之後，講真都無話教到咩好成績出黎。
莫耶斯大家可以理解教曼聯時唔夠時間，而且當時曼聯神仙難救。到教皇家蘇斯達....第16名衝線；到新特蘭....一隊五労七傷隊，班主又唔買人，一味要靠借人，結果降班；再到韋斯咸，人腳好D....最終可以護級成功。
馬天尼斯最尼兩季教到隊波無神無氣，到走左估唔到可以去教比利時，仲搵享利做助手。....世界杯無錯拎個第3，之但係以比利時人腳，係咪真係好好成績呢？助手享利最近教摩納哥早早就比人炒
朗奴高文︰呢個我可以肯定佢係愛華頓的大罪人，狂買垃圾。
艾拿戴斯︰一個純搵食的領隊，不能對佢有太大期望。

到今日呢條馬高施華，虛有其表。

至於宜家傳的高古，或者咁睇。荷蘭體系的足球，究竟係咪適合我地呢隊波？不過高古教燕豪芬至少拎過兩屆聯賽冠軍，呢個係實牙實齒的實績，係我地對上幾位領隊都未曾企及的高度。加上高古本身踢開防中，而且巴塞體系訓練過，對比賽大局觀會較踢慣閘位的朗奴高文為佳。
大家要明白，當你領隊係一個未拎過咩冠軍...又唔係紅褲子出身......而且年紀好輕的少帥，要震住一班老粗波友係唔容易的事。馬高施華的蜜月期已經過晒，再磨係無好處。
如果真係高古，以佢48歲之齡，加上巴塞/ 荷蘭國家隊聲望....同埋經驗，對我地呢班久久未爭過任何獎杯的年輕球員係好有幫助。

barker

愛華戰士 發表於 2019-2-13 11:06
其實一字咁淺，點解無端端要同時出3個偏向較防守的中場？原因正正係中場中路無論打1 個或雙防中時都仍然不 ...

agree u

toffeeweb

愛華戰士 發表於 2019-2-13 11:06
其實一字咁淺，點解無端端要同時出3個偏向較防守的中場？原因正正係中場中路無論打1 個或雙防中時都仍然不 ...

最近的例子會係法蘭迪保亞 教左幾場就炒左

James_Beatkit

愛華戰士 發表於 2019-2-13 11:06
其實一字咁淺，點解無端端要同時出3個偏向較防守的中場？原因正正係中場中路無論打1 個或雙防中時都仍然不 ...

唔同意
如果你以荷甲冠軍去肯定高古既話
咁FDB更加值得黎
當然你可以話佢係PSV同Brands夾開有默契會有幫助唔奇
但荷蘭藉經過RK又有幾多人會有信心?

DM就擺到明係一個需要時間去等去建立一支球隊既領隊
幾間球會入面唔係唔等得就係冇錢
冇成績唔出奇

RM我會讚佢把口好叻
呢個亦係佢長處
你可以講比利時班友本身質素高關係
但你自己名宿韋莫斯都搞唔掂內部不和問題
反而RM搞得掂 同埋唔好睇少亨利
好似冇關係但佢係球壇/對前鋒影響力仲係好大
加埋比利時足總本身就睇中RM有卡古本說明書
所以搵佢教唔意外

RK就唔太多講
我都唔知係Walsh問題定佢問題
定係DOF呢個位本身問題
有乜可能你買咁多人但唔知個位球員最佳位置同踢法先得架
叫DCL冰島神打邊都踢左不只一場都夠膽死
比人炒就緊既只係時間問題

大Sam就唔知點講
如果你比錢佢買人可能佢真係未必咁差
但D波悶到9彩本人真係接受唔到

我諗依家最急切唔係炒領隊
而係炒左個負責教防守死球個個教練
用返人釘人戰術
班友暫時睇仲係有鬥心
係比呢個心理問題"kick"住

witzz

最想施蒙尼黎教，有效率有紀律，又有往積。搵佢唔係無可能，佢係馬体會到左樽頸位，可能有興趣挑戰英超。

Forever_Fan

witzz 發表於 2019-2-13 17:56
最想施蒙尼黎教，有效率有紀律，又有往積。搵佢唔係無可能，佢係馬体會到左樽頸位，可能有興趣挑戰英超。 ...

施蒙尼要來英超執教大把選擇，點會肯來教愛華頓? 現時肯來教又有往積實力的，我想試賓尼廸斯。

莫耶斯我覺得有些非戰之罪，曼聯明顯係班老臣子玩野，但也帶到歐聯8強，佢之後幾個曼聯領隊係歐洲賽都無老莫咁好成績，而且佢買人真係有眼光。新特蘭揸班爛橙而球會又唔肯科水買人，我覺當時俾哥廸奧拿教都無用。韋斯咸老莫帶得唔算差，我睇過好幾場，球員進攻整體表現流暢，有戰術，防守又唔差，可惜球會唔肯俾時間佢。我都希望將來有機會老莫回歸。

witzz

肥賓都ok,不過佢心繫利記，未必肯黎

24cheung

Forever_Fan 發表於 2019-2-13 22:15
施蒙尼要來英超執教大把選擇，點會肯來教愛華頓? 現時肯來教又有往積實力的，我想試賓尼廸斯。

莫耶斯我 ...

大會唔鐘意用老莫係因為佢只踢體力波衝衝斬斬，咁既踢法永遠去唔到强隊行列。現今現代足球係後場開始已造攻勢，控制中場，高壓逼搶。但如果永遠只想中游唔降班，我唔返对老莫返來。

Forever_Fan

witzz 發表於 2019-2-13 22:54
肥賓都ok,不過佢心繫利記，未必肯黎

我又唔覺佢心繫利記，佢離開利記都好多年，利記又有高普。佢去得唔肯科水買人的紐記，我唸唔到佢唔肯來人工英超頭5高的愛華頓，而且肯科水買人的球會，而且人腳更好。