主場食鰻魚

Fuko~

愛華戰士 發表於 2020-11-7 22:32
下半場其實打得好左，但係真係無人敢射波（杜古希果兩腳真係差差差！雖然我80分鐘唔夠已見佢明顯體能下降得 ...

上半場甸尼唔傳自己射，高文上下半場走入禁區等傳唔射...
D DECISION呢兩位今日真係錯哂。同時都睇到我地兩閘正選個質素比起D替補強太多。

reedlo16

下半場尾段，杜古希直頭當攻中咁打，喂，如果你陣式係咁，不如早早用施格臣咁踢法，至少佢禁區頂射波應好過杜古希嘛。

今場占士完全無貨交…賓拿特老問題…係只交到45分鐘貨。

然後啲傳中波質素…除了甸尼較好…啲邊路球員真係罰佢加操幾堂練下傳中波…

kmman

無第二得分點，richy 出返可能唔同晒， 但右邊如果高文補唔到位就死得，33歲踢唔到咁高效， james 一係入中間， 一係就踢左邊

witzz

李察利臣出番黎，賓拿特踢冰島臣中間個位

愛華戰士

其實輸呢三場波比到唔少啟示。1）無 李察利臣唔識贏；2）占士無辦法一定要收返入中路或左路；3）阿倫下半場踢返佢正常水平，就係要拎左個波後比佢帶生個波再比（而唔係之前當佢駁腳咁簡單）；4）唔會用2下射唔到波去判死杜古希，佢係好勤力走上走落，但我見佢有球入禁區爭頂竟然比般奴阻到起唔到跳，同有球中圈附近起跳唔夠對手跳，以佢身型無理由判斷啲上路波咁差）5）班球員一周一賽但體能普遍捱唔到90分鐘！呢點絕對要提升！

愛華戰士

仲有一樣係施格臣同占士無可能再一齊正選，因為2個都係守弱，出佢地2個防紙壓力太大

彈地

勝負乃兵家常事，今晚我做咗一件過去好多年都冇做嘅事，就係投訴Now TV 足球評論, 呢個評述員過去咁多年評論愛華頓的時候, 充滿嘲諷譏笑, 完全睇低愛華頓,但係佢評論其他英超球賽就冇咁偏見！雖然我用咗半個鐘頭但係我旗幟鮮明要求now 顧客服務部嘅職員俾我一個明確嘅回覆

jacks66

今場我覺得杜古希同施格臣位置功能重叠左, 單防中對曼聯唔足夠, 人地一開波已攻擊我地右閘, 可見右路防守的人手不足夠, 杜古希應該多點支援高文而不是主力做攻堅, 變左兩頭唔到岸

evertonlife

其實真係可以用番4 2 3 1打，將占士收番做攻中，咁成個陣會平衡啲，右閘亦唔使因為占士右路防守差而唔敢上

拖肥1878

最嬲嘅係：落後緊，有球波明明攻緊，交吓交吓交番比big福特，真係睇到眼火爆！！