2018/19 英超 #01 作客 Wolverhampton Wanderers 12/8/2018 00:30

愛華戰士

有幾點賽後感
1)領隊除左李察利遜外，無將幾個轉會死線時簽入 ( 無參予季前集訓) 球員放入今場....呢一點要讚....至少係對一班原有球員的尊重。
2) 積基卡果球真係可黃可紅....無得怨，呢種錯積基卡近幾季已經係唔止一次犯......好多時係中堅隊友橫傳佢....佢右腳一立就立離身....翻身追唔切...呢種其實同踢波習慣有D 關係....一攞果下無為意要用身體/ 右腳保護個波......正如大家講.....呢場好大可能係積基卡最後的聯賽正選機會....隊長都係叠埋心水打下杯賽算啦
3) 碧福特我會覺得失第一球係有少少責任....無疑對方個波係射得靚.....之但係對方射呢個位.....作為龍門應該係預計到.....事實上佢應該係手掂到個波....
4) 當打少一人.....其實唔輸已經當贏.。
5) 施格臣....明顯係積極左去攞波踢....至但係有幾下見佢拎個波都仲係論論盡盡.....有一球我見佢禁區頂 (食糊位) 攞左個波明明可以順勢起腳但最終又係搞失埋....信心唔夠。.....由於佢串連感麻麻....加上速度唔夠...所以換走佢都合理
6) 舒拉達連當11打11時仍是好低水平表現...但當打少一個時....我要講返句公道說話.....佢今場少打一人時O既水準係我見佢呢幾年O係愛華頓最好O既表現黎！至少搶到對方幾球波..... 終於都知道個正選位唔係必然！
7) 另一個比較失色O既係禾確特......門前果下老撻....要賴個波傳中唔太靚....但以佢O既卡士.....仲知道打少一個人.....呢D 機會你至少要把握得好D....至少佢有時間攞定個波再選擇射....而唔係急急腳自己未企穩就射個波....呢D 機會唔係場場有....除左呢球....禾確特成場亦無乜亮點....有幾球回防係幫到手拎到波....至但係助攻上唔算亮麗。
8) 米高堅尼今場算係咁啦.....唔算有咩失位漏踢.....
9) 高文助攻果球地波橫傳..... 真係超可惜
10) 杜辛作為前邊不斷現身走來走去黎講....其實係辛苦O既.....叫做有個禁區邊遠射機會.....

11) 對手狼隊雖然唔係一隊組織力好強球隊....但幾個後球員打簡單直接波.....呢D 係我地防守平時最怕遇到O既對手黎....

睇左其他幾場英超....題外話︰
李斯特城個左閘SIDEWILL......好勁.....好有拜恩斯後生時影子。
利記完爆韋斯咸......佢地真係好快.....文尼散步都快過韋斯咸班後衛....
阿仙奴比曼城搶到防線亂晒龍....施治都出晒洋相....
水晶宮阿沙夏又係快到傻....

toffeeweb

新領隊新陣式下 施格臣擺位最模糊
碧福特經過世杯後 心態上感覺未準備好新球季 仲係沉浸係世界杯度咁 希望佢唔好一朝得志
米高堅尼今季應該係必然正選
班納應該會放係3前鋒之一

James_Beatkit

場波基本上同上季陣容同排陣一樣
係除左左邊有李7右盟
但踢起黎會明顯見到隊波有少少唔同
會嘗試由後面做起(當然你叫Keane, Jags同Pickford佢地一下子去改係冇可能,因為本身佢地波底唔係好,結果三兩腳又要一腳清上去)
但我會覺得呢個係一個開始
而且D波算幾簡單直接
你可以話C9同Gana有波都唔推上去要比返後
但其實好多次用邊路推進係成功
不過見到Baines同李7未算好夾希望之後會好D
隊波見肯迫搶左你見C9同Keane呢兩個懶人都肯走動同拍就合係有改變
第一場贏唔到有少少可惜而且兩個失4都可以避免
第1球Pickford明顯企位上係有問題冇可能諗住捉路
第2球Keane係咪可以個位置感強返少少呢
當然高文個球反擊如果比好少少Niasse應該贏埋
但1分我係收貨起碼班友心態上係有改善

Everton2018

愛華戰士 發表於 2018-8-13 09:54
有幾點賽後感
1)領隊除左李察利遜外，無將幾個轉會死線時簽入 ( 無參予季前集訓) 球員放入今場....呢一點要 ...

2) 積基卡果球真係可黃可紅....無得怨，呢種錯積基卡近幾季已經係唔止一次犯......好多時係中堅隊友橫傳佢....佢右腳一立就立離身....翻身追唔切...呢種其實同踢波習慣有D 關係....一攞果下無為意要用身體/ 右腳保護個波......正如大家講.....呢場好大可能係積基卡最後的聯賽正選機會....隊長都係叠埋心水打下杯賽算啦

其實佢呢幾季犯同一錯誤的次數唔係好多唓, 我幫佢計過總共試過 6 次, 話多唔多話少唔少,可能你會話每個愛迷可接受的程度唔同, 始終有"情意結", 不過如果發生在其他中上游球隊裡, 佢晨早一定被人"拉下馬"!

Fuko~

Everton2018 發表於 2018-8-16 08:43
2) 積基卡果球真係可黃可紅....無得怨，呢種錯積基卡近幾季已經係唔止一次犯......好多時係中堅隊友橫傳 ...

最大問題係佢呢個年紀已經唔值得俾機會落去。
低級錯之餘仲要第一場，我寧願用牛奶仔交學費啦。

Fuko~

Richarlison is fit for tomorrow.
Pleased with last week.
Mina out with slight foot injury.
Holgate or Zouma to play tomorrow.
On Bernard ... all new players have to prove they are ready to play.
Looking forward to the Goodison atmosphere but knows the team are responsible for helping create a positive one.
Still working on moving players like Bolasie and Besic out as he knows they need to be playing.
Gomes could be anything from 1 to a few weeks away with a slight hamstring injury.
Will continue to make the squad stronger and wants to be able yo make difficult decisions.
Have to play at a fast pace to break Southampton down.
Kenny and Lookman fit for tomorrow. Both left out last week for technical reasons.

COPY 外國愛迷今日記者會

MINA同GOMES唔出得，BERNARD我覺得有機踩下草，LOOKMAN或者可以坐BENCH。上場HOLGATE配KEANE問題唔大，我估SILVA唔會太快用ZOUMA。
BENCH應該係: STK, ZOUMA, DIGINE, T DAVIES, BERNARD, LOOKMAN, NIASSE

niclas

小勝啦２：１！後防線都系唔穩陣啊！