2017-2018球季 英超#11 作客對水晶宮

barker

wahton 發表於 2017-11-19 21:11
隊波而家好多問題, 例如後衛老化, 後盧卡古時代搵唔到進攻模式等

你搵邊個領隊都冇辦法即時改善到

你記住而家係 Moshiri 揸骰 , 他不喜歡安斯禾夫坐正

nsno

barker 發表於 2017-11-19 20:29
如屈福特再輪 , Marco Silva 可能被炒

呢個世界真係好難搵到啲好似Barker兄咁天真嘅人

Forever_Fan

wahton 發表於 2017-11-19 21:11
隊波而家好多問題, 例如後衛老化, 後盧卡古時代搵唔到進攻模式等

你搵邊個領隊都冇辦法即時改善到

Niasse肯衝肯撞，反而佢更似尼史密夫個type的球員，絕對係稱職的前鋒，技術根底差小小唔緊要，勤力撘夠。

領隊方面應該係班主想換，由初頭想搵大Sam到多次bid Silva，Moshiri想法不言而喻，反而傳標叔叔大力反對搵大Sam和prefer安斯教到季尾，可惜揸莊的始終係班主，無奈。

Fuko~

Forever_Fan 發表於 2017-11-19 21:36
Niasse肯衝肯撞，反而佢更似尼史密夫個type的球員，絕對係稱職的前鋒，技術根底差小小唔緊要，勤力撘夠。 ...

新聞報導je...之前夠話係大sam la...唔係新聞話係就係ga ma。話唔埋最後班主俾人reject夠都費事搵啦。
呢d野唔需要太認真...唔駛成日同barker兄顛埋一份。

edwint

呢到就係有人吾肯面對現實,隊波咩料你見我知,比個神級領隊你都冇用啦, 真係晒9氣,鬥志搭夠搶多幾場護級好過啦, 之後再吸取教訓做番好針對性收購LAW, 季中搶人領隊無恥又難睇, 係DPK先係到沾沾自喜, 一個字 "醜"

Forever_Fan

Fuko~ 發表於 2017-11-19 22:28
新聞報導je...之前夠話係大sam la...唔係新聞話係就係ga ma。話唔埋最後班主俾人reject夠都費事搵啦。
呢 ...

我相信其實大Sam班主係有考慮過，不過最後因為係球迷和董事會的阻力較大，因為當時最大嗰幾份報導都有消息人士話佢地知。

barker師兄的想法有時特別d和非主流姐，但佢好多時真係好貼所有球會消息，我覺得我已經夠快夠貼切，但好多時都唔夠barker兄快，加上佢都活躍到呢度的氣氛，所以無話同唔同佢顛的，呢度係討論區嘛，咪當大家討論下羅

evertonarteta10

老實講人腳上安斯已經排到最好.  大家想打雙翼, OKAY安斯出雙翼, LOOKMAN應該未成氣候, LENNON都係勤力有餘功效未見, 米拉應該都離隊不遠, VLASIC又瀨左野, BOLASIE仲要等多輪.  所以我又諗多次係唔係真係要打雙翼將我地最弱個瓣擺出黎?

我一直都反對打雙防中, 安斯照出舒拉黎PROTECT我地隊長或者威廉斯, 好...雙防中冇問題, 但係條防線同防中駛唔駛企到咁深啊?  人地米路禾積域同卡巴耶任佢地猜波同組織, 傻架.

另外安斯打法上睇落同RK分別唔大, 分別在於士氣同球員信任.  坦白講上場卡華利敗家邊有3分我地袋, 難聽講安斯上任一場都未贏過, 老細要夾硬撬牆角都無計, 你要面定要降班?  你揀......

witzz

好多人話安斯做領隊既好處係隊波士氣好,呢點我都同意.但係士氣波可以打足成季?贏唔贏到波最後都要睇番領隊個戰術安排.
我唔介意季中搶人領隊,如果對方真係有料.始終球隊成績最緊要.

24cheung

椰子第一場比人增兩蛋，初步我地唔請佢係正確

Forever_Fan

evertonarteta10 發表於 2017-11-20 10:01
老實講人腳上安斯已經排到最好.  大家想打雙翼, OKAY安斯出雙翼, LOOKMAN應該未成氣候, LENNON都係勤力有餘 ...

以 moshiri 的做法睇，佢肯定係無信心安斯可以帶到隊波留班，才會不斷 bid silva，佢唔會唔知季中無乜領隊揀，加上現職的要挖又會好大阻力，佢都堅持咁做而唔係讓安斯帶到季尾，佢對安斯的唔信任係顯而易見。咁係班主來講，剛入主凳都未坐暖，如果降班真係蝕到入肉架喎，佢寧願搵個有經驗的教頭幫手留級係無可厚非，雖然我暫時睇唔到有迫切降班的可能，但安斯的能力由過去幾場來睇，隊型上戰術上都乏善可陳，唯一只係士氣較好，但如果無法再回正軌，士氣係可以三而竭的。

我由始至終都希望有一個50+的領隊多於教得幾年的領隊，我地球隊問題多而複雜，要一定經驗的教頭才有信心處理好，就算挖，挖尼斯的 Lucien Favre 都好丫。