反朗奴高文集中區

Fuko~

大家都反左成個幾兩個月，不如係呢度集中發洩下大家的不滿。始終唔同球迷有唔同諗法，有人認為隊波唔理邊個教，最緊要係球隊嬴波。
禁所以就唔多鍾意大家日日都反領隊，睇場波都禁多負能量。希望大家係度發洩完同理性討論完，唔駛禁勞氣。
我都算係比較早D就認為朗奴高文唔掂的球迷，都歸納左幾點佢唔掂的原因:

1. 戰術唔明確，五時花六時變。
呢點係我認為佢目前為止最失敗的地方。球員都係人，佢地踢左十幾廿年，有D仲踢左成30年，佢地對自己的踢法同位置感已經有慣性。
你叫佢地場場都踢唔同位置，場場的工作都唔一樣，美斯去踢都唔會踢得好啦? 更何況我地隊波禁樣俾你大換血，球員之間冇密契去互補之下，呢個缺點就更加明顯。
站係WALSH買賣球員角度睇，你要一個球員識得踢哂禁多個位又要做唔同工作，其實好局限佢買一個球員。
我接受同歡迎你PLAN A、B、C，頂盡去到D。但你睇番RK的排陣係可以去到K...甚至Z。隊波睇落去就會完全冇風格可言。
若果RK以為自己係戰術大師，當正自己打緊機，場場都唔同都冇問題。我會覺得呢種諗法實在太冇人情味...球員唔係AI更加唔係機器。

2. 過於被動的打法
雖然佢戰術唔多明確，班球員亦都鳩下鳩下，但有樣野都唔難睇得出就係佢將防線SET得太後。
若果將以往我地的領隊打法分屬性，馬天尼斯會係主動進攻，莫耶斯係主動防守，而RK就係被動防守。
呢種被動防守，就係想將隊波D人塞係中間，減少空位俾對方起腳，從而令隊波失少D波。
隊波本身班底就唔多夠快，長傳又唔係特別準過人，更何況大家都未夾慣，俾你禁樣守得著，去打反擊，前面根本冇人拎到你個波。
更何況你買番黎D人一D都唔快...都有GE，保拿斯同高文LO，但呢兩個本身就已經長傷，而且好可能上唔番高峰，俾左成個夏天你都好諗下點搞啦。
如果你認為隊波唔需要打快的話，我可以講呢個諗法真係夠你降班。英超最大特色就係體力同快，你夠膽係呢個環境打慢，呢個想法相當之愚昧。
大家都係守ga la。點解老莫仲好睇過你，係因為人地係由中場已經迫搶俾左右，去斬入禁區頂。
而RK係搶到波就搵唔到人傳，傳多兩下等隊友上前，對手已經回好防。
點解上季冇呢個問題? 因為巴克利同埋盧卡古都唔多鍾意回防，加埋呢兩條友單對單同護球能力強咪冇事LO。

3. 率直的行事
呢個唔係完全踩低佢。有D時候呢種處事作風會對某D1516的球員有作用。之但係你作為領隊有D野根本唔應該禁正面去公開回應。
好似之前買施古臣同埋買前鋒，你搞到全世界都知你買人。你叫WALSH佢地點壓價呢??
又好似巴克利同尼亞斯，你公開講唔續約唔用，你點知巴克利唔會回心轉意又點知尼亞斯唔會進步呢?
搞到尼亞斯件事禁尷尬，完全係因為你唔識得凡事留一線，日後好相處。
世事難料，他日你轉去第二間球會，遇到昨日你唔認同的球員做左主力，唔通你又要賣左佢?
做領隊做到佢禁，條路一定唔會好行，球圈其實唔多大GA咋。

PS: 轉會操作問題唔多講，口都臭啦。

去到尾，我想講清楚，幾反RK都好，佢都唔會下場就俾人炒。之但係，佢都唔會教得長，你睇到BILL叔叔上幾場睇波個樣都知咩事。
為防佢最後一年玩野，正常球會都會同最後一年約的領隊解約。事關佢好可能冇第三年...因為佢根本帶唔到我地上更高層次。
呢種被動防守唔單止唔好睇，對著強隊幾乎可以話係必輸完敗...更何況你搞到隊波形象禁差又冇哂HEART。
錢用完又買埋哂同一位置...俾你教埋季尾算俾面你，而且RK衰極都唔會降班，又可以俾我地有更多時間搵下任。

Fuko~

Btw, 雖然barker兄立場搖擺，之但係佢比以前進步左。最初黎個陣，咩轉會傳聞都信，又唔出source。俾人屌得多都識進步，呢點起碼都好過RK。

killersmiling

我對garbutt有硏究，佢唔係幾夠班，走動慢，没信心上最前，但射罰球有一手，最衰高文，有一個勁D，亦似拜恩斯踢法，能守亦能攻，有活力！如果你真係愛華頓長期球迷，你應知，因早季打過很多場正選，當拜恩斯受傷長時間，佢就係！！！！！！！！！！！！！！！！！！！！！！加路維，係好勁架，但高文借走佢，可惜！！！

evertonian95

Forever_Fan 發表於 2017-10-25 10:17
迪斯天老而彌堅架當年，最後2年簡直係一夫當關，幫我地好大，佢係開頭買回來的時候派膠多，之後越打越穩 ...

我當然記得喇, 我也希望AW可以已此為借镜

Forever_Fan

Rhino 連龍門 coach 都叫返來，我估董事會應該比機會佢帶到年底睇下情況，如果只係一兩場應該唔會比佢請個龍門教練。

Forever_Fan

Arteta 發表於 2017-10-25 10:08
拜恩斯已無2年貨仔，左閘位一定要盡快補個正選，我們青訓左閘，講真仲未夠班 ...

叫佢場場出就梗係唔掂，暫時我覺得佢仍然好fit，當然如果今季的青訓接唔到手，我希望安斯禾夫先提升garbutt上一隊訓練，一月再註冊上場，connolly外借完下季上場試踢，唔掂的話下季先再買人，我希望比多d機會新人上位，前題當然係佢地夠料。

Forever_Fan

evertonian95 發表於 2017-10-25 10:05
好多懷舊的人物啊...
阿迪達正牌10号仔
卡希爾頭鎚勁, 其實走位重勁

迪斯天老而彌堅架當年，最後2年簡直係一夫當關，幫我地好大，佢係開頭買回來的時候派膠多，之後越打越穩，呢個收購十分值。

James_Beatkit

killersmiling 發表於 2017-10-24 21:20
其實大家忘記咗莫耶丝極大功勞，只係話佢保守踢法，你想想以前愛華頓邊有錢？佢係有限金錢下買人！平但好用 ...

之前好多POST已經討論過
想即時見效有成績佢係一個唔錯人選
但長遠要上到前4佢一定唔係最合適個位

James_Beatkit

Forever_Fan 發表於 2017-10-25 08:25
左閘係拜恩斯重有2年貨仔的情形下，開始用下青訓輪換係最理想的。舒拉能賣就賣啦，但唔容易，12萬周薪交d ...

C9未必會賣住
一上任即刻清前朝餘孽比人感覺好差
況且呢個位有幾個可以踢
只要輪換應該冇問題
Rhino講隊入面有個別球員信心有問題
我覺得C9係其中一個

James_Beatkit

Fuko~ 發表於 2017-10-24 23:46
其實，諗落我地下個轉會或者下下個轉會都唔需要話有咩大動作。
防中、前鋒、左中堅呢3個位各入一個就夠。
...

仲有2個月時間
可以睇下麥卡菲呢兩合月點
仲有比錫可以用
反而左中堅(左閘替補)真係要搵
我估就算Rhino教一段時間都未必比Garbutt踢
當然唔排除佢1月會reg返佢
前鋒我睇都係會再試基奧特
買唔到都一定會買
Rhino都應該知Niasse同DCL水平去到邊
3個位置迫切性應該係前鋒->後防->防中

Arteta

Forever_Fan 發表於 2017-10-25 08:25
左閘係拜恩斯重有2年貨仔的情形下，開始用下青訓輪換係最理想的。舒拉能賣就賣啦，但唔容易，12萬周薪交d ...

拜恩斯已無2年貨仔，左閘位一定要盡快補個正選，我們青訓左閘，講真仲未夠班