返左3日工，有D想轉工甚至轉行

Forever_Fan

Fuko~ 發表於 2017-10-28 18:31
因為個中心張租約去到出年7月左右，又其他同事都算好人。
加上又冇咩錢係身，唯有邊做邊等，睇下可唔可以 ...

師兄已經好過我了，我公司裁員.......

Fuko~

wahton 發表於 2017-10-27 23:05
樓主而家情況 如何?

因為個中心張租約去到出年7月左右，又其他同事都算好人。
加上又冇咩錢係身，唯有邊做邊等，睇下可唔可以轉去一個近少少的地方。
對我黎講，工作上D野都仲可以一笑置之...最難頂係班車成日唔準時到。

wahton

樓主而家情況 如何?

Forever_Fan

Fuko~ 發表於 2017-9-10 22:19
我死期會定係一個月，呢個月都仲可以隨時唔做就走，過左呢個月就唔得。
其實家下都有睇定有冇第二D公司岩 ...

邊做邊搵啦，我都做得唔開心，依家都係邊做邊搵工。

公司栽員或執笠又唔同，你自己裸辭呢家野幾蝕底，尤其年紀大d的僱員，寫你做咁短時間的工落cv 度就梗係唔會啦，寫左你比乜解釋？唔慣或太忙實比 hr 話你抗壓力低，又話忙就要走咁點敢請你。好，就算唔寫你做呢份短期的工係cv 費事煩，下份工的hr 都實chur 住個空檔來問，點解走丫，點解唔搵到工先走丫，又係一大輪老作解釋，hr 信唔信都要兩睇。同埋一份工你比幾日去適應又真係短d，你咪邊搵邊做當係適應，我覺得一份新工好多時都要2-3個月去適應。

轉行就睇下你年紀，30歲前都可以，又或者你家境好賺錢買花戴的都無問題，轉行好多時要由低做起，人工就梗係低啦，隨時重要同 fresh grad 爭位置，太遲轉行會好蝕底，我有個朋友大學畢業後轉左3次行，然後到40歲同我呻人工低，咁肯定架啦，每次轉工都要由低做起，人工會高過同期的同學真係有少少難度，隨非係專業資格的行業。

James_Beatkit

Fuko~ 發表於 2017-9-10 22:19
我死期會定係一個月，呢個月都仲可以隨時唔做就走，過左呢個月就唔得。
其實家下都有睇定有冇第二D公司岩 ...

冇錯
邊做邊搵好事
但又唔好真係為左轉工諗住求其搵份做住先
加油

Fuko~

wahton 發表於 2017-9-8 17:00
我覺得你冇做野一段時間, 仲要返一份同自己性格唔夾既工作

起初一定唔慣

我死期會定係一個月，呢個月都仲可以隨時唔做就走，過左呢個月就唔得。
其實家下都有睇定有冇第二D公司岩做。我都明白唔應該禁易放棄話唔做，同埋最好都係邊做邊搵。

Fuko~

拖肥糖 發表於 2017-9-7 22:21
既然你唔適應，又講到咁，走！

始終都冇錢係身...就算辛苦極都要做多兩做先走。

wahton

我覺得你冇做野一段時間, 仲要返一份同自己性格唔夾既工作

起初一定唔慣

但你只返左幾日工, 不妨俾多少少時間自己適應

例如SET個限期俾自己

如果限期內仍然適應唔到, 證明份工真係唔岩自己

到時再諗辭職都唔遲

拖肥糖

既然你唔適應，又講到咁，走！