明晚 vs man utd ( away )

愛華戰士

作客黎到奧脫福大部份時間領先，最後拎走一分，也不能說不滿意了。

好明顯BIG DUN 係識波之人，今場我開頭FB 見排陣係一個532 陣式，原本都有D 鄂然，因為成個中場得湯戴維斯算搶得下，.....咁會好明顯中場中路會輸晒，但跟手見成個調動好明顯係推HOLGATE 上防中位....咁成件事就醒神晒.....HOLGATE 係中場今場不斷做截擊。...今場如果你問我，最佳球員我會揀佢。佢中間搶完...一係第一時間撞前....一係就先保護個波之後就放前邊左右位......沒有多餘野。

甸尼上場傷....我都奇怪點解可以咁快又踢得....因為睇佢拉傷呢D 位....至少應該抖2-3星期。果然拜恩斯要出.....後備出黎講真真係交足功課....啲短傳好淨....放D 中距離又有水準.....角球明顯個落點恰到好處變助功......雖然有一兩下速度係真係比人明爆....但防守封位已盡晒力。 聖誕快車...拜恩斯仍然值得出場。

DCL 我要講O係BIG DUN 之下.....發揮晒佢所長....不斷去衝對方....( 呢個至係佢最佳踢法)...之前幾個領隊用DCL 係期望佢做殺手入波....但佢把握力真係唔得....反而用活力去做個前點.....幫隊友制造空位會更合發揮。
李察利臣今場相對有D 沉....不過考慮到對面明知你有突破能力....一定會重點看守.....

賓特利發揮都係麻麻地....
伊禾比雖然仍然唔係踢得太SHARP....不過我相信繼續KEEP 住比佢打多三幾場佢會入局.....佢仲係身重.....但態度OK....肯走肯追波踢.....比多D 機會我相信會更有威脅

堅恩真係.....後備落黎我觀察左佢十分鐘.....真係唔太願意起步撲波.....可能佢踢法上係走位入涉.....主攻型....呢類左撲右撲對黎講係完全唔適應。之但係O係果個時間....球隊最需要係一個前邊不斷走動比對手壓力的前鋒.......我始終唔希望球會咁容易就放棄呢D 年青收購.....因為好大程度上....意大利聯賽過到黎真係要適應期。而且隊波宜家踢法好明顯係靠拼勁...而非戰術.....呢刻放棄佢同倒錢落海無分別。

下半場中段開始隊波轉數明顯轉慢.....失波都無得怪邊個了....畢竟體力搏得七七八八.....MIRA 封位好多時都係封唔晒.......你話怪碧福特落地慢....咁事實上對邊射呢球...落住雨...又射穿個中堅.....貼柱失都無法子。

愛華戰士

Forever_Fan 發表於 2019-12-16 07:49
Ferguson says he is happy to help the club out but does not think he is the man for the job right no ...

好欣賞費格遜呢個咁正面O既心態.....佢愛愛華頓。只想為隊波作出供獻.....
事實上佢未有執教球隊任何經驗，呢一點一定要有自知之明。
你總不能覺得自己一出山教波就可以從根本改變隊波好多

球隊呢刻係關鍵期.....稍一不慎又中興無望.....找一個富經驗又有能力的領隊....係非常重要。

Forever_Fan

laukarwing 發表於 2019-12-16 10:58
如果BIG DUNC. 能夠將Dominic Calvert Lewin 及 Oumar Niasse 改造成防守型前鋒，對現時球隊的發展係絕對有 ...

Niasse我覺得佢一直都好肯做防守丫，DCL係呢方面就弱少少，防守走位麻麻

Forever_Fan

愛華戰士 發表於 2019-12-16 11:11
作客黎到奧脫福大部份時間領先，最後拎走一分，也不能說不滿意了。

好明顯BIG DUN 係識波之人，今場我開頭 ...

拜恩斯係值得正選，或許佢體力無法場場出，但輪換係無問題，同後期的希拔一樣，或許速度係無以前咁快，但企位和攔截都十分出色。

堅恩你可以話現時戰術不符佢的善長，但19歲咁年輕就work rate來講就太低了，這就是心態或態度問題，咁後生有氣有力點會係前面就算唔夠技術也可以做到死纏爛打，佢做唔到就係態度問題，我也相信鄧肯有咁的交代，Niasse出來就做到呢樣野。但球會也唔會放棄堅恩，肯定希望對方適應返英超快速的節奏，始終佢來自節奏較慢的意甲，英超對體力的要求係會高一些。

拖肥1878

依家盛傳：肥安教拖肥，阿迪達教阿仙奴

James_Beatkit

彈地 發表於 2019-12-15 23:59
堅因換入又換出好古怪,  如果你認為佢唔跟指示做, 咁下場咪唔出佢囉
作為領隊唔會咁冇風度嗎？換入剛剛15分 ...

唔好睇但只可以講紀律嚴明同戰術需要

James_Beatkit

wahton 發表於 2019-12-16 00:30
用李臣踢介乎正前同輔鋒個位又係一大發現

佢防守意識強, 可以追到好後幫手迫, 減輕中路防守既壓力

但Tosun冇份反而有d可惜
睇下週中有冇佢份

James_Beatkit

ngkk821 發表於 2019-12-16 00:42
今日錯有錯著無施格臣及德夫，放holgate打防中打得好好，變相中堅壓力細左，犯錯都少左，真唔明施華之前點 ...

呢個就係點解我唔明唔用Besic既原因
除非你話佢紀律問題
但Holgate呢場睇到就係防中佢唔係單單破壞就算
仲慢慢睇定分波交波呢樣反而佢地做唔到

James_Beatkit

愛華戰士 發表於 2019-12-16 11:18
好欣賞費格遜呢個咁正面O既心態.....佢愛愛華頓。只想為隊波作出供獻.....
事實上佢未有執教球隊任何 ...

簡直感受到佢對愛華頓既愛
希望有朝一日真係比佢教

24cheung

James_Beatkit 發表於 2019-12-17 14:31
呢個就係點解我唔明唔用Besic既原因
除非你話佢紀律問題
但Holgate呢場睇到就係防中佢唔係單單破壞就算

Besic今季喺錫菲聯長期後備冇得出，咁就知佢有幾多貨啦，唔好再諗佢喇。我地幾件大傷貨冇件踢得返