03/08/2017 歐霸盃外圍賽第三圈 作客對路梳比洛

Forever_Fan

睇完20分鐘精華，雙方有威脅射門基本係零，全場猜猜猜，究竟成班知唔知打乜，去到禁區邊就好似以前咁老鼠拉龜，而且有一個問題已經不止提及過一次，pace.....可唔可以比d速度和走位比我睇？呢樣野我只係 davies 和卡拉臣睇到，DCL 入來後都有d，但其他人做乜？老人兵團嗎，企晒係度，你唔走動多d點拉空人地後防丫？就算買左施古臣都係無解決問題，因為佢都係慢。人地第一場落後，焗住一定要攻，後防係絕對有空位入的，但成隊都把握唔到d空位。朗尼和sandro 都係打得差，兩個係前面都唔知點的，2個的射門都無質量，全部都唔中龍，重要差好遠個隻，好多時又係有位唔傳夾硬射，射得中先奇。舒拉達連打得差，其實佢上場都係無乜驚喜，又無乜驚嚇咁解，巴利後來換入，我還是覺得季初狀態來講，巴利更好。pickfords 明顯有功架，今場唔算好大考驗。

今場打得好的我覺有卡拉臣，davies 和入左球的 DCL，呢3個都有共通點，肯跑有速度，其實今次唔應該出 GUEYE，表現一般，應該出有速度的麥卡菲可能更好，非洲球員一般勤力有餘，技術不足，對強隊做破壞就好，對弱隊發揮唔到佢優點之餘，突顯晒佢缺點，係呢d情形下搵麥卡菲呢d中庸少少的歐洲球員可能更好。中堅們今日稱職，但受的考驗不大。

Forever_Fan

重有一個諷刺的地方：

你花大價錢增兵的入唔到波，入到波的反而係我地的青訓球員，RK 你係咪應該反思下借晒d表現唔錯的青訓出去都唔比佢地打下後備，究竟係咪正確呢？

爆炸拖肥糖

DCL 後備出嚟改變戰局，聰明嘅走位同唔錯嘅身高即刻令前面多咗空位同打多範高波，希望令質疑佢嘅 有小小改觀

爆炸拖肥糖

至於 Rooney, 想做太多嘢，搞到好多時諗多咗，拖慢咗節奏，d decision 仲慢過 Barkley

James_Beatkit

講真捱眼訓睇場悶波真係好辛苦
但總算晉級
不過真係唔好咁開心

成場波踢得合格既我只會比Baines,Davies同DCL(後邊4個唔講啦對面都冇咩攻勢,pickford算ok但佢打腳下功夫同侯活有得揮)
成隊波冇隊型冇走圍
有師兄話係後馬仔時代咁
我會講比個段時期既9猜仲要衰
卡拉臣我已經講左萬9次佢唔係踢10號位(可能RK都知所以一定要買施格臣)
成場波隱哂形比巴克利踢呢個位仲要差
肥仔就真係唔識講踢前完全跟唔到
上半場唔記得邊個比球地波佢可以未射已經跌低埋
下半場禁區頂幾秒時間都唔射波都甩埋
佢轉邊HOLD波勉強仲有一兩下但其餘真係冇眼睇
情意結都冇用
基爾比我想像中差好多球冇壓力下比失波
辛祖勤力肯跑但佢差唔多做埋肥仔個份前邊見到都好吃力
Davies打呢個位有驚喜始終後生可以跑上跑落
Baines成場做好多攔截左邊靠佢上落
原本睇緊又媽緊RK換契仔入黎
但佢入黎係明顯前邊多左少少威脅
高波上同走位上明顯比肥仔有優勢
唔該一係就前邊放9+29,後邊一格先放10
唔好後邊再20,前邊9+10 真係嘔血
但總結成班波依然好LUP冇動力
係未見到正常返之前勸大家唔好J個陣咁多
就算施格臣黎到都咁話
呢個態對住季初班老虎真係講句GOOD LUCK

James_Beatkit

另外今晚會抽籤知道分組賽咩對手

Forever_Fan

季初重要連場硬杖，隊波咁的表現難道想連戰連敗?

24cheung

請問邊度有20分鐘精華睇

Forever_Fan

24cheung 發表於 2017-8-4 09:49
請問邊度有20分鐘精華睇

官網的evertontv

Fuko~

好彩下半場冇睇~! 一早都話，你換哂成隊波一定要時間夾，大家都唔知點走位配合...再加上我地隊波明顯係想打小組滲入就更加會係禁。
禁所以，施古臣黎到都唔會話改變到現狀...除非真係佢地禁多個，有一兩個彈起左，以佢做重心就會好少少。
我預左呢隊死野起碼衰半季...雖然對弱隊應該食硬，但肯定冇上季禁容易。

下場對西維爾，大家會睇到咩叫機動性同技術...呢隊波雖然冇英超前列禁強，但肯定係我地之上。
加上LAST一場，又有機會係歐霸場上碰面，大家都會好認真去踢。