作客找卡數

愛華戰士

今場上半場個配置太保守，保守到近乎唔要進攻。高美斯嘅作用近乎零，作為一隊波，講真呢類型球員可以話多餘，好睇而不實際，輸個十二碼可以話班証嚴，但你回陪出腳應該謹慎，比人咁後邊涉，人哋擺明搏十二碼，你咁踢只能怪自己。莊祖堅尼連20碼距離嘅傳送都做唔到，唔好再話有質素啦，有料史洛克零四唔會唔要啦。米拿次次見訓練時完全不認真，嘻皮笑臉，做中堅要有霸氣，所以佢表現真係甩漏多。米高堅尼今場雖然輸但少有值得讚，爆到去左翼位，態度正確。唔明點解阿倫，賓納特不斷放任比德夫做較炮，十腳三閘位斬埋去九球過唔到第一點，長傳唔到，又好上腳，拖死波至比，好難夾。施格臣勤力有餘但都係果句- 難配合。賓納特叫做落後落黎谷一段有少少威脅。杜古希越踢越沉，要盡快搞清楚佢應該踢防守、串連，輔鋒定咩位置，場場唔同位會浪費左啲球員。阿倫上半場差，落後時放開踢打返好左。要歸納嘅係今場波好多球員都唔敢主動去迎波踢，個個怕甩咁。搞到成場波踢落無生位，後邊猜個波上前啲位無變化，話明比對手知啲波點去。杜遜出黎好似無乜惦過波。

拖肥糖

整場波雙方好拉鋸，和波較合理。

1) kenny防守有水準，復出及時；Nkounkou出乎意料幾穩健

2) delph可以放棄

3) cenk tosun有calvert-lewin拍雙前鋒好靈活，走位刁鑽而且護到波；calvert-lewin入波其次，見無供應回中場搵波，作為正中鋒態度好，唔係企係度等運到

4) 球12碼咁都俾真係屌一聲

愛華戰士

Fuko~ 發表於 2020-11-2 00:19
結果黎睇就係呢隊紐卡素比安帥更加廢...
顯得佢出塞中場車同拖慢黎打好廢，如果係其他前列隊，先守求攻更 ...

殘陣+上場完敗....今場出人偏向保守呢點我讚同....之不過考慮到對手紐卡素中場中路組織力一貫唔強呢點考慮....我地擺一個中場鐵桶似乎係多膠魚O既。

我感覺安帥將德夫當派路黎用....真係笑死。變相令到阿倫中路完全無空間發揮。
而且領隊原意係知道高美斯同施格臣唔係落底球員....所以有意要2閘進攻時推上去，到佢地開上去時比德夫拉返落閘位....杜古希落右閘位，之但係事實上踢黎....左閘後生仔進攻時無錯係肯上....但係德夫同高美斯無放膽比波佢去衝.....形成成條左路塞實左；右邊當大家以為莊祖堅尼有能力殺上去時....原來條友真係無貨O既....我之前見呢度唔少師兄幾推崇堅尼....唔該唔好再吹捧佢.....莫講話要佢自己靠速度爆人...就算隊友同佢做到ONE TWO...佢有2下入禁區出果下波都只係合埋眼出.......唔好要求高要佢助攻....純綷要佢做個閘....將個波穩妥運返上中場....佢都做得差....當然前邊接應的施格臣唔係一個現身攞波好好O既球員....但從佢兩下20碼唔到O既短距離傳波都唔夠力我真係覺得佢唔得.......仲有佢學埋高文壞習慣....一攞個波就攞死個波 (呢下野德夫一樣)，最終最好選擇就只能係回傳比耶利米拿。
今場仲有2個配置我都有D 奇怪....後備席唔見BEN GODFRY...亦唔見湯戴維斯。GODFRY上場打右閘係差....但後備竟然寧願擺剛傷好19歲高佬中堅都唔放GODFRY 似乎有D難理解；另外戴維斯可防中可閘.....又連後備都無......同樣係比較難明。( 唔知佢地係咪傷)
再多口提....伊禾比身重如牛.....究竟佢係操肌操得勁過龍定變養到自己咁大舊。跑起上黎毫無速度感。不如索性搵佢打中鋒同人撞下好過啦。
英超水平同預備組係2回事，

ginger

今場本身都係諗搏一分，上半場係悶但其實唔算差，用左76成名聖誕樹陣，但無奈兩閘一邊冇質素一邊冇經驗，下半場冰島打返正前後面其實係好左，不過高美斯真係實在太差球12碼冇可能咁樣出腳，一落後基本上輸硬。鴨仔其實真係算係咁，鵝比今場入黎又有返啲野睇真係比佢吹漲，bernard明顯唔啱踢，得夫又係垃圾都不如.....唯一亮點係olsen幾唔錯，腳下功夫好膠碧N倍，希望以後唔駛見到膠碧

barker

今週返主場對曼狗 Digne, 占士, pickford, coleman 將會復出

barker

如果冬季窗真係借到 isco 的話, gomes 或施古臣是但一位就可以拜拜

愛華戰士

barker 發表於 2020-11-2 10:02
如果冬季窗真係借到 isco 的話, gomes 或施古臣是但一位就可以拜拜

其實我地有占士洛迪古斯，GOMES 同施格臣呢2位根本無立足之地。

GOMES 本身係有控球技術.....但本身佢意識或者位置有問題。-----> 如果你要踢攻中....首先你要有帶波向前進攻意識...但GOMES 明顯係傾向拎波回後......COOL定波交轉頭....所以根本唔係攻中材料。
作為進攻中場甚或要做翼....你一係要射得 (至少要有禁區頂遠射)...一係扭得(要向前扭.) (濕手巾...丹尼臣果種都叫扭得...雖然扭黎無大作用)....高美斯勉強只係原地扭；一係傳得......迪布尼果種長傳我唔奢望......你面對面向前送個直線都好啊.....但高美斯真係無。所以根本唔可以預進攻位佢踢....如果唔攻....純搵佢做中場控...佢又唔夠防守力...位置或亦唔強.....同位我用ALLAN 絕對較好。

施格臣....好啦....礙於佢盤球能力低...如果我係FIFA GAME比30/99 都比多佢....基本控定個波帶生推前5碼同隊友ONE TWO 都唔得。....所以為左減少佢斷波........勉強只可以比個前鋒後邊....輔鋒角色佢踢.....叫做禁區頂一腳 ( 當然仲有死球可以踢)....所以施格臣一係就掛網哇哇聲....一係就飛機媽媽聲。

宜家睇黎占士踢右中場呢個位防守差呢個缺點越黎越明顯....所以黎緊球隊一定要變陣.....占士唔可以再踢右邊....而需要放返入中路踢返10號位....

如果FULL TEAM....4231 係較合理

後邊甸尼同高文2閘以攻代守....
.中場阿倫負責返防中串聯......旁邊企返杜古希....始終有身型...雖然佢位置感唔太高...但勝在佢肯上肯落包波補位.......三個攻中左至右李7..中路占士...右路我建議用GORDON...李7同GORDON 屬於有速度同善突破.....只要多現身...占士大把波比佢地去........
前鋒當人不讓就係DCL....占士收入中間...DCL 由於唔係搶點同頭好過腳...所以佢作用可能係做個爆破點....為3個攻中做機會仲好。

呢個陣係我宜家想來想去攻守最平衡....加量速度最唔輸蝕O既陣容黎。

24cheung

愛華戰士 發表於 2020-11-2 09:35
殘陣+上場完敗....今場出人偏向保守呢點我讚同....之不過考慮到對手紐卡素中場中路組織力一貫唔強呢點考 ...

Godfry傷左

24cheung

24cheung 發表於 2020-11-2 13:37
Godfry傷左

拉傷大腿，又唔知 唞幾耐

killersmiling

愛華戰士 發表於 2020-11-2 11:40
其實我地有占士洛迪古斯，GOMES 同施格臣呢2位根本無立足之地。

GOMES 本身係有控球技術.....但本身佢意 ...

4231絶對正確，第一場羸熱刺咪4231,防中用allen和gomes,右中用杜古希攪掂，gomes防力弱D但遠傳ok的，有需要杜古希可落回做防中，gomes強項係中間派牌，之前試過很多次是work的，佢—定好過徳夫，徳夫只是不断交後比堅尼，沒胆色推上，伊禾比又係，係左路推到咁上吓就自我停步回傳，可留意電視，勁廢，從來没落底線的！