[護級大戰] 30/11深夜4:00迎戰西咸

Fuko~

確認左係大sam先黎踢爭氣波，講咩都冇用。不過禁，得18個月約，暑假都一樣可以解約。我理解係如果有名帥肯黎，班主一定同大sam解約...年半約，班主一黎買個保險二黎大sam先肯黎。希望暑假完之後唔駛見到佢！

reedlo16

起唔到身睇…朗尼帽子戲法…

聽師兄講今場佢打得好後…

其實一直認為，宜家隊波的陣容，加上朗尼的年紀體能，最適合佢的位置便是以往巴利打個位，負責調整攻守節奏，分波，佢長傳到位，對轉守為攻、穩守特擊是絕對有好大幫助。

Jassoo

Fuko~ 發表於 2017-11-30 08:24
確認左係大sam先黎踢爭氣波，講咩都冇用。不過禁，得18個月約，暑假都一樣可以解約。我理解係如果有名帥肯 ...

經過今場，好明顯睇到我地隊波唔係唔得，之前只係唔肯積極，最好大Sam幫我地護到級之後跟手就踢佢走，對住呢D賤人賠一年送佢走，都唔使講人情

James_Beatkit

Fuko~ 發表於 2017-11-30 08:24
確認左係大sam先黎踢爭氣波，講咩都冇用。不過禁，得18個月約，暑假都一樣可以解約。我理解係如果有名帥肯 ...

最緊要知道其實呢班波係踢得到
1月千奇咪再比咁多錢佢買人
咪比咁多機會佢賺回俑

niclas

其實拖肥隊波系乜問題，話要換教練，就來個４：Ｏ　真系搞唔明啊！

leonkit

niclas 發表於 2017-11-30 10:20
其實拖肥隊波系乜問題，話要換教練，就來個４：Ｏ　真系搞唔明啊！

呢個就係問題呀
睇情況先踢
上場對修仔HEA到無倫

aeroplane602

其實有運 大威輸球十二碼入左又唔同講法

wahton

reedlo16 發表於 2017-11-30 08:38
起唔到身睇…朗尼帽子戲法…

聽師兄講今場佢打得好後…

對,佢昨晚就係做呢個角色

後場多數D波都經佢派

有佢墮後HOLD波, 控制節奏, 班波進攻的確流暢左, 少左無謂大腳

24cheung

椰子見底了，好在佢冇來

愛華戰士

戰果係有D 出乎我意料之外，但一場勝仗唔代表到D 乜，今屆到現時仍然係錯漏百出。
換個角度睇.....莫耶斯又差不多可以執定包伏了。

最近已經不斷批評....唔好出舒拉達連....出親佢必死.....今場唔用佢....改用戴維斯+ GANA ( 實際戴維斯踢得更自由 - 因為有活力....反而朗尼墮後少少分波....遠射同必要時壓上黎...效果即刻有)

朗尼三個入波當然係好....但其實三球都係帶點幸福成份.....機會也不是百份百.....第一球十二碼唔入補中，第二球橫傳唔太清翠下朗尼搵到個靚位....第三球更加係十年無一遇O既.....
反而威廉士角球入波....我係開心O既...我地今屆聯賽係咪第一次角球頭搥直入？呢球好重要.....我地要打得更簡單直接....事實上觀察過去十幾場聯賽...我地O係爭頂上嚴重不及對手.....你拎唔到制空權....自然損失好多控球權....

點都好啦....贏返場主場止下血先....拎住15分.....排名計我地又唔算好差劣.....因為今屆睇前6有少少帶甩左....後半板差距更加細.....始終仲有廿幾場波.........我對艾拿戴斯都無乜好感....不過希望佢帶返D 隊型出黎比球迷睇........