新領隊人選

Forever_Fan

其實我對費格遜的眼光有信心，當年佢無揀錯，只係老莫太保守，太想平穩過渡，如果佢學雲高爾一來就做清洗，可能第一年就得到成功，當年能在缺乏轉會資金時保持競爭，有鬥志和士氣，現時環境有錢有人下，我覺得會比當年更成功，愛華頓會更有競爭力

evertonlife

其實想當年MOYES年代，有第六第七位去衝，其實已經好開心。
而家，基於第一年馬天尼斯嘅帶領，再加上人腳嘅質素，我地好難返返去望第六第七就算。
正正係咁，MOYES又好似無具說服力嘅證據(當然試過帶愛華頓踢過歐聯外圍賽)，佢係可以帶球隊(曼聯、皇蘇)去到呢種期望。
另一樣嘢MOYES會好蝕底，就係佢帶領球隊嘅作風真係幾悶，防守不突止(LECISTER都係防守為先，但佢地嘅壓迫同反攻其實幾好睇)，前面長期得3-4人去做進攻，呢樣係睇馬天尼斯帶嘅波之後好難又想返番轉頭嘅原因。

Forever_Fan

evertonlife 發表於 2016-5-15 19:44
其實想當年MOYES年代，有第六第七位去衝，其實已經好開心。
而家，基於第一年馬天尼斯嘅帶領，再加上人腳嘅 ...

雖然老莫再執教的機會唔大，我估愛隊搵栢帥或廸保亞的機會更大，但我唔認為老莫只有第五第六的成績，應該可以偶然前四完成球季，打下歐聯，再偶然拿到杯賽冠軍，至於悶唔悶兩睇，摩連奴大巴陣一樣羅到聯賽和歐聯冠軍，你問我悶唔悶? 悶又如何，我真係希望愛華頓能拿到冠軍

Eugene02

B-Lai 發表於 2016-5-15 11:17
摩連奴只係一個谷球員能力，衝兩三年冠，然後打破哂球會根基嘅領隊。如果一兩個冠軍係可以J一世嘅，咁佢係 ...

如果谷到可以拎到個冠軍有咩所謂,我好樂意XDDD

Fuko~

Forever_Fan 發表於 2016-5-15 18:18
其實我對費格遜的眼光有信心，當年佢無揀錯，只係老莫太保守，太想平穩過渡，如果佢學雲高爾一來就做清洗， ...

始終有d帶隊風格好難改善...佢事實真係唔識教進攻...
呢d唔係換一兩個頂級前峰就改到的事...
就好似馬仔禁，識教進攻，但俾世界級後防都可以失勁多波。
記著只有防守沒有進攻，唔叫防反，呢D叫死守。

Forever_Fan

Fuko~ 發表於 2016-5-15 22:35
始終有d帶隊風格好難改善...佢事實真係唔識教進攻...
呢d唔係換一兩個頂級前峰就改到的事...
就好似馬仔禁 ...

其實我又唔係咁悲觀，雖然由於愛隊球迷想老莫返來，頂盡只有三分一，所以我唔睇好老莫回歸，但我其實幾睇好佢能力。

以前係防強於攻，但我又覺得當年真係無乜人腳和條件比佢去攻，要攻，首先要有好前鋒和好中場，佢執教11年都無錢買人，佢點攻？攻的話佢要考慮失幾多波，我覺得是不能攻....但現在有錢了，這2個位置很重要，尤其中場較砲手，我希望下季能買到一個好的，也可以在進攻方面，請一個戰術助教，無一個領隊是全能的。

還有，雖然老莫係西甲成績唔算好，但老莫係西甲11個月，見識肯定係好了，尤其係崇尚進攻的西甲，見識新的聯賽，新的風格，和巴塞和皇馬同場競技，我覺得佢一定有進步。

Fuko~

Forever_Fan 發表於 2016-5-15 23:05
其實我又唔係咁悲觀，雖然由於愛隊球迷想老莫返來，頂盡只有三分一，所以我唔睇好老莫回歸，但我其實幾睇 ...

就好似你禁講，佢見識多左...不過，仲未夠。
佢個陣打法，講到底都係防反，要踢防反，最好走去德國一轉。
係個度打番D成績出黎先，到時佢返黎有人望有財政，先係對大家最好。

nbd

其實我都想睇下莫耶斯係咪一個只可以同拖肥共患難唔可以共富貴既領隊... 難得隊波而家有budget可以俾佢買人

barker

nbd 發表於 2016-5-16 08:38
其實我都想睇下莫耶斯係咪一個只可以同拖肥共患難唔可以共富貴既領隊... 難得隊波而家有budget可以俾佢買人 ...

而家英國合法外圉五大熱門順序係 : 法蘭迪保亞, 朗奴高文, 摩連奴, 科里斯, 柏歷連尼

B-Lai

barker 發表於 2016-5-16 10:58
而家英國合法外圉五大熱門順序係 : 法蘭迪保亞, 朗奴高文, 摩連奴, 科里斯, 柏歷連尼 ...

合法就唔係外圍啦......