新領隊人選

barker

今日星期五英國報纸都話朗奴高文係 moshiri number one target

tezsonee

de boer可以一試,想當年馬天尼斯攞到FA CUP就捧到佢上天,以為佢真係得,同樣道理,DE BOER攞過聯賽冠軍,唔係更好,請到一定聯賽冠軍

隊波底下都好多新仔等上位,GArbutt, MCaleny畀人放逐左成年,所以我地目標應該換個會提拔年輕球員既領隊

而以我覺得隊波要一個有打開歐洲賽既領隊,識得點兼顧聯賽同歐洲賽

名氣大個班領隊我唔信佢地會黎,黎到又唔知佢地會唔會畀時間慢慢執

所以可以試D名氣唔太大,新進既領隊

『Ｋ』

de boer肯定唔係識踢歐洲賽果個......

Hang

大家好 新聞講真的炒了馬仔。
新領隊人選，個人希望有三:
1. 朗奴高文 - 懂善用青訓，組織力算強，拆到散哂都合得番埋。
2. 莫耶斯 - 仍然有限米煮限飯既技能，戰術悶係悶D，不過我估標叔叔退休前應該會力薦佢，先交棒。
3. 柏廸堅尼 - 我個人認為佢係有能力用人，加上管球員佢算識放識收，唔用史達寧就唔用，人人見你老闆疊水先獅子開大口，所以買親番黎既人都好貴。

最擔心的亦有三:
1. 賓尼廸斯
2. 加利仔
3. 法蘭廸保亞 - 其實同用馬仔有咩唔同 ? 一個曾經有荷甲，一個曾經有足總盃。差唔多LEVEL

另類心水，用舊將
1. 鄧肯費格遜
2. 安斯禾夫
3. Alan Stubbs

Forever_Fan

Hang 發表於 2016-5-13 09:33
大家好 新聞講真的炒了馬仔。
新領隊人選，個人希望有三:
1. 朗奴高文 - 懂善用青訓，組織力算強，拆到散 ...

同意師兄講的，你選3個屬意的，我都同意：

1. koeman肯用青訓好重要，對球會長遠發展和財政健康都好緊要，而且攻防的組織都交到貨
2. moyes我覺得佢肯用青訓，買人有眼光，防守亦做得好，穩陣，而且如果唔使賣主力，有錢買人，成績應可更上一層樓
3. 柏帥有戰術，有管理，有紀律，但略欠激情，係曼城都入唔少水貨(雖然唔知轉會係咪佢話事)，防守被垢病

你擔心的加利仔係無可能的人選，舊將都一樣，董事會覺得佢地夠料就唔使代領隊都要搵Joe Royle 呢位名宿兼前愛隊教練傍住Unsworth啦。

另外你擔心賓帥應該都唔會，當年話我地係細球會得罪好多愛隊球迷，重要係前利記教練，認受性唔高。

de boer 係我最擔心的，完全同馬仔當年一樣，羅荷甲就捧上天，荷甲賽程唔密，激烈度又低，球會質素差幾皮，英冠聯賽質素咋，歐洲賽就現晒形，無其他球會和聯賽經驗，買賣球員眼光無往績參考，又係打進攻足球，防守又要擔心，完全係賭大細，重要輸面大過贏面，同用馬仔有乜分別。

James_Beatkit

都係個句
只要佢教到出成績
理得佢張CV係白色定紅色
當日馬仔黎到時個個小哂鬼(包括我)
但見佢第一季幫球隊拎到最高分成隊波風格唔同哂好睇左
個個咪又捧番佢上天.
我又唔信新黎領隊帶到有好成績(就算好似阿仙奴年年第4)你會小番佢話佢之前冇拎冠軍經驗呀冇去邊度教呀咁
馬仔既3年總結就係
唔試過根本唔知個領隊同隊波有咩化學作用
你話搵摩佬柏帥係有料
但有冇人敢寫包單你一定有前幾有歐洲賽踢先

#我係支持FRANK做下一任領隊

laukarwing

希望盡快公布下任領隊啦!

niclas

荷蘭前國腳法蘭迪保亞，有機會成為「拖肥糖」新領隊！！！！！！！

evertonfan1986

希望快D落實邊個候領隊
因為今夏要大換血, 可以比新領隊多D時間準備
如果搵de boer , 我寧願要COCU, 起碼贏到聯賽冠軍, 又帶到入歐聯16強
其實有很多選擇, 真係有排簡

B-Lai

以現有人腳, 戰術會有呢幾個適合:
朗奴高文-穩陣人選, 有帶英超經驗，但有約在身，修咸頓會唔會咁易放人都係未知知數，而且佢係華倫西亞單野我仲記憶猶新, 唔知佢幾時會再發一次癲。佢都係帶到修咸頓中遊, 其實都唔係特別標青。
柏廸堅尼- 同上，穩陣人選, 有帶英超經驗, 怕買貴野我又唔覺, 維拉里爾個時一樣量入為出，用一堆大會棄將入到歐聯4強，肯用新人，防守都OK，或者係曼城買唔到出名中堅?
法蘭廸保亞-無英超經驗係爭D架啦, 不過比起上面個兩個, 佢就後生D, 可長遠發展，戰術比較Flexible, 幾乎半隊都係佢由預備組提拔上黎, 紀律方面似乎亦比上2個好，歐洲賽戰積唔理想, 不過要知道荷甲已經唔係上個十年個種級數, 但對巴塞贏2-1大獲好評。

柏廸堅尼同法蘭廸保亞我都接受
朗奴高文同摩連奴(每3年就會一獲粥)就咪啦......