Everton vs Aston Villa - 22nd Jan, 2022 - 20:30

Everton2018

再係咁輸落去真是好擔心班球員＂習慣成自然＂，無哂團火，真是要打護級。由老莫掌舵到現在愛華頓未試過打20場比賽還未夠20分，球隊今天創下新的紀錄。

barker

Everton2018 發表於 2022-1-23 01:31
其實鴨仔現在的狀態差到無朋友，所以我們功力啞火無咩真正大把握的入球機會，依家的鴨仔就好像當初大家認識 ...

咁而家有乜方法解救球隊, 我條片好多愛迷賽後在葛迪遜球場出面抗議同標叔叔理論

Forever_Fan

barker 發表於 2022-1-23 03:11
咁而家有乜方法解救球隊, 我條片好多愛迷賽後在葛迪遜球場出面抗議同標叔叔理論 ...

咁的情況其實只能希望護到級先再講其他

愛華戰士

其實事已至此，球迷賽前賽不斷抗議都唔會幫到隊波，只會令到球員人心更惶惶。尋晚場波睇得出大部份球員都踢得好緊張，越緊張越踢到進退失據。
其實下半場踢落我地都不落下風....至少感覺到係一場勢均力敵O既英超對局....呢個表現已經好耐無見隊波表現到出黎。宜家要做O既....首先就係要從錯誤中盡快作出改善。經我尋晚睇....以下問題需要第一時間處理︰
1) 防線被動同欠默契︰尋晚我留意到我地四人防線都分別有D問題 (枯勿論費格遜點解會認為呢四個係最佳選擇先)，葛菲打左路防尋日算係無乜大甩漏.....但有幾下波我見佢唔太夠膽出去搶點攞.....果D 波仲係只要比對手搶先左就會好易輸反擊.....好猶豫，好明顯係信心不足擔心一標失就失位.；到莊祖堅尼....尋日場波再一次係踢得頗差下.....上半場佢好多波都搵卡法路雲比.地波.....但呢個套路至少三次係一比就失.......到下半場要轉守為攻.....莊祖堅尼近乎零供獻.....60分鐘中場轉線斬左果下長傳....你無呢個長傳水準就唔好踢最後呢個位.....就算踢....唔該唔好學人玩搏波....因為真係搏唔起......一出呢D 波....我會問點解唔出高文？如果立意唔用高文.....點解唔試新人？1200萬鎊唔係又想買返黎完全唔用嘛？到雙中堅....除左兩三下比對方中場輕易放到個過頭波去耶利米拿身後外.....尋晚2個中堅唔太多甩漏.....不過幾大問題係我見有幾下波賀基治同米拿無溝通到究竟邊個負責頂個負責擔位......有時好似兩個都係向住個波.....如果話因為兩個今屆少夾.....所以唔太夠溝通。希望可以改善到。
好啦, 要話後防四人用波個問題，呢個係我認為今屆如果要護到級.....一定要提高的關鍵。大家見到葛菲踢波有個大缺點係攞波果下動作係好大同一攞就攞左去死位....好容易比對方球員埋黎封左條線...所以葛菲始終唔適合長期放閘位......；....同一個問題莊祖堅尼一樣係咁.....一攞左去右腳.....但無大腳比到遠波....對方只要係封左你比右中場條線.....我地好多波就會斷，結果四個後衛最常比波就係比碧福特.......我地呢個龍有你無理就大腳斬......以我地宜家個勢咁弱.....呢種高Q大棍我都覺得無可厚非.....之但係有幾下波其實阿倫下半場落左場後已幾次現個空位.....點解後衛以至龍門唔會考慮比中場做波？維拉個戰術，或者講今屆好多對我地O既球隊O既戰術都係好簡單.....------ 就係等你地愛華頓後防球員自已交失波.....佢地再中場打反擊....直接就劏你地條防線。大家諗下今屆我地失左幾多呢D波。

高美斯阿倫兩個上下半場各打得都唔錯....至少有信心攞波.....至但係宜家杜古希傷左.....新仔190 身高但感覺上少上腳用波.....我諗都係傾向粗支大葉形.....黎緊究竟會點安放中場中位置係關鍵.....係咪真係唔使預基巴文？格雷好勤力想表現自己.....不過尋日睇佢踢得好辛苦.....感覺上純442 陣....佢左中場唔太適應.....距離龍門太遠.....佢要搵隊友比波亦搵唔到.....同一個問題右路唐辛一樣.....當然哥頓尋日落左黎踢得好過唐辛多.....下半季相信要靠哥頓......。

前邊下半場簡單高波.....卡法路雲至叫做打返D 作用出黎.....不過事實擺在眼前.....尋日佢打得唔好。浪費左哥頓個神傳中；其次係一個唔太難頂O既頭搥 (完全頂唔中)，到上半場幾下走位根本唔知自己想做乜.....你無腳法就應該留返禁區.....你走出黎幫波....但彈親D 波就係比唔到隊友.....咁係害左隊友....唔係幫....。再見佢有下走位想接應唔知邊個隊友......開跑到隊友甩左波佢仲係O係對方兩個中堅後邉.....根本無搵到個空位走.....9 號前鋒走D 咁O既位.....。大家唔好覺得我吹毛求疵，早幾日我睇修夫賀都有出過聲話我地如果要進步.....碧福特同卡法路雲其實可以考慮放棄。- 碧福特呢種水準龍門......我相信幾百萬至一千萬鎊唔會搵唔到。我地O既頹勢起始就係卡法路雲復出出黎射失十二碼果場開始......除左季初三場順風順水......佢無幫隊波帶來乜野實質供獻，如果有球隊比四千萬鎊 (唔知佢仲值唔值呢個價) .....真心可以賣走。我細心觀察過哈利簡尼....點解人地係英格蘭正選....你卡法路雲只能做副選.....簡尼同樣係不擅引球推進....但簡尼左右腳禁區外射術係得.....而且佢攞位做中鋒幫隊友制造空位係耍家.....上場簡尼聯賽右路推順一CUP 再左腳遠處....清翠玲瓏.....真心....DCL 水準差太遠.....我地無需要攬住一個咁O既水準O既就話未來5年靠佢。你問我.....鄧肯費格遜打270 場至幫愛記入左70球....真心講要4 場至入一球....但BIG 鄧踢出黎O既係血性波....係前邊開山劈石.....幫其他隊友制造到機會O既中鋒......卡法路雲除左埋門把握力低，宜家見佢有幾可可以為其他隊友制造到埋門機會？

barker

愛華戰士 發表於 2022-1-23 16:48
其實事已至此，球迷賽前賽不斷抗議都唔會幫到隊波，只會令到球員人心更惶惶。尋晚場波睇得出大部份球員都踢 ...

最新消息韋斯咸今個月想買 DCL 但愛華頓定價要六千萬英磅先肯放

witzz

barker 發表於 2022-1-23 19:10
最新消息韋斯咸今個月想買 DCL 但愛華頓定價要六千萬英磅先肯放

有六千萬唔怕放

barker

witzz 發表於 2022-1-23 19:44
有六千萬唔怕放

韋斯咸有無六千萬英磅兄 ？第二愛隊係咪揾到適當前鋒代替 DCL 先 ？

Everton2018

現在愛華頓深䧟降班漩窩，坊間好多中外球評家和其他球隊球迷都批評拖肥揸住呢手牌咁多高質球員無理由會攪成咁。

barker

Vitor Pereira 已見過 Moshiri 佢而家已成為接任愛隊新主帥大熱

witzz

barker 發表於 2022-1-24 05:11
Vitor Pereira 已見過 Moshiri 佢而家已成為接任愛隊新主帥大熱

伊朗佬真係痴線，係咪咁鍾意搵教過中超嘅人，條友仲要連教土超班霸都唔掂，啱啱先俾人炒左。