愛華頓轉會討論區 2017-2018球季

Forever_Fan

tezsonee 發表於 2017-7-27 08:07
有錯就插就歸咎於曬高文,成功就係其他人功勞,睇唔到幾合理
認同樓上成隊波決定唔會佢一個人處理,但係就成 ...

羅曼城跟我們球會去比較，未免太唔客觀，曼城年年做水魚又點呢，佢地有無限金錢，英超最具財富實力的老闆無疑要屬阿布達比財團老闆、現任阿聯酋總統的弟弟，曼城老闆曼蘇爾酋長。計埋家族資產就唔好講啦，就算佢的個人資產都高達200億英鎊，唔通人地要癲，我地要陪佢地癲？

同意朗奴高文今季的評價，無乜地方讚，又無乜地方犯大錯誤，所以我都係聽其言，觀其行，保持觀望的態度。正如我之前講，佢唔算係眾望所歸的領隊，一定有質疑和批評的聲音，始終佢的 track record 唔算標青。

盃仔就睇下實力加運氣，根據以前數據，非強隊碰杯大約每5屆有1屆吧，以聯賽杯來講，10-11年伯明翰捧，12-13年就史雲斯捧。足總杯，07-08年的樸茅和12-13年的韋根，也唔可以話完全無機會，但運氣肯定都好重要。

熱刺多資源？每季得個廿二三個球員，打死正選11人，我地都有30人啦，佢地薪金架構整體來講也唔算高，注重青訓球員，轉會費更唔算多，今季係唯一一隊英超球隊只賣人但未買人的，上季轉會淨支出也只是20m左右咋。

Forever_Fan

James_Beatkit 發表於 2017-7-27 09:47
或者我句"koeman out"
令到好多人覺得我為反而反唔係支持隊波而係針對個人
由day 1開始我已經反對RK去教

同意你所講，今季除施格臣呢單，就只有 pickford 算係高，呢2年的其他轉會的費用，就算高也不是不可接受，也算合理。

RK 的往績也是為甚麼上任之前和之後質疑聲音不絕的原因，除左修咸頓外 (其實佢係修咸頓做到的野同老莫係我地球隊做到的咪又係差唔多，叉燒價錢，燒鵝味道)，其實佢執教球隊並無甚麼亮點，荷甲佢教的都係班霸，拿到的成績都唔多唔少有水份，這從眾多荷甲班霸的領隊轉教其他聯賽後的慘況可以明白。佢的往績也可以從佢執教好多時1-2年就要轉球會可以睇到，華倫西亞和阿爾克馬爾絕對係佢執教生涯的污點，阿爾克馬爾失敗間接導致佢之後2年沒有再執教球隊。

我承認我由佢執教開始都唔太欣賞佢，不單是佢 track record 唔好，最重要係當時唔續約希拔和奧士文時的唔尊重，唔續約無問題，但連當面講聲都無，連球員都要由報導收到消息才知道，佢地兩個都叫元老，咁的待遇，真係令人感到寒意。加上為迫niasse走，又唔比佢跟一隊操都算，叫佢跟u23操，竟然連 locker 都唔比佢，你睇下當年 niasse 講的野：“I’m in the dressing-room with the under-23s but I don’t have a locker,” Niasse says. “The other players have where they put their stuff but I don’t. I come with my bag and I just have a place I know. I put my bag down, I train and after, I put everything in my car and go home.”

講真丫，巴克里走我覺得同 RK 唔多唔少有關係，佢的執教風格我並不欣賞。

barker

Forever_Fan 發表於 2017-7-27 10:14
同意你所講，今季除施格臣呢單，就只有 pickford 算係高，呢2年的其他轉會的費用，就算高也不是不可接受， ...

愛華頓同 crystal palace , stoke city 爭簽韋斯咸中堅占士哥連斯

愛華寶寶

barker 發表於 2017-7-27 10:46
愛華頓同 crystal palace , stoke city 爭簽韋斯咸中堅占士哥連斯

呢條光頭佬？不如出比錫好過

Fuko~

tezsonee 發表於 2017-7-27 08:07
有錯就插就歸咎於曬高文,成功就係其他人功勞,睇唔到幾合理
認同樓上成隊波決定唔會佢一個人處理,但係就成 ...

>有錯就插就歸咎於曬高文,成功就係其他人功勞,睇唔到幾合理
>認同樓上成隊波決定唔會佢一個人處理,但係就成日對號入座
講明先，我係其中一個唔鍾意高文的人。但佢so far的確係買人方面係幾針對我地弱項黎做。
而且我都同佢一樣讚成朗尼番黎。呢d野，呢度都有人讚過佢，我諗你唔好就最近買施古臣單野黎一概而論。

>隊波上到第六,交到成績,都畀人樣樣野插,試下交唔到,重會唔會畀多時間佢執
>下下都睇死隊波,未踢已經反定先,咁都叫支持
我唔清楚你睇左上季幾多場波。呢度唔係剩係得我一個人禁覺得，上季隊波有呢個成績唔多唔少係有d幸運成份。
而且我地都睇到ge係隊波去到季尾都仲係一d隊形都冇，有時我甚至懷疑班人究竟打緊咩戰術?
之但係班人又真係對弱隊好醒神，所以我都依然係想睇下教多一季，換哂11個人，隊波係咪又有form?
同埋呢個亦都係合理預期，你換哂11個人，係一定要時間磨合。even我唔介意俾季初時間佢輸，只要FA CUP有成績就得。

>年年都要攞盃仔,講到盃仔好易攞,問題咁多年英超,都係降班級個幾隊同爭冠軍個幾隊先攞到,熱刺咁多資源都未攞到
你駛左1億，我唔要求你拎杯，你都唔好同我8強都入唔到AH，係咪先?話哂英超中游，冇8強，你都16強啦係咪先?

barker

愛華寶寶 發表於 2017-7-27 10:57
呢條光頭佬？不如出比錫好過

光頭佬可兼踼左閘 ?

James_Beatkit

Fuko~ 發表於 2017-7-27 10:58
>有錯就插就歸咎於曬高文,成功就係其他人功勞,睇唔到幾合理
>認同樓上成隊波決定唔會佢一個人處理,但係就 ...

同意
馬仔衰極都足總盃4強歐霸16強
你依家用左1億再比個5折你
今屆盃仔16強歐霸32強都唔過份吖

愛華寶寶

barker 發表於 2017-7-27 10:58
光頭佬可兼踼左閘 ?

如果佢踢左閘保證每埸都有失波

witzz

我諗好多人包括我都唔介意愛記瘋狂買人, 因為等左好多年,終於得到愛記有多的錢洗
不過你有錢都要識用架,成50m擲落個二線球員施古臣到,點解唔試下BID的一線球員,等我地的球迷自High下都好呀

evertonarteta10

個人感想:

我其實咁解讀.  字裡行間, RK仲係留左條路比巴克利, 只要你練波, 你一定係FIRST TEAM度TRAIN....感覺好似OKAY, 只要你續約, 我會用你(正唔正選後話啦), 可見RK對巴克利係未死心.  CONTRCT OFFER就係咁多亦唔會再多, 球會比足誠意出黎, 我RK亦都會比機會你, 假如你最後要出走, 這都是"你的決定".

曾經我都諗50M買施格臣係痴線.  但有人提出之下我亦同意一個點.  你參考下出面: 愛華頓賣盧卡古一個換5個.  我地知道我地有一億, 其他班主知道我地有一億, 但係全球球員唔會個個知我地有一億.  要明白一樣野個個球員同球迷幾乎都認為有錢先係大會, 有錢既大會先踢得過, 過去既榮譽只係歷史文件, 你淨係睇PSG, 垃圾歷史而家同我講佢地叫大會?豪門?  變相既係, 我地唔駛呢5000萬, 唔變成鑀既時候, 我地全球形象仍然係"為保英超前半版位置", 好少少咪"盡力爭取歐霸盃入場卷".  而引申到球員真正黎到球隊, 佢地心入面只有2個字: 跳板, 活生生既例子咪就: Romelu Lukaku.  我又掉番轉問你, 你要一個跳板球員定爭冠球員?  你可能會話點解唔買一線?  咁我地而家個地位吸引到一線?  唔多, 你問下高華錫 / 伊斯高 / 艾達杜蘭 / 達斯拿 / 奧斯卡 / 盧卡斯 / 山神 / 奧燒 / 馬達黎唔黎....50M夠買佢地喇掛.  而家擺明高價買有能力打上前4既球員, 先求穩定歐聯, 以後就係如你所講, 高價買一線球員, 要記住: 冇歐聯冇一線.

50M買施格臣的確係痴線, 但係這筆錢非駛不可.  管理層報得45M-50M出去, 肯定計過哂數, 你都識話MOSHIRI係會計師佢點會唔知.  有錢等於有冠軍已經係不爭既事實, 唔好同我講李斯特城.  而家就係要準備同全世界講: 愛華頓係爭冠球隊.

針冇2頭利, 轉型轉風格係必然既經過.  如果USMANOV真係如傳言中入股, 可以肯定"鑀"得更徹底.  係我心中"鑀"同"PEOPLE'S CLUB"係可以共存, 只係營運同生存方式改變而已, 或許HIBBERT OSMAN係MOSHIRI初到貴境未熟球隊文化而用錯方法, 人總會做錯事, 即管睇下隊長個結局會點先做決定都唔遲.  (OSMAN好似返左球會做野咁款喎)

關於青訓, 我覺得RK算比足機會, 我會覺得我地青訓除左TD之外, 係唔係真係個個SHARP到場場正選我又唔覺, 但值得放BENCH等待機會.  PENNINGTON同BROWNING擺明唔夠班而的確中堅係要入一個.  前鋒不在話下又係要搵個TARGET MAN.  不公開名字那個就肯定係施格臣.

RK往績差係事實.  但係唔好忘記修咸頓第7同第6跑完.  從上季到目前RK買人都幾針對性, 打法算穩健.  係金錢供應下RK會打出咩成績我會係相當期待.