2017-2018球季 英超開鑼戰 主場對史篤城 (12/08/2017, 10pm)

爆炸拖肥糖

Forever_Fan 發表於 2017-8-13 02:10
賽後RK承認佢排錯陣，所以半場打返4後衛，話愛隊立時羅返唔少控球權，防守又好左，大家都打得舒服左。 ...

肯認錯就仲有得救，
希望佢可以喺錯誤中吸取教訓

niclas

一球小勝！難得啦！但系之後D賽程有排搞了喔！ RK真系要出力啦！

愛華戰士

容許我做個點評。

整場比賽黎講，不合格。
成場波的傳送走位進攻都好唔流暢，特別係上半場打361 .....定位好唔清晰
積基卡/ 威廉士/ 堅尼.....同2個防中企位太貼.....根本上就係用人海戰術去防守.....
左邊拜恩斯一貫的上上落落.....但右邊DCL.....根本唔適應.....而且佢係一個無參予防守的翼衛)
防中GANA 好勤力...但舒拉達連狀況幾沉.....根本做唔到COOL 波帶生波O既角色...
辛度勤力....但搵唔到自己個位置.....卡拉臣直頭隱左形....得朗尼係打到出水準.....攻擊組合完全無配合可言。

下半場打返451....感覺上流暢返D.....馬天拿你唔可以話佢好突出....但佢有三幾腳斬中其實落點唔錯....可能話佢一對一防守唔算好好....但免簽返黎....真係值得大家比D 鼓勵佢。

球員表現︰
碧福特︰救沙基利果下好，另佢斬龍門球都幾準...腳力又夠.....你話佢出迎幾球好似有D 搏波.....畢竟對面有高佬治....但佢果兩下出黎打都唔算係打空....我覺得表現算對辦。
三個中堅︰RK 又驚開鑼唔出隊長唔好意思，又想要威廉士的硬度....又要重用堅尼....結果想個3中堅出黎。.....事實証明個個都唔適應。以個人表現論....堅尼打得最好.......硬淨....出腳算準；威廉士就仲係有點慌失失；隊長唔算太差..。
拜恩斯︰合格的表現....雖然上黎幫幾下都無乜效果....但好大程度係前鋒線唔夠人....
DCL︰上半場打右翼毫無表現；下半場正前....但幾球掛住上腳推....太獨食.....失左幾球本來把握好D 可以入波的機會
GANA︰季初最FIT 球員.....基本上一對一無輸蝕.....防守做足
舒拉達連︰唔搶眼.....後半場的駁腳工作.......包抄唔多.....
朗尼︰全場最佳.....佢懂得用身位保護皮球....適當彈到波比有空位的隊友.....有兩三下長傳做得好.....特別有一腳右輔位斜線斬入左邊禁區果下....其實好精妙。入球當然係抵讚。雖然佢已經速度減低....但殺入禁區的時間顯示佢的水平。
卡拉臣︰對唔住.....全場最差的中場。完全找不到位置感.....根本無時間比佢上腳慢慢比波.....被換走時明顯係失望表情.....迷失中場....RK 要盡快指示中場的分工及走位
辛度︰可以話勤力....但表現唔出佢的水平，幾球想拖橫起腳都唔成功。照計打完國家隊賽事轉到黎....暑假都無乜點休息，狀態應該仲O係比賽水平。明顯係唔適應英超速度。
馬天拿︰我用OK 去評論佢
米拉拿斯︰睇佢其實幾FIT，出黎都好肯去進攻，唔該多D 比正選佢踢..

James_Beatkit

愛華戰士 發表於 2017-8-14 10:26
容許我做個點評。

整場比賽黎講，不合格。

同意

barker

愛華戰士 發表於 2017-8-14 10:26
容許我做個點評。

整場比賽黎講，不合格。

如施古臣加盟 , 卡拉臣可暫時抖抖

James_Beatkit

barker 發表於 2017-8-14 11:02
如施古臣加盟 , 卡拉臣可暫時抖抖

個問題根本依然未解決

愛華寶寶

愛華戰士 發表於 2017-8-14 10:26
容許我做個點評。

整場比賽黎講，不合格。

照我自己睇卡拉臣佢有d怯，可能自己怕失波唔夠膽用波，首先我唔理打什麼box to box 唔會太上腳，高文放你係攻中就應該做多d攻擊和侵略性的工作，多一點表現一下個人技術唔係一有波就即彈比隊友，甚至基爾同舒拉用波仲多過佢，大致我認為卡拉臣唔夠膽用波傾向做簡單的事，怕上腳用波，佢意識係幾好但唔夠law 球隊有＄左，做球迷ge 我地一定要求高左，卡拉臣要2000 幾萬英鎊架，希望佢做多少少攻擊上工作，我睇放佢後一格未必會好，因為佢速度不快，防守一般身體質素更加麻麻，所以對佢特別失望

Arteta

barker 發表於 2017-8-14 11:02
如施古臣加盟 , 卡拉臣可暫時抖抖

唔洗等施古臣，Davies 都可取代佢位置

愛華寶寶

今埸係對史篤城，雖然係贏波但因為對手水準及態都係我地之下，下埸對曼城就會睇得更清楚自己的不足和弱點

witzz

如果一開始我地已經係target施古臣，點解仲要買卡拉臣？