2017-18球季 英超 #7 主場對 般尼

evertonarteta10

Forever_Fan 發表於 2017-10-3 12:18
要睇對方出乜陣，如果出4後衛，正路都會放翼，但我地唔係。

曼城上場對車仔，曼城放4後衛，中場兩邊左翼 ...

而家既史達寧同LEROY SANE多左打輔鋒/內切翼鋒, 多數係禁區邊活動, 尤其係光頭佬教更加明顯, 用法已經唔再同柏歷堅尼果陣咁用, 可以話越黎越成熟.  而且內切定係邊線光頭佬比佢地2個自由度比較大.  而家打4後衛, 唔出翼擺哂1個正前2個輔鋒唔打翼都已經係好正常做法.

打3後衛可以, 首先要COLEMAN出番, 中場中要出BESIC或者KLAASSEN代舒拉幫中堅運個波上去.  講就易, 343好講球員對陣型同戰術理解, 即係要食腦.

愛華戰士

踢落仍然係暮氣沉沉.

朗奴高文根本唔透切了解我地隊波O既問題
問題1) 我地中堅保護皮球同傳送能力都低.....唔好寄望WILLIANS 能夠好通透咁將個波由後場帶上前場再比到穿透力強O既遠傳
          堅尼初初黎見佢有D 長傳....呢幾場踢到佢都無晒信心.....一味向左右中場放個長波就算.....

問題2) 左右閘︰....要閘進攻定防守？----> 今場見到幾倚重左邊拜恩斯同右邊馬天拿兩邊出波......但大部份傳中球水準都唔高....拜恩斯開始退化....

問題3) 防中問題︰GANA 剩係搶波係OK O既....但今場見佢上半場好多時要做埋派啤.....般尼明顯係任GANA拎波....因為知佢比唔到咩關鍵傳球....而且佢死穴係無遠射能力.....(有球左腳飛機....以佢水平...已叫射得好)；舒拉達連.....老老實實.....如果只係想搵一個中場幫中堅傳個波去比左右中場.....我地同打少一個無分別。佢完全無發揮中場控制O既作用.....要比長時佢拖慢比短....所有波都係對口對面咁比......而且佢近乎零搶截....作為防中....我真係覺得佢唔合格！

問題4) 進攻球員嚴重缺態︰我認為幾位新加盟球員需要時間適應....但今場睇到施格臣同朗尼.....佢地果D 遠射....喂大佬.....離晒譜.....朗尼果下都叫好D.....施格臣由上場有一球射到離行離列到今場仍然係唔惦.......我希望佢真係狀態問題....如果真係有射術.....按道理唔會射得咁屎差！----> 睇下隔離台古天奴....除左第一場復上喪射唔惦外.....罰球遠射全部都有貨交。

問題5) 無速度無突破︰大家認真去睇下BIG 6 ....隊隊都有可以個人突破O既球員
曼聯- 馬希賴恩, 馬達, 馬迪爾, 舒拉福
曼城- 施華, 韋素, 迪布尼, 史達寧
車仔- 夏薩特, 柏度, 韋利安, 摩西斯,
利記- 古天奴, 文尼, 沙拉,
阿仙奴- 山齊士, 蒙維爾,
熱刺 - 孫興民, 阿里, 艾歷臣
一隊波必需要有球員可以盤球殺上對方陣地....再睇情況分波比隊友攻門....呢隊波至可以拉開對方防線

大家問心.....我地有邊個球員做得到？特別係正選果十三四人.....
我真係一個都諗唔到！.......呢個缺點係我地隊波呢十幾年一直谷唔起O既大敗筆黎.......早年阿迪達算似似地.
後備無錯係有連儂, 米拉.....不過佢兩個屬於段速型.....O係某D 區域可以用速度過1,2 個球員之後攻門...但不是為隊友拉開防守果類型
LOOKMAN 踢法有D 似史達寧.....

NIAASE 我地可以歸納位捕足機會型前鋒
CLS 可以視為一個半柱半捕型中鋒
朗尼宜家絕對只係一個後上支援型前鋒

點解我地一直都唔肯花錢去搵一D 盤帶能力強O既中場返黎用？

James_Beatkit

steven7 發表於 2017-10-1 23:28
moyes 同rm 兩位領隊都會同球員咬耳仔 教佢臨場發揮
呢個rk場場西口西面高人在上 永遠唔會即場鼓動士氣 連 ...

同意
唔係人身攻擊
見到佢個黑面樣就火滾
自己友入波都係咁

James_Beatkit

簡單講
唔理咩原因肯變係好事
但踢落又係老問題
身為領隊點都有責任
伊朗佬雖然話你仲未斷氣
但球員要玩你/信心真係唔夠踢得差時
你都唔慌過到十五
都係個句
比Rhino試半季啦

James_Beatkit

coyb 發表於 2017-10-2 12:43
未出DAVIES前, 隊波嘅中場毫無活力,  (出左都唔好得好多)

個個只係等波到, 我覺得鳩文已經失去更依室了。 ...

Davies根本值得正選
不過算啦佢肯改變自己呢個就唔係鳩痕

Forever_Fan

愛華戰士 發表於 2017-10-3 14:49
踢落仍然係暮氣沉沉.

朗奴高文根本唔透切了解我地隊波O既問題

問題1) 中堅老化唔係今季的事，今季一係就買2個中堅，一係你就用青訓，季前我估計會係堅尼搭browning，點知借走左，但又唔買多個中堅，唔知RK想點.....

問題2) 唔計 baines 退唔退化的問題，場場打足無輪換已經注定無好結果，後生咁出法都唔掂啦，借晒青訓左閘已經死得，其實比garbutt 試下重好啦，我都唔知 garbutt 係咪另一個 niasse，只係RK覺得佢唔得。

問題3) 老問題，事實上係咪要出雙防中呢樣野講左好耐，gana 一直都話做攔截無問題，唔好要求佢做較炮先得架，應該做較炮的舒拉達連又毫無表現，只係左右後傳，咁貴人工搵你返來托咩？出舒拉同打少個分別不大。出davies/besic/mccarthy 比較好。

問題4) 朗尼一直唔覺得佢表現差，但唔該唔好場場出足，做下輪換啦，買咁多人返來但又係出來出去個幾個，咁重乜買咁多人返來？施格臣上場真係就算阿叔我落場篤下都入的波都唔入，真係無態到爆，另外佢打中間好過打邊呢

問題5) 呢個問題短時間解決唔到，但用部份青訓係比到一定的速度，如果用米拉，lookman和連儂其實應該都解決到一部份。其實 dowell 應該係可以解決到一小部份呢個問題，可惜借走埋。係唔出2翼之下中場同前場真係斷晒聯繫，各自為戰，可能以前爆炸頭放係中場時的聯繫比現時更好。

evertonarteta10

解決中場運波問題(配搭基爺):

1) 出besic, 利用佢既盤球能力同腳下功夫, 最後其實佢都要搵施格臣/朗尼(我暫時假設佢2位打正攻中先)
2) 出klaassen, 利用佢one touch pass可以快速傳上去, 但係需要隊友跑動配合, 風險係防守會弱左
3) 出davies, 利用佢跑不完既氣力不停move個波, 但係控制節奏同水準飄忽會出現問題

其實呢, 不如諗下基爺搭肥仔, 應該有得諗
by the way, 冇左盧生, 想要打小組, 冇需要打雙防中啦, 倒三角夠哂啦

killersmiling

why not use 巴克利?he can solve many problem in central

killersmiling

巴克利 have good technique and can protect the ball

Forever_Fan

killersmiling 發表於 2017-10-3 18:10
why not use 巴克利?he can solve many problem in central

師兄，巴克里做完手術又拉傷左喎，我估聖誕左右先出得

何況巴克里無續約，RK 都唔會唔會出佢都兩睇