2017-2018球季 英超#3 作客對車路士 (27/8/2017 8：30 pm)

Forever_Fan

爆炸拖肥糖 發表於 2017-8-27 23:00
聯賽踢咗3場，其中有兩場都排錯陣，另外一場就轉错陣，週中嘅歐霸又唔適當咁輪換，用人唯親，死唔用Niasse, ...

Niasse前日走去踢全場的u23都唔比佢輪換朗尼，排陣又例錯，用人又不知所謂，賣走哂舊人，一個好領隊只需要變幾個關鍵位置就足以將隊波提升，換哂所有球員的領隊我從未見過隊波可以係一季就成功，當年的利物浦和熱刺已經有辦你睇。

愛華寶寶

今年都好難過到利狗了

witzz

其實再咁樣踢落去，球員都會反佢

barker

Forever_Fan 發表於 2017-8-27 23:23
Niasse前日走去踢全場的u23都唔比佢輪換朗尼，排陣又例錯，用人又不知所謂，賣走哂舊人，一個好領隊只需 ...

朗奴高文賽後都已認錯 , 我原諒他 , 仲有他會入多兩名新兵 , 跟住本星期係國際賽日 , RK 好好調整番隊波重入正軌 , add oil

Jassoo

barker 發表於 2017-8-27 23:17
sky sports : Ronald Koeman : we made mistakes

上次對史篤城都承認排錯陣，點解要一而再犯錯呢？上次好彩朗尼救返三分，今次就負上了三分代價

爆炸拖肥糖

barker 發表於 2017-8-27 23:14
好喇 , 唔好再鬧 , 朗奴高文係 Moshiri 揀架 , 我信他眼光

完全盲撑，
無話可說，
早抖

Jassoo

tezsonee 發表於 2017-8-27 23:00
DCL愈踢愈好,出左黎成隊波生左好多
sandro ramirez係前面完全做唔到野,一分錢一分貨
防中冇左舒拉,欄截差好 ...

其實唔係好關辛度事，佢唔係反撃追波型前鋒，係高領隊唔識用佢

24cheung

《賽後分析：愛華頓的以1換8，短期而言製造的問題比好處多》  今場愛華頓對比上季作客車路士一役，正選11人之中有多達9位新人，僅僅積基卡及威廉斯仍在陣中，總括了愛華頓今夏翻天覆地的轉會變化，而這場的表現對愛華頓亦有相當參考價值。  愛華頓以343應敵，但甫開局便被車路士以高位迫搶迫得沒有空間組織，韋利安及柏度尤其勤力，令愛華頓後防只有犯錯或解圍兩個選項，但大腳解圍辛度或朗尼亦不能接應，令控球轉瞬被斷，開局便處於大劣勢。  而愛華頓在防守方面亦表現不佳，湯戴維斯作為臨時拉夫的中場中(Besic父親被槍擊，能隨隊已算很專業；舒拉達連停賽；巴利已賣)缺乏防守意識，加上朗尼和施格臣亦疏於回防，單靠「簡迪第二」基爾一人不能抵擋，令法比能有大量時間上腳輕易控球並放出威脅傳球，亦可以容易地連結到前場三人打穿愛華頓後防，故這是愛華頓中場中的軟弱令車仔顯得駕輕就熟。  而愛華頓的進攻同樣疲弱，其組織基本上可說是沒有組織，只傳到施格臣腳下，寄望施格臣能變魔術般變出奇蹟出來，結果當然徒然，中場沒有節拍機來主導控球走向令愛華頓持球亦毫無方向，而前鋒辛度亦如盲頭烏繩，不論是接應進攻還是迫搶俱顯得被動。  愛華頓表現慘不忍睹，不過車仔也顯示他們的進攻需要一點時間來磨練默契。莫拉達交出一傳一射看似數據亮麗，但其實他在進攻組織上與隊友的連結仍有待改善，今場多次見到他未能掌握好隊友的傳球路向，令進攻組織多次斷纜，當然只是第三場比賽，能取得入球助攻已經做得不錯。  下半場朗奴高文以Besic換走湯戴維斯，以及以利雲換走辛度，以及連儂換走積基卡踢回4後衛等，事實上三個換人亦收正面功效，比錫有助梳理節奏，防守意識亦較好；利雲迫搶極之勤力，為前線帶來之前完全沒有的活力，多次幾乎迫得車仔後衛失誤；連儂提供多一個突破點，令車仔有所忌憚，但這些現象更令人不禁想問，如果Plan B遠比Plan A表現好，為甚麼不以Plan B開始呢？比錫後備可以理解，但利雲及4後衛或許會令愛華頓沒有這麼被動。  這場比賽亦向朗奴高文說明了，以盧卡古的轉會費以1換8固然為愛華頓在多個位置均有更有質素的選項，但一者一下子放出這些新援上陣，並不像FIFA或FM般來得簡單，今場無論進攻、防守、以及由守轉攻等環節愛華頓俱乏善足陳，反而換入3個舊人卻收正面作用，說明要融合這些新援還需要很多時間及努力；二者以往以一個重磅賣出換入多個球員的如利物浦及熱刺，最後那些新援大多都失敗收場，愛華頓要避免這個命運，朗奴高文的功課還有很多。  

24cheung

真係非常同意內文

Forever_Fan

barker 發表於 2017-8-27 23:30
朗奴高文賽後都已認錯 , 我原諒他 , 仲有他會入多兩名新兵 , 跟住本星期係國際賽日 , RK 好好調整番隊波 ...

買球員就可以解決問題? 係的話今季入左差不多大半隊人係咪就無問題? 你估打遊戲咩，換晒成隊波就得? 根本就應該根據隊波的基礎針對性買個別球員返來改善隊波，係呢方面老莫當年係完勝，每次賣完主力都可以用筆錢成功提升隊波，RK唔識買人，隊波早前的問題已經話係無速度，無兩翼，佢走去買個無速度的施古臣，一早話個個迫哂係中間無兩翼，佢就連儂米拉唔肯出，出Sandro，DCL，施古臣打翼都唔出正宗的翼，米拉走得好，比我早走早著。卡拉臣又好有水貨feel，見到咁的愛華頓和用人為親的RK，巴克里肯續約先奇。