2017-2018球季 英超#3 作客對車路士 (27/8/2017 8：30 pm)

愛華寶寶

RK 想用幾多時間泥砌個陣，成隊波冇隊冇默契

Everton_

有LENNON出黎之後攻勢多左幾飯 但係RK條撚樣偏偏玩無翼陣
幾場比你試352 試一次唔得 無問題 比你試多兩三場
兩三都係唔岩 每次下半場7,80分鐘就轉返4231打返10幾分鐘好波 偏偏下場又係352
高文唔該快D走 根本唔撚識排陣

愛華寶寶

我諗施格臣有d後悔泥，係史雲斯好過

愛華寶寶

《愛華頓的以1換8，短期而言製造的問題比解決方法多》  今場愛華頓對比上季作客車路士一役，正選11人之中有多達9位新人，僅僅積基卡及威廉斯仍在陣中，總括了愛華頓今夏翻天覆地的轉會變化，而這場的表現對愛華頓亦有相當參考價值。  愛華頓以343應敵，但甫開局便被車路士以高位迫搶迫得沒有空間組織，韋利安及柏度尤其勤力，令愛華頓後防只有犯錯或解圍兩個選項，但大腳解圍辛度或朗尼亦不能接應，令控球轉瞬被斷，開局便處於大劣勢。  而愛華頓在防守方面亦表現不佳，湯戴維斯作為臨時拉夫的中場中(Besic父親被槍擊，能隨隊已算很專業；舒拉達連停賽；巴利已賣)缺乏防守意識，加上朗尼和施格臣亦疏於回防，單靠「簡迪第二」基爾一人不能抵擋，令法比能有大量時間上腳輕易控球並放出威脅傳球，亦可以容易地連結到前場三人打穿愛華頓後防，故這是愛華頓中場中的軟弱令車仔顯得駕輕就熟。  而愛華頓的進攻同樣疲弱，其組織基本上可說是沒有組織，只傳到施格臣腳下，寄望施格臣能變魔術般變出奇蹟出來，結果當然徒然，中場沒有節拍機來主導控球走向令愛華頓持球亦毫無方向，而前鋒辛度亦如盲頭烏繩，不論是接應進攻還是迫搶俱顯得被動。  愛華頓表現慘不忍睹，不過車仔也顯示他們的進攻需要一點時間來磨練默契。莫拉達交出一傳一射看似數據亮麗，但其實他在進攻組織上與隊友的連結仍有待改善，今場多次見到他未能掌握好隊友的傳球路向，令進攻組織多次斷纜，當然只是第三場比賽，能取得入球助攻已經做得不錯。  下半場朗奴高文以Besic換走湯戴維斯，以及以利雲換走辛度，以及連儂換走積基卡踢回4後衛等，事實上三個換人亦收正面功效，比錫有助梳理節奏，防守意識亦較好；利雲迫搶極之勤力，為前線帶來之前完全沒有的活力，多次幾乎迫得車仔後衛失誤；連儂提供多一個突破點，令車仔有所忌憚，但這些現象更令人不禁想問，如果Plan B遠比Plan A表現好，為甚麼不以Plan B開始呢？比錫後備可以理解，但利雲及4後衛或許會令愛華頓沒有這麼被動。  這場比賽亦向朗奴高文說明了，以盧卡古的轉會費以1換8固然為愛華頓在多個位置均有更有質素的選項，但一者一下子放出這些新援上陣，並不像FIFA或FM般來得簡單，今場無論進攻、防守、以及由守轉攻等環節愛華頓俱乏善足陳，反而換入3個舊人卻收正面作用，說明要融合這些新援還需要很多時間及努力；二者以往以一個重磅賣出換入多個球員的如利物浦及熱刺，最後那些新援大多都失敗收場，愛華頓要避免這個命運，朗奴高文的功課還有很多。  Image: Telegraph

nsno

愛華寶寶 發表於 2017-8-27 22:51
我諗施格臣有d後悔泥，係史雲斯好過

高文一心想擺佢踢左路
但佢喺熱刺已經證明打邊路唔掂
就算打3-4-1-2嘅進攻中場，以佢嘅盤球能力同速度都係會冇效率
想發揮佢能力嘅話，一定要搵返兩翼嚟拉闊，然後俾佢打中間，不過RK永世都唔會咁打

witzz

高層如果繼續死沒攬住RK,呢隊波永遠上唔到前四。

爆炸拖肥糖

聯賽踢咗3場，其中有兩場都排錯陣，另外一場就轉错陣，週中嘅歐霸又唔適當咁輪換，用人唯親，死唔用Niasse,Mirallas,Lennon,用死 Rooney ,31歲，一週三場，差唔多場場踢足，蛇都死，RK , 快走吧！

tezsonee

DCL愈踢愈好,出左黎成隊波生左好多
sandro ramirez係前面完全做唔到野,一分錢一分貨
防中冇左舒拉,欄截差好多,亂曬

轉會完之前最好買到個中鋒同後衛

witzz

如期洗咁多錢買人，不如搵個世界級教練番黎

evanng

barker 發表於 2017-8-27 21:31
輸一場咁快對朗奴高文鬧到萬箭穿心 ?

輸唔緊要，但今季用左成億去買人身為球迷固然想隊波踢好d，但今場波排陣on9，攻又唔得，守又唔得（下半場好左），最重要係無form，成隊波了無生氣，一被人入波先就蝕左度氣，連追都唔想追，但其實只係輸緊2球，身為一支傳統強隊我覺得係一定追到一球甚至追平，但今場睇左90分鐘，完全連迫下波都無，呢下先係我嬲嘅地方！  
  從來唔介意輸，但今場完全係輸人又輸陣，所以麻煩阿朗奴高文唔好再做戰術大師，往後好地地排陣，仲有barker兄唔好再盲撐朗生了！