本帖最後由 Fuko~ 於 2019-5-17 00:25 編輯
跟著落黎就到轉會，呢次的轉會市場大體有幾個重點:
1. 清走冗員
2. 買斷GOMES同ZOUMA
3. 將主力球員留下和論功行賞續約球員
4. 針對性強化個別位置包括(ST>CM>RF>RB)
5. 給U23球員一隊上陣機會
1. 清走冗員
-呢一點係冬季的時候，做得唔係幾好，只係借左部分球員出去...例如HOLGATE同BOLASIE。根據之前吹過的風，有幾位一定要清走球員據聞都有球隊招手包括BOLASIE, BESIC。
跌WATT到難以置信的WILLIAMS基本上肯定離隊，因為就黎約滿。CUCO MARTINA聞說飛燕諾未必肯買斷。
不過，若果KENNY真係要外借出去儲經驗的同時我地又未有合適右閘對象，
其實MARTINA頂幾場係OK...更何況，買到ZOUMA的話，我覺得都會用ZOUMA打右閘。至於VLASIC同DOWELL，前者我傾向KEEP，
後者我認為佢應該要離隊他投。事關，無論VLASIC走唔走，佢都唔似有得打一隊。
2. 買斷GOMES同ZOUMA
-ZOUMA正如我前面講，車仔其實就算買唔到人，都不乏中堅。我認為ZOUMA若果要打第三中堅一定會同車仔講要走...
對於車仔個閪女人，仲可以藉著BAN轉會加我地價，我認為只要價靚就會成事。至於GOMES，其實我個人黎講佢黎唔黎都唔係真係禁重要。
事關你睇佢個水準都唔係好穩定...襯著賣人甚至GUEYE走，我認為都係個好機會重新塑造中場中/防中呢個組合。
3. 將主力球員留下和論功行賞續約球員
-GUEYE要走，我個人認為個價靚就真係唔介意佢走，係擔心新人夠唔夠班。重點要留，點都要KEEP的一定係DIGNE同埋RICHARLISION...
其他個D，我自己唔會認為係非賣品。但有兩個球員應唔應該續約，就一定要講，JAGELKA同埋BAINES...前者我會尊重佢意見，想續就同佢續，
但佢個定位唔可能係第三/四中堅，我認為你再唔俾HOLGATE或者GIBSON有一隊機會，根本唔得，難聽講句佢而家有D阻著後生上位。至於BAINES，
建基於我地兩位未來左閘ROBINSON同CONNOLLY似乎外借期間的表現似乎都未足以投身一隊做備，我覺得俾兩年約BAINES好合理。兩年後或者一年後，
我認為DIGNE就會走...到時就可以決定呢兩位球員可唔可以上位...
另外，球會亦都率先同TOM DAVIES續約，之前一直提及佢仲係三不象呢個問題...季中有段時間打AMF，俾一腳波表現唔錯，
但往後就再冇咩機會出場...其實以我地目前陣容黎睇，我認為佢下季出場機會會更少...
4. 針對性強化個別位置包括(ST>CM>RF>RB) -呢一PART我就球隊而家的前中後場逐PART講:
GK: STK雖然出年先約滿，但其實可以唔出最好都唔好出...因為佢根本俾唔到推動力PICKFORD。 今季佢犯左幾次嚴重錯，如果係HOWARD，馬仔同莫耶斯都唔會俾面佢，照樣叫佢坐兩三場BENCH... 所以黎緊施華好應該係杯賽期間起用新人去推動PICKFORD...
DF: 若果ZOUMA真係成到事的話，其實我想睇到的防線係禁樣: COLEMAN ZOUMA MINA DIGNE KEANE今季的確打番水準出黎，但我唔太認為佢可以再上一層樓。我發覺呢個人個問題係係佢精神個方面... 球隊順風順水個陣，佢係可以打得好好。但你要求佢係逆境個陣打出超水準，佢唔單止KEEP到個水準仲會打得更差。 加上佢波底唔係特別出眾，除左英人呢個身份有多點價值，我認為若果打三中堅，HOLGATE會比佢更加好。 所以，我好歡迎有球隊肯買走佢。
MF: 中場中/防中，我唔多講，留番俾施華佢地自己揀岩自己戰術風格的球員。而季尾回勇的SCHNELDERLIN， 我相信佢仍然會有位置。反而想講AMF呢個位...今季就SIGURDSSON一個打哂， 其實佢有事仲會打到同ST一樣禁前去迫波。黎緊施華就想VLASIC留位打後備...當然我都讚成，本身佢就係唔差，係個人態度衰.. 之但係我會認為呢個位應該要俾BERNARD試下打。一陣LF個段解釋...
LF: 成隊波最多人打到的位置...你諗下RICHARLISON, LOOKMAN, ONYEKURU... BERNARD都係打左邊比較強。 邊有禁位俾地4個...RICHARLISON個定位呢一季成日轉，打齊哂左中右，就表現黎睇，左邊似乎先係最佳位置。 但係球會同我的角度睇，我係希望佢打正前都可以有表現。呢一樣野唔單止係對佢國家隊的位置仲係對我地黎講係最好。 事關一黎我地唔駛買正前鋒，二黎左邊，一旦BERNARD轉到打正攻中負責組織，可以俾足位LOOKMAN同ONYEKURU... 可惜，試左禁多場都唔係好得，所以我就話想BERNARD試下打中間...
ST: 鴨鴨係有進步，但FINISHING差到唔想睇提...TOSUN同埋NIASSE都基本上可以話要離隊他投...若果真係要買正前鋒... 我覺得不妨考慮曼城的JESUS...佢仲後生同埋又成日後備，我地俾到機會佢打正選已經係一個賣點... 我地又有兩個巴西球員，有同鄉照下啊嘛。唔一定話要買斷佢，但不妨傾下先借後買。
RF: 我認為今季失利的其中一個原因...WALCOTT的失準，加上冇其他正右翼，試完LOOKMAN同BERNARD， 結果要用RICHARLISON打右同埋BERNARD打左黎拎個平衡...我唔認為呢對組合可以過多一季...希望施華佢地唔駛再格硬搵左翼打右翼啦...
5. 給U23球員一隊上陣機會 -今季直情冇俾新人上過一隊，適逢我地U23又拎盃...黎緊係咪好應該俾機會佢地上下一隊踢呢? | 
發表於 2019-5-13 00:17:43
QQ好友和群
QQ空間
騰訊微博
騰訊朋友
收藏
樓主
