作客李斯特城

James_Beatkit · 發表於 2017-10-30 10:51:45

barker 發表於 2017-10-30 10:46
今日英國報章話般尼戴治好有可能過嚟

護級定咩先?
護級就搵有經驗既DM/大Sam
但就算係依家隊波都好難搞
唔係既我睇唔到戴治黎到會有幾大變化
所以寧願比藍血帶踢幾場士氣波搏拎分好過

nsno · 發表於 2017-10-30 11:08:35

James_Beatkit 發表於 2017-10-30 10:32
雖然輸波
但我會比多幾場安斯去證明係咪啱我地
開波陣容起碼我諗係依家隊入面暫時最好進攻既陣式

其實半場嗰陣點解唔試下留米拉同DCL做雙箭頭？
佢今場好好表現

Forever_Fan · 發表於 2017-10-30 11:15:06

James_Beatkit 發表於 2017-10-30 10:32
雖然輸波
但我會比多幾場安斯去證明係咪啱我地
開波陣容起碼我諗係依家隊入面暫時最好進攻既陣式

暫時我覺得有部份係無錯，但有部份又有問題。

首先，鬥心係好左，睇得出班球員想贏，正選陣容都算正路，唯一係威廉斯我會用 holgate 都唔定，米拉換lookman，因為剛打完車仔，部份體力差的球員可以輪休。輪換可以多返少少，不過唔換都唔叫致命。

開場其實都被人壓住打，呢樣都唔致命，但後邊好散，太多空位，連續2球都差d被人入，開場無耐咋，我已心知不妙。但成條防線都壓得好上，兩閘當 wing 咁打，壓到上前場，米拉成日走去中間，左邊得返 baines，重要走上走落，davies 係中間攔截力好差，有好幾球就係打反擊追唔切波搞到後邊唔夠人差d被人入，第一球其實都係咁輸，人地由反擊到入波只係3腳波，後邊簡直就係無掩雞籠，空位多到呢....第二球own goal 明顯係 kenny 躂Q，無野好講。

半場換人我其實都明要加強中場攔截，因為davies無截擊力，但上半場最強攻擊係晒米拉連儂度，換走晒2個係咪好呢？我保留意見。反而應該換走有牌的davies，佢無截擊力又有牌，反而應該換走佢換入Beni，另外米拉體力差係咪下半場都要換走，咁早d換走佢，然後換入 niasse，我覺得連儂重有氣有力，起碼唔使變返佔中無翼陣。至於施古臣係對位換，表現點樣我唔講，至少都係合理，朗尼體力都差唔多。下半場看似攻勢和起腳射門多左，最少比上半多，但其實係人地隊波贏2粒收縮防線，而且下半的射門論威脅力近乎零。

安斯禾夫呢場應該係老闆個度失分唔少，暫時覺得佢經驗少無法令人有信心，我相信佢到月中都重穩陣，但如無變化，月中可能換帥，但如無改善情況，我諗唔到重有邊個肯來，般尼也好，屈福特也好，佢地的領隊都無可能呢個時間過來，仍然覺得可能得返老莫和大sam可以選擇。

Forever_Fan · 發表於 2017-10-30 11:32:15

今場人地明顯防反強，我地又唔係中前場可以襟住人來揍個種陣容，我覺得應該防反對方反，收縮防線，出攔截力高的中場工兵，同李城爭中場打陣地戰，而唔係我地咁玩高位壓逼，但後邊漏晒風，兩閘就推前推到打 wing 咁，人地一反擊快攻回都回唔切，總結來講我覺得呢場輸係戰術錯誤多於陣容錯誤。

James_Beatkit · 發表於 2017-10-30 11:39:22

nsno 發表於 2017-10-30 11:08
其實半場嗰陣點解唔試下留米拉同DCL做雙箭頭？
佢今場好好表現

我承認上半場兩翼係活躍
但係咪話好好表現呢?
又好似未至於
兩邊比我覺得連濃好似仲好過米拉
當然米拉有兩腳遠射好似感覺上唔差

James_Beatkit · 發表於 2017-10-30 11:43:45

Forever_Fan 發表於 2017-10-30 11:15
暫時我覺得有部份係無錯，但有部份又有問題。

首先，鬥心係好左，睇得出班球員想贏，正選陣容都算正路， ...

問題係你睇完半場比人禁住加上人地個反擊速度咁快
冇可能就咁位換位而唔塞多個中間
與其搏我覺得保守性去搏好過又一場456之後追返1-2球

nsno · 發表於 2017-10-30 11:53:59

宜家陣中根本冇一個前鋒可以打到單箭頭
不如用返李城4-4-2防反嗰招算啦

evertonarteta10 · 發表於 2017-10-30 12:12:12

James_Beatkit 發表於 2017-10-30 11:39
我承認上半場兩翼係活躍
但係咪話好好表現呢?
又好似未至於

真係唔好再期望或者吹奏我地而家陣中所有翼鋒(BOLASIE例外), 求其屈福特對翼都好用過我地.

睇咁多年米拉佢一向都係內切架啦, 夾生屈佢去出波咪即係玩佢, 做咩係都想要米拉去拉邊出波姐, 等同叫C朗唔CUT IN入波要佢出波咁打? 米拉出波又唔係好, 出到都唔靚, 更何況高峰已過, 跌WATT ING....

LENNON我更加嘔血, 對於一隻WINGER, 冇30度-45度斬波已經唔合格, 沉底成功率唔高, 唔識BUILD UP PLAY...唯一可取只能係反擊時用速度拉散對方, 跌WATT ING....我同情佢係熱刺既遭遇, 但係事實佢同LAMELA確實差好多班波.

Fuko~ · 發表於 2017-10-30 12:40:45

Forever_Fan 發表於 2017-10-30 08:43
開波人地已經差少少入2粒，係人地把握力差才入唔到。首先後防空位太多，而且整個陣推得太高，李城本來就 ...

佢係落後左之後，特別係下半場先將對閘推上去wing位。
上半場前半段我認為傳失自己犯錯問題比較大。
同埋kenny失個球令到安斯禾夫太早換人...
我理解佢落後兩球想追就斬入禁區博一博的做法，耐何我地高波真係冇優勢。
而家安斯禾夫可以做的係盡快幫番隊波打番密契，少d錯。
對強隊或者作客應該先穩守突擊。等班人適應番隊友同戰術安排先。

barker · 發表於 2017-10-30 12:45:57

Fuko~ 發表於 2017-10-30 12:40
佢係落後左之後，特別係下半場先將對閘推上去wing位。
上半場前半段我認為傳失自己犯錯問題比較大。
同埋 ...

有傳今星期就會公佈誰接手 , 今日 sky bet 傳的大熟係般尼領隊戴治 2/1

		自動登錄	找回密碼
密碼			立即註冊