19/20 EPL 08 Burnley ( Away ) Saturday

ginger

今場係失望到極點，睇到悶到訓著，真係估唔到今年冇左基爺會爭咁遠，中場串聯完全做唔到，進攻又得兩邊9斬，MS又淨係插袋西樣完全冇plan b. 其實要炒真係盡快，過人期望真係唔好再搏少帥請個老帥啦。個人期望其實比爾沙，肥賓，希丁克，雲尼亞里，雲爺爺，納比是但一個都OK，邊個肯黎就搵邊個啦。再比MS帶真係降班都唔奇，唔想第日去新球場睇英冠呀

toffeeweb

Silver咁想打433 就打433
而家個4231發唔發揮到 真係好睇攻中心情好冇 如果唔好就真係中前場打少2個咁 串聯冇晒
打433 雪siggy 啦 放tom仔拍高美斯加德夫(或者班納) 睇下可唔可以加強番機動性
有時D波去到左路右路都好 都冇乜傳送選擇咁 好多時有隻閘上黎支援 但中路唔夠人過黎幫波 2個打人3個 個甸尼同高文好彩推得生個波 咪有一兩下傳中機會

愛華戰士

其實歸根究竟後莫耶斯後幾個領隊都無針對成隊波的弱點去強化隊波。

得中場得天下，我印象中我地O係卡維臣/ 卡斯利年代踢到隊型；之後阿迪達我地攻守尚算有序；巴利防中都不過不失。
但之後真係無以為繼。不斷買一D 自己踢自己波的所謂進攻球員返黎......艾朗連儂，禾確特, 施格臣,米拉拿斯，之前個荷蘭攻中、SANDRO、甚至乎借用迪路菲奧.... ....但控傳型球員就完全欠奉。

買埋D 攻不銳，守不穩的垃圾中場返黎......重點重要係個體系上唔係以中場控傳做起點.........舒拉達連絕對唔係英超水平；奇法利，我地可以話球隊唔係圍繞佢去建立；基耶係勤力防守....但缺乏優秀用波能力。有D 中場其實係唔係有上乘技術但O係中場可以做到串連作用.....聞戰鼓思良將的巴利....利記的占士米拿，狼隊個莫天奴，熱刺今季踢到PAT屎咁就係因為個中場控制節奏的廢左武功(艾歷臣)

我真心講....果日睇狼隊贏曼城，我堅認為魯爾占美利斯強過晒我地所有的前鋒(包括李察利臣)，人地一個前鋒可以自己搵食，又可以幫隊友鋪橋搭路。我地個個前鋒都名氣大，但效能低。你條馬高施華用黎用去都係DCL。唔仆街有鬼啦。狠隊打反攻，魯爾負責COOL 波引開對方守衛再分比攬球員用速度爆....戰術好X清晰，哥迪奧拿一句- 狠隊好硬。點解人地可以硬？我地愛華頓就軟到咁？

死球跟人完全跟唔貼已經唔係一場半場的問題。
死球制空力我地亦弱到離晒地
龍門經常輕出失位亦係經常出現
落場十一人未踢已經面部表情已表現出，無高美斯、德夫又話有傷，點算的樣子。

Forever_Fan

愛華戰士 發表於 2019-10-9 10:57
其實歸根究竟後莫耶斯後幾個領隊都無針對成隊波的弱點去強化隊波。

得中場得天下，我印象中我地O係卡維臣/ ...

係莫耶斯之後，無一個領隊識得買人，有錢都好，只係買廢人，呢幾年花左幾億係買人上面，但唔少人最後約滿放走或低價賣走，浪費了多少珍貴的轉會費就唔在講，單係球隊由老莫走後6年裡面，花大價錢後不單沒有進步，更只有退步，班英國球迷仲係度自J，更聲言老莫回歸係退步，試問呢6年無老莫啦，球會就難道進步了?一點都沒有面對現實的心態。

愛華戰士

其實我地可以咁理解，一個領隊，你可以堅持自己戰術，再期望合適球員去演繹自己戰術；或者唔需要戰術，只將自己手頭上有咩球員就按球員特性去發揮。

前者，如果搵到發揮自己戰術球員....自然會效果倍增。以巴塞搵到美斯/ 蘇亞雷斯/ 尼馬為例..控傳同攻擊球員交差配合..；又以利記宜家三义戟配壓迫踢法。戰術就係咁。
OK，宜家有唔少英起中下游.....唔會同你咁複雜要建立咩體系，有硬淨就用硬淨，有高反就高反......正如你出高佬治....咁就擺明要用高空戰術。

馬高施華，已經唔需要爭議。-----> 絕對係一個無料領隊。
你點去建構一隊波。
我地強點係乜？---- 甸尼的左路傳中 (罰球)；高文的突破落底 ( 但傳送唔算好)；李察利臣的一對一突破；施格臣的中距離同死球傳送 (事實歸事實，施格臣D 角球同罰球好多時都傳到比隊友 ---- 只係呢幾場經常見李察尼臣同堅尼呢D 頭搥頂唔中)；賓納特的短距離突破；另外幾個UNKNOWN 係KEAN 同伊禾比的速度、同生左鏽的禾確特右路傳中。

好啦....咁究竟愛華頓應該要點去進攻？好明顯.....中場中路入係無可能的！因為完全缺乏中路爆破同輸送.....放兩邊係唯一考慮。咁問題黎啦......究竟領隊希唔希望兩隻閘開上黎打雙翼齊飛？甸尼相對上出擊成功率較高文為高。但兩者本屆好多出波都低於水平。咁究竟係咪應該限制佢兩個上到三閘線就應該收返落黎？專心為兩個翼去制造空位？-----> 好啦....問題又來，究竟我地有無雙翼？季初一輪係賓納特搭甸尼；李察尼臣打右前....但我唔可以叫佢做翼。因為事實上佢習性上唔慣落底線傳中。你話要高文一個殺落底，但高文今屆真係底線無傳過一腳好波出黎。可能大家會話接應的係DCL....我承認DCL 唔係一個高質中鋒，真係要放到個波好靚佢至頂到。事實上兩邊出波....中路施格臣本屆三番四次地波接應係射唔正個波。所以如果你問我.....我對出DCL 同施格臣都有保留。

如果真係決心打兩邊傳中，我真心會覺得左邊出賓納特，右邊中場用禾確竹持.....攻中可以用李察利臣.....前邊以身體平衡考慮我會用KEAN.....。反正施格臣本來就唔參與中場組織.....如果以純殺入禁區攻門呢一點.....佢本屆己浪費左好多呢D 餐士，我認為李察利臣會更勝任。
                  KEAN
                  李察利臣
賓納特      湯戴維斯 德夫   禾確特
甸尼          XXX     XXX         高文

你咁踢.....進攻上我覺得會較立體，組織力無錯係欠奉，但至少止得下咳。攻守平衡上都會較合理。可惜係呢個領隊完全唔會考慮。

barker

愛華戰士 發表於 2019-10-9 11:50
其實我地可以咁理解，一個領隊，你可以堅持自己戰術，再期望合適球員去演繹自己戰術；或者唔需要戰術，只將 ...

Erik Ten Hag 的戰術理念係點 , 是否適合球隊 ?

James_Beatkit

Forever_Fan 發表於 2019-10-9 11:28
係莫耶斯之後，無一個領隊識得買人，有錢都好，只係買廢人，呢幾年花左幾億係買人上面，但唔少人最後約滿 ...

都係個句
要嘗試挑戰前列DM唔會係一個好選擇
但相比依家又悶又放題既話
我唔反對佢返黎
但我會想望遠少少

Forever_Fan

James_Beatkit 發表於 2019-10-9 13:02
都係個句
要嘗試挑戰前列DM唔會係一個好選擇
但相比依家又悶又放題既話

就算球會俾DM教都唔慌係長約啦，但如果DM任命安斯禾夫和卡希爾做助理教練，咁就好有期待了

reedlo16

DM回巢頂埋今屈都好，至少佢係防守方面有一手，安斯禾夫助教，我更想阿迪達回巢，將佢跟哥師學到的一套融合取長捨短。但最緊要係快！聖誔檔期嚟緊，我地仲要未開始正式對BIG6, 只係輸左一場俾曼城，嚟緊要失分可以失到無翻身機會架.....要救便要快。

Forever_Fan

reedlo16 發表於 2019-10-9 15:57
DM回巢頂埋今屈都好，至少佢係防守方面有一手，安斯禾夫助教，我更想阿迪達回巢，將佢跟哥師學到的一套融合 ...

阿迪達才無可能回來，加上才跟哥帥不久，學多2年先啦。如果老莫回來，最少俾年半約啦，俾一季佢針對個別位置打造佢的想法，並有完整的季前準備，才真正睇到老莫的實力。