19/20 EPL 05 Bournemouth ( away ) sunday

Jassoo · 發表於 2019-9-15 23:03:26

前面進攻好單調，一味靠兩邊，我係對面都識得點守啦

愛華戰士 · 發表於 2019-9-15 23:06:38

其實真係講左好多次，問題出在2個防中同2個中堅之間果個聯系同分工上。今日仲要2個中堅踢到慌失失。下下帀兩個中堅拎到波只係諗住回傳碧福特。防中舒拉真係好弱，防守不硬淨，唯有三幾球轉左路叫好啲之外無參與任何進攻手。德夫係好勤力搶，見佢有幾球已盡量想用好個波，但始終不成功。變相中路唔夠組織力，咁伊禾比焗住要埋中間幫波，結果個個踢到無晒位置。

leonkit · 發表於 2019-9-16 09:34:25

感動既係DHL無令我失望

無左gomes條中場好難搞
比tom試下啦 fk

Forever_Fan · 發表於 2019-9-16 10:57:40

舒拉和鴨仔係季前就應該清走啦，都唔明點解唔清。Silva 一如以往，排陣也好，戰術也罷，根本連馬仔老莫都不如，但應該比朗奴高文好些小的，季尾都係講再見吧啦，不過下季希望唔係摩連奴啦，都唔認為佢適合愛華頓，當然前題係佢肯來無歐洲賽的球隊

toffeeweb · 發表於 2019-9-16 11:18:55

尋日由1比1開始睇左少少愛隊即刻輸多2粒就冇睇因為都知道以而家隊波好難反cup番

再睇下尋晚夜場屈福特對阿仙奴全場可以有28次射門追番2-2 差少少可以羸埋表現真係好好
睇番人地陣容
迪路菲奧幾生比幾年前成熟不少
杜哥利同卡普應該完勝我地中場中無論力量體力合作性都係起碼帶動到隊波我地條中場硬係覺得踢得好辛苦咁傳送冇乜選擇咁
佩利拉幾生 key 住個波幾穩打翼打攻中都勝任對比番我地施格臣只有埋門同死球稍為突出

只係尼幾個位置已經睇到好大分野
舒拉當然唔算好但冇左基耶基巴文下仲可以唔出佢嗎?

愛華戰士 · 發表於 2019-9-16 11:52:30

忍唔住要出多段文詳細插下隊波。
我真係對中後場特別係堅尼/ 米拿/ 舒拉達連呢三位......拎住個波果種無力感感到好難以接受.....打英超.....國腳級水平球員拎住個波嚇到打尿陣.....莫講話期望佢地拎住個波向前推進....更甚連大腳向前踢.....都無信心。今場甚至係連搵中場球員比地波都話埋比觀眾知係無信心。

無錯呢個問題同馬高施華中場完全無派到一個懂得COOL 波的球員出黎好有關係....( 唯一係高美斯可以，其實湯戴維斯勉強係能夠推個波上前....但又唔用)....。右路高文今場踢得無影無踪.....完全無適當配合幾時至要上前...幾時要回後......位置上輸晒。
大家睇到落後時賓納特出黎佢係識得同隊友配合制造空位......頭60分鐘. 球場上只有李察利臣拎住波係唔怕對手迫搶的....究竟成隊愛華頓平時訓練係練乜？

再次要講，舒拉達連同施格臣.....絕對唔適合同時落場.....因為佢兩個都係無信心現身拎波O既球員.....施格臣唔係無技術....而係佢要係對方禁區邊拎到波至會有威脅，佢強於利用隊友走位自制空位再攻門.....但如果你要佢中場線附近現身拎波.....佢唯一可以做係搵附近隊友比短波.....；舒拉達連只係踢面對面的足球....呢幾年無論點計佢都已經証明無英超水平.....；德夫今場出腳幾狠，但事實如非德夫幾下拼命出腳......後防會更大鑊......

我唔怪班進攻球員....因為踢波的大家明......中後場唔穩.....中路無個分波清晰球員......前場球員係極難發揮的。

leonkit · 發表於 2019-9-16 12:09:52

非常同意舒拉達連只係踢面對面的足球
佢實力已見底不如出Tom好過

aeroplane602 · 發表於 2019-9-16 12:44:02

堅尼踢完國家隊冇哂信心咁又包越位爭頂又頂輸

James_Beatkit · 發表於 2019-9-17 16:55:09

唔識講
前鋒DCL唔夠班
C9真係得個傳波冇樣掂
MS就季幾都唔知佢想踢咩form

今季拉唔返同前6幾分波衝線(已經好低要求)
MS你都係走吧啦

		自動登錄	找回密碼
密碼			立即註冊