|
|
本帖最後由 evertonarteta10 於 2016-3-29 22:33 編輯
講真如果馬仔留任都冇計....但係如果真係換帥, 我會稍為支持老帥, 希望憑經驗執番正隊波應該有既防守力度, 壓迫性同組織控制能力, 係馬仔帶領下我只係見到班波靠個人能力頂住. 執番好先再考慮合適既年輕少帥都唔遲.
當然有人支持馬仔留任, 費SIR係80年代接手曼聯都好似成績好一般亦都留唔住主力(我記得係史特根), 到第7定第8年先有第一冠, 亦有球評家認為馬天尼斯係一個充滿天份既教頭, 但係未成型, 起碼佢買人相對前幾位愛記教頭係OK既不過識唔識用又係一回事(我唔認為DEL BOY今季入得一球係正常囉). 等定係唔等真係見仁見智.
盧卡古想走咪比佢走囉, 傳皇馬拜仁? 坦白講以盧生現有既能力想係皇巴拜PSG祖記呢類頂級球會企正選或者2號前鋒真係諗都唔好諗. 6000萬磅既話我全力支持放人.....
新老細話一億, 只可以話信住先. 入主後到底佢野心有幾大亦都冇人知, 想點樣打造隊波同點樣建設隊波除左BILL叔叔之外應該係一個謎. 我就睇佢會出幾多錢買一個龍門返黎.......假設性肯用3500萬買Gianluigi Donnarumma或者肯高薪請Sirigu我信係有機會全力爭前4甚至英超冠軍, 但係只肯出1000萬買英冠龍, 咁都係以第7完成以後既聯賽罷了.
青訓我認為新老闆會好計對性部署, 畢竟青訓一向都係愛記強項, 應該唔駛擔心出產問題, 係用唔用咁解. GALLOWAY算上左位, 係睇MCALENY同GARBUTT, 再年青D係JONJOE KENNY / RYAN LEDSON / DAVID HENEN / TARASHAJ(我明佢同HENEN唔算青訓).
坦白講, 我認為一隊波要有老中青三代, 我一直覺得愛記而家缺乏25-28當打又有相當經驗既骨幹. 所以我一直希望今年夏季前中後可以引入呢類型既人, YARMOLENKO / BANEGA曾經絕望, 今夏唔知又有冇希望呢? |
|
發表於 2016-3-29 15:00:16
