[繼續大巴]深夜1:30主場對曼聯

愛華戰士

其實呢場輸波.....一早預Q 左
呢幾年對住曼聯幾時有運行過？
上次作客比果條食(雀)屎楊格亂射都入就知我地球球員對住曼聯係唔夠揪啦.....計質計運計乜都輸

呢幾場完全反映晒大SAM 無章法....進攻唔惦O既特質。當然大家樂觀D 睇咪就係今季目標只餘護級.....大SAM 唯一強項就係幫你護級

但長遠隊波我唔建議用大SAM 帶.....因為呢條友過去幾年真係只識得護級.....班主如果想隊波好.....真係要物色返一個好領隊返黎暑假接手

當然....事實上我地隊波宜家人腳真係唔惦....今季投入左O既錢.....大家心中有數....真係用用得有效益O既可能只有20%

左閘問題好嚴重....馬天拿客串....其實已打得算OK....但右腳打左閘....真係無乜法；
右閘KENNY 你問我....我只能講係英冠水平.....我睇唔到佢有幾穩
中堅4 子.....時價海鮮波.....能力唔算頂級...但狀態同默契真係要維持

進攻上始終中前場球員O既控傳能力都係偏低....而且走位又唔靈活.......打唔到好有組織O既攻勢.....呢個係死症....

球隊仲有一大班充滿離心O既球員....米拉拿斯...比錫.....占士麥卡菲....

laukarwing

被曼聯雙殺了。激氣!

Fuko~

愛華戰士 發表於 2018-1-2 11:12
其實呢場輸波.....一早預Q 左
呢幾年對住曼聯幾時有運行過？
上次作客比果條食(雀)屎楊格亂射都入就知我地 ...

我眼中呢季已經完左，問題係我地點樣準備下季...
左右閘交接同替補的問題仲有建立新的進攻體系呢D都係好重要的課題。
就算要多一季先解決都唔過份...

家下離心好似得米拉同華錫咋WO...比錫同麥卡菲都係因為傷JE...
其實，比錫都甩左個傷患，下手唔用的話都可以賣...麥卡菲要睇下甩唔甩得走D傷先同佢續約
打唔番起又或者甩唔到D傷都係要賣。

James_Beatkit

呢場由出場陣容到換人我都覺得係終於合理返
但始終人腳板櫈上唔夠就係唔夠
如果唔係唔洗比Holgate打右閘頂Kenny
馬天拿錯腳頂左邊.
中場揍左麥卡菲出黎好左
搞到對面唔太敢直接由中路去
但Holgate打閘係完全唔掂個隻
你見下半場獌不斷係右邊組織攻勢就知
連帶Vlasic根本完全冇得進攻之餘仲要幫手防守
所以唔好再比佢踢閘
不過你大sam寧死都唔出Besic就冇野好講.
Keane我都唔知佢真係因為季初成績影響信心定佢其實冇想像中咁好
只係一個傳統到唔傳統既英式中堅定咩
你睇佢第2球真係好似紙板一樣一下就比連加特話過就過
講真我對佢仲好有保留.
暫時我對成隊波最有信心就係Pickford
佢好集中雖然有D波處理可以再好D
但呢幾場唔係有佢可能老練已經完左場波今場下半場救遠處球地波真係睇到有潛質
未來幾年真係唔洗擔心龍門呢個位.
另外再講多次係短期我都慢慢接受左大Sam教
但玥隊波再上一個層次都唔好話咩前4個D
17個月後一定唔可以再同佢續約
穩定冇錯係有但完全冇版斧去打D有說服力清脆既波出黎
當然一定有人話前鋒冇得揀我之前都有講過
但依家睇左幾場係比到前鋒佢都唔會有咩太大改變
期待下手真係個有能力既領隊

leonkit

而家無朗隊 根本入唔到波
雖然換麥卡非搶到下中場 同谷到一段仔攻勢
但都唔算入肉 (當時仲要無施格臣)... 係咪咁早要收起朗尼呢....