Burnley vs Everton - 7th April, 2022 - 02:30

愛華戰士

咁嘅陣唔會預期攻門多過10次，但至少係穩中求勝嘅

Everton2018

其實我們今季失敗是防線不穩丶太多稚嫩無經驗的年輕人同時出埸，無咗交接以老帶新呢個階段，領隊首當其衝責任最大，但要反思檢討為何弄到如斯田地

Fuko~

Everton2018 發表於 2022-4-7 12:03
其實我們今季失敗是防線不穩丶太多稚嫩無經驗的年輕人同時出埸，無咗交接以老帶新呢個階段，領隊首當其衝責 ...

唔係好關事，踢最多嘅米高堅尼都幾朝將士。
要我解釋降班原因，我傾向講係黑仔。
好多不利因素一次過爆發，傷兵一直傷，失去狀態一直失去。
更大問題係轉埋領隊都冇辦法扭轉乾坤。
樂觀諗我哋隊波積落嘅問題，降一降清盡佢。大破大立後，究竟係浴火重生定係一沉不起呢？

愛華戰士

最大問題係球員唔知自己應該擔任咩角色同責任。好似上場我見碧福特接左個波，兩個中堅想逗住佢等佢比地波，但碧福特就大發雷霆叫佢地上去佢要開大腳。呢啲場面見好多。根本賽前無溝通，大家唔知隊友想點踢，正如上場米高堅帶到個波去中場線至草草交個幾碼仲要回身攞嘅地波比伊禾比，結果就出大錯。你話兩個中堅，點都要有一個做主導防線嘅角色，但我地無論邊2個打中堅都好，只感到各自為戰，永遠無話一個搶點另一個包位嘅；中場亦然，追波嘅，交比防中囉，自己旁邊係咁依，進攻時又係嘅，唔係專心去空位幫隊友嘅，象徵式跟住向前跑就算。咁嘅心態，試問點贏？

Forever_Fan

Fuko~ 發表於 2022-4-7 10:35
其實班主力大部分賣晒出去，可以收番2-3億，已經解決大部分財困。再用少少去執返啲唔夠嘅球員。剩返就睇 ...

但我睇唔到有一個適合我地的領隊可以帶領我地球隊重建

Everton2018

我們嚟緊對利、車、阿、熱已經無希望，再加上李斯特城近態回勇要2次對佢地十分難踢，呢6場波想攞分對今時今日的愛華頓談何容易，所以好擔心⋯

拖肥1878

你預佢輸唔會咁擔心囉！

拖肥1878

我當然唔想去降班啦，因為降得落去其實好難上返上嚟。好多例子都係一降班就一沉不起，一路降落去更低嘅組別。我覺得球隊唔係輸陣容唔係輸人腳，完全係輪管理。一個垃圾嘅管理board，一個垃圾嘅coach團隊，一個垃圾嘅醫療團隊，咪搞到而家咁！

拖肥1878

我不是歧視，但今年好似換咗個女人做ceo，跟住搵返呢啲人，好似個個嚟呃飯食咁

laukarwing

拖肥1878 發表於 2022-4-7 15:59
我當然唔想去降班啦，因為降得落去其實好難上返上嚟。好多例子都係一降班就一沉不起，一路降落去更低嘅組別 ...

well said.