2020-2021 新球季首戰 vs spurs ( 作客 )

toffeeweb

ginger 發表於 2020-9-14 09:25
條中場勁過上季好多，三個新兵都勁，Jed

同上季真係差好遠

上季條中場 搶又唔夠人搶 搶到後又荒失失 冇人現位交 好似拎住個炸彈咁
今場睇到條中場立體左好多 真係可以話攻守兼備 冇諗過可以對住熱剌都可以由我地控制住節奏 最驚喜係幾下key pass長斜傳 就製造到李察單對單的機會 上年邊有尼D
而家釋放左李察 唔使好似上年咁又要搶又要key波又要策動仲要負責埋入波

希望今年少D傷病

愛華戰士

10月初轉會市場關之前....我相信球隊仲要係認真考慮幾下幾個補強方案︰
1) TOMORI .....中堅位講真如果MINA / KEANE/ HOLGATE 無傷無病....再加埋個高大新人....4個中堅其實有無迫切去補強係要思考O既....當然宜家HOLGATE 持續受傷情況下....佢咁後生如果持續傷.....並唔係一個好現象....其實呢幾年中堅咁多甩漏....好大程度係因為中場起唔到控球同截擊作用....所以中堅踢得進退失據所致.....只要ALLAN 同杜可利持續正選.....中堅有波比到中場.......個人認為MINA 同KEANE 都有級數 ( 唔好要求佢地仲可以做好多40 碼長傳...同2人都略欠D 速度....HOLGATE 係可以補返呢方面不足......能借...我覺得借用TOMORI 都認得過....
2) 右閘....高文今場係好有HEART...表現亦都唔可以話差......之但係O係占士今屆會多挨右中場位置情況下....高文O既防守同換防反擊會係好重要。.......唔可能要求占士下下返黎追晒.....所以右閘位今屆位置上需要一個位置感較強O既球員...而且最好有足夠硬度....你問我...高文同莊祖堅尼都唔屬於呢類型。而且高文O係三角短傳上做得唔算好....好多時見MINA 比個波右路.....高文一攞橫個波已經係死位......而且佢唔太喜歡第一時間彈個波上去.....係咪有需要補個右閘....要考慮。
3) 攻中角色︰今場我見擺陣居然係高美斯做個正攻中.....你問我我點都覺得呢個只係安師權宜之計黎....高美斯係保護皮球能力強....但唔係一個KEY PASS 同攻門能力高O既球員.....佢喜歡小型球上腳....同面對面隊友做ONE TWO....今場我有幾腳都覺得佢玩得太多....有D 波如果佢係攻中....本來可以踢得進取D ....而唔係掛住猜。以宜家傳得似層層ZAHA.....可能安帥真係想要呢塊最後拼圖.....李察利臣點計都係會左路攻中.....ZAHA 本來都係踢左路較好....但以身體條件.....ZAHA 踢右路照計都合適.....咁占士就可以正式擺返中間10號位做攻中......背位龍門有杜可利同ALLNA 餵波....到佢自己轉身可以諗左右兩個好技術同有速度O既ZAHA 同李7 左右涉入.....自己又可轉身起Q....根本個套路就係正。如果真係可以用保拿斯加35M 左右換到....咁我地條中場線真係可以講係世界級水準！

ginger

愛華戰士 發表於 2020-9-14 10:25
10月初轉會市場關之前....我相信球隊仲要係認真考慮幾下幾個補強方案︰
1) TOMORI .....中堅位講真如果MINA ...

以今屆唔駛打歐洲賽黎計，可以再補強當然好，但就算而家陣容我覺得都算好好了，比較逼切反而係放啲唔啱用既球員

James_Beatkit

終於見返一條似樣既中前場
就知呢幾年浪費左幾多錢同時間
James未黎前已經冇懷疑
就算未十足級數都明顯地高一兩班
Allen就真係第一次認真睇佢踢
不論cool波分波都係高水平
膠福就似聞到D味成場好集中
李桑唔好再咁獨食得唔得

但硬係覺得隻鴨同今場個戰術唔係好夾
睇下之後點發展

一場波J下都正常
始終對住熱狗呢D西隊真係好耐冇贏過
我唔會即刻打哂J話前幾
盃仔既4強/決賽當然最好贏埋先係今年最想要既野

愛華戰士

我又唔係咁睇喎....如果O係條件許可情況下....補一套領隊最想要O既球員同陣容係最理想O既....
講真....等左咁耐至有個名帥帶....仲要有個世界一級球星占士肯加盟....( 當然我覺得李察利臣宜家都已屬於世界一級水平)...呢D 水平可以話千載難逢......無人知下屆仲留唔留得住李7.......如果可以O既.....再加強其他隊友實力....一舉打入前四.....咁我地至有條件持續吸引多D 好球員黎加盟，更重要係凝聚到好球員，以往我地都有唔少好球員......但因為無成績踢到出黎....結果好多都感覺只係踢好自己....作過客而已...有D.踢得好咪跳走( 盧卡古如是...).....但大部份過氣名將都只係諗住O係度搵一筆收山。今屆幾隊都真係好強...車仔尤其顛....曼城本來已經足夠強.....利記無乜增兵...但同我地始終存在距離...阿仙奴相對係穩定同務實左......曼聯上屆下半季已踢得似模似樣........你問問..熱刺真係我覺得比較平凡.....但對賽數據真係嚇死我地.....次次都失4,5 球........；仲有狼隊查奧爾同占美利斯....上屆我地完敗...今屆究竟有無力撼贏佢地條葡國中場？李斯特城尋日睇雖然無左早兩三果種銳....但只要把握到一個機會又係可以殺死對手。

真心講作為球迷....我唔係一步登天期望隊波贏英超 (當然心底係有呢個幻想)....至少我希望隊波踢返D 攻守組織....踢返個隊型同風格比我睇下我已經好滿足。好似尋晚組織出黎有4-5 個攻勢係可以入波O既....唔會輸埋D 膠波....任人魚肉O既....真係已收貨。對上39次對BIG 6 未贏過...呢D 真係好難接受O既數據。
上次歐聯外圍賽黑氣纏身抽到維拉利爾.....令我地同歐聯無緣.....呢份遺憾希望今屆完結時可以得到補償.....

ginger

James_Beatkit 發表於 2020-9-14 10:58
終於見返一條似樣既中前場
就知呢幾年浪費左幾多錢同時間
James未黎前已經冇懷疑

阿鴨拍落今日條進攻線其實明顯唔同班，不過睇佢仲有冇得進步，坦白講自己都跌眼鏡，一直唔太睇好鴨。

愛華戰士

DCL 雖然技術同把握力一般....之不過呢兩年見佢明顯健身操過黎....佢肯多走動同為隊友做搶點.....都有佢作用。
今場除左入個靚頭搥.....果下左路回傳占士都好有水準.....另外有一下右路入涉....半跌半走帶散人地兩三個後衛....算係 X FACTOR黎。

另外今場有一個鏡頭特別深刻....係施格臣.....有一下回防左後.....硬係一味得個追同伸腳' 行' 住對手.....最後ALLNA 一黎就殺個波落底線....成件事就係解釋晒幾個無正選O既球員點解會比人搶走個正選位。.....我心入面都會話...施格臣....有射術...其實都OK, 伊禾比後生有速度....其實還可以....禾確特...神來之筆時都有D 料到....湯戴維斯....技術算全面...可以一用啊......KEAN...有質喎........之但係呢班友如果難聽D 評論.....又真係唔入流！我地往往就係寄望呢班球員會發光....結果就係失望而回。

toffeeweb

ginger 發表於 2020-9-14 11:06
阿鴨拍落今日條進攻線其實明顯唔同班，不過睇佢仲有冇得進步，坦白講自己都跌眼鏡，一直唔太睇好鴨。 ...

同意 如果有番條正常中場 希望堅恩可以多D機會

reedlo16

今場都要讚下碧福特，救了球靚波，禁區出迎打手搥都好果斷及夠力。我們有球李察借對方失誤而單刀失機；熱刺亦有一次因ALLAN身位唔夠被逼甩持球，快速反攻，好彩便是碧福特靚救，能維持清白之身。

以賽果而論，熱刺今場當然係下風。但上半場佢右路老孫都製造了不少威脅，尤其有球K角位長傳遠柱，卡尼只差一步，真係驚風散。

barker

大家記住明晚球隊聯賽盃第二圈主場對沙福城, 究竟陣容係點 ？