|
|
 其實今年睇隊波真係覺得過去幾年球隊走左太多冤枉路。
馬天尼斯都算啦......朗奴高文呢條冚家富......再一個平平凡凡O既施華....護級天王艾拿戴斯......搞到隊波攻不銳守不穩.....錢又洗左....養住班高薪低能..
領隊一定要用名帥....冠軍保証.....人地拎得冠軍....一定有原因........；球員.......當然隊隊波都想要球王級球員.....我都知有C 朗美斯....隊波一定唔同層次.....但大家有目共啫.....一個世界級球員.....占士......佢周薪一定唔低.....但我相信佢人工唔會高過禾確特, 拉美利斯, 賓納特, 仲有之前個垃圾舒拉達連好多........但我相信無人會覺得球會比占士呢份周薪會係蝕左底.......占士肯定幫球會拉攏左好多新球迷.....開左唔少新市場....賣多好多球衣產品。而且球場表現已經帶動到成隊波。----- 我唔敢話球隊今年一定可以成功....( 球隊呢廿年亦唔係無出現過一輪短時間好...一輪長時間衰O既起伏期).....。
作為長時間球迷.....講真我好多年無試過睇愛記波係有一種有期望同享受O既感覺。以前次次睇直播時都係攞氣黎激O既....比人攻到氣咳.....後防亂到慌失失....進攻單調....錯漏百出....莫講話踢D 漂亮水銀瀉地足球....就算面對面交波都做唔到....一個似樣ONE TWO 都無........戰果就更加係無期望，贏到好彩....唔輸夠運果D。但今季暫時4 場波.....對熱刺....穩守反攻....攻守有序；對西布朗....雖然大部份打多一人....但進攻得宜；對水晶宮同白禮頓....雖然唔係完全控制戰局....但感覺上仲係守得當穩 (唔好理碧福特派膠)...仲係可以LEAD 住黎踢....不落下風O既。
安察洛提真係接手...由15位開始....唔係心急想一步到位.....唔係想瘋狂買人.....半季先保住個英超席位....(雖然上季疫情影響點都會打亂買人同重組O既部署)....觀察球員.....先揀今季可以重用O既....用呢個基礎再去買人.....重點改善最弱O既中場中位置.....引入2個中場中...將中場組織同攻守能力大幅提升.....針對創造力不足弱點.....平價引入占士加強整個進攻深度....；領隊亦知道米高堅尼同MIRA 2個中堅係有質素....需要O既只係中場屏障.....只要中場組織力加強.....兩個中堅自然如魚得水。重點係我覺得2個中場中買入價都係合理範圍。暫時睇到....施格臣, 伊禾比, ....仲有賓納特呢3個暫時已經被激活左。其實只要球正選遠離傷病....今屆真係衝歐聯席位唔係夢。 |
|
發表於 2020-10-5 09:38:10
發表於 2020-10-5 16:40:47
