作客阿仙奴

barker

拖肥1878 發表於 2022-5-23 01:11
般尼本應最易逃出生天，但………

我地可斟般尼中堅達高斯基喇

愛華戰士

我地作客輸1-5。 其實球迷真係睇返自己隊波現實啲，利物浦無錯係愛華頓嘅縮敵，但馬西塞特郡其實好多係一家人有人捧紅有人捧藍。而且事實呢幾年我地同隔離街已出現一個明顯差距。利物浦就算拎第二，難道我地仲有值得開心嘅地方？上場護級成功慶祝，只係一種逃出生天嘅情緒宣洩。真係以全季表現，根本成隊波上至管理層下至職球員都應該向支持者表示歉意。

barker

愛華戰士 發表於 2022-5-23 01:22
我地作客輸1-5。 其實球迷真係睇返自己隊波現實啲，利物浦無錯係愛華頓嘅縮敵，但馬西塞特郡其實好多係一家 ...

咪睇夏天新足球總監同林伯特點做

愛華戰士

列斯可以作客斬班福特！般尼呢隊被視為攻力好差嘅降班隊可以殺低我地！屈福特可以炒我地5-2！場場波都反映我地嘅交出黎嘅戰績有幾不堪！

barker

愛華戰士 發表於 2022-5-23 01:25
列斯可以作客斬班福特！般尼呢隊被視為攻力好差嘅降班隊可以殺低我地！屈福特可以炒我地5-2！場場波都反映 ...

希望夏天對症下藥好好组軍

愛華戰士

我地由本應爭前六（至少介乎8-10名）嘅水平跌到今季第16。可以話全歐洲最大倒退嘅球隊。作客表現直頭係災難級。我地無可能換晒所有球員，下屆至少仲有7成球員仲會留隊，呢班友如果唔認真操練提升心態同表現，下屆真係只係又係行行企企等護級

彈地

情感上來講愛華頓啲球迷當然唔希望利物浦攞冠軍啦，正如以前一直都知道利物浦是壓着愛華頓，球迷都有句名言就算排名低過佢但係只要比賽贏到佢就已經超滿足⋯
之前幾季唔講就以今季為例，我覺得管理階層對於成績江河日下責無旁貸⋯⋯聘請肥賓是一個動搖愛華頓球迷基礎的錯誤決定，我只可以講伊朗佬係完全唔熟悉愛華頓的歷史，
就正如外國球員就算穿起愛華頓球衣都唔明白打吡的真諦！傷兵，邪到冇人信，正如肥賓講正選球員搬傢俬夾親隻手指都可以缺席！林伯特並不適合dogfight 的領隊，我深信炒咗肥賓之後用鄧肯費格遜做看守領隊一早已經上岸⋯林伯接手之後用三中堅咁耐邊有好日子過！

ginger

講真林8唔掂就一定架喇，昨晚總算擔驚受怕左成季第一次輕鬆睇，比阿記炒亦係我地今季的寫照。不過又冇理由咁快又炒林8，點都要比起碼一季佢試下，黎緊都冇咩期望，希望清左啲冗員，用多啲青訓重建隊波，都可以考慮下搵返占士返黎做重心重建隊波。希望林8快啲訓醒唔好再迷信三中堅，後面淨係人多係冇用的.....同埋真係要諗下我地啲傷兵問題究竟咩事，點解季季都傷兵仲多過冇傷的球員.....

wahton

未來幾年隊波有排執, 希望下季唔洗好似今季咁, 飽食驚風散臨尾才護級成功吧

拖肥1878

學吓對岸AC米蘭點執隊波啦唔該！！