FA CUP 4th round vs Millwall ( away )

Forever_Fan

nowhere 發表於 2019-1-27 13:52
椰子起碼我見得返熱血足球
同埋當年冇錢到E家有錢
都想睇下有錢帶的椰子可以帶成點... ...

同感，不過當年的球員比現時專業，熱血足球恐怕再難見到。

但至少當年老莫無錢都帶得比過去幾個每季駛成億鎊的領隊好，不單係睇成績，而係場上的表現和穩定性，我都想睇下係有一定財力的支持下老莫可以帶成點。

Forever_Fan

拖肥糖 發表於 2019-1-27 23:10
moyes,big sam都好，炒人要快

完季前唔可能，完季後好難講，但領隊轉變太頻密也未必係好事。另外正如有師兄講，球隊冗員太多，買人前應該先清走最少5-6個球員。

Forever_Fan

周六米禾爾主場以3:2擊敗愛華頓的英足盃第4圈賽事，比賽前後發生兩軍球迷互毆的衝突外，據網上片段顯示，主隊球迷更涉嫌在看台上唱出帶有種族歧視口號的歌曲，諷刺愛華頓，令英足總決定進行調查，「我們意識到場內涉及帶有歧視性的歌聲，我們將進行調查。」 英足總介入調查後，米禾爾有機會被罰閉門作賽

leonkit

半季又炒人無咩意思
MS班波踢打吡之前都好地地
輸左球西波 接連自信倒退

leonkit

Forever_Fan 發表於 2019-1-27 23:33
我只係希望董事會如果炒領隊唔好再沈迷少帥，由馬仔開始無個教練識防守，我地隊波問題太多，與其搏會咁好彩 ...

朗奴高文都唔係少帥..仲要係後衛出身添..

Everton2018

其實原來唔只我哋自己愛迷睇得出施華前線排陣有問題，就算連我自己身邊睇開英超的朋友都不禁疑問為何施華會唔重用尼亞斯和Tosun這兩位咁有份量的前鋒，反而會俾目前还不成氣候的鴨仔擔大旗打箭頭，依家又胡亂擺放身材頭槌輸蝕一向打開輔锋的李察臣打正前，毫無"殺著"，試問有誰家對手的领隊會懼怕我哋的進攻呀，施華咁禮讓。

Everton2018

我唔理你施華是否因為私怨而將Tosun和尼亞斯打入冷宫，或者你季初"用人唯親''一意孤行死攬鴨仔打箭頭，難聽d講句你施華根本就喺度玩嘢故弄玄虛本未倒置，將愛華頓的成績來"較飛''，不理比賽的失敗勝負，滿足你嘢個人慾望，好多朋友都問過我以施華的財智絕對不會咁愚蠢做埋d on9 嘢，除非佢收咗賭波集團外圍莊家錢打假波，特登想愛華頓輸波。

愛華戰士

witzz 發表於 2019-1-27 08:31
諗唔到有咩原因馬高施華仲可以留低。有晒成個preseason俾佢部署，唔係無俾錢買人，咁既成績，真係收唔到貸 ...

絕對認同！
馬高施華.....無留低的理由

愛華戰士

我都唔係一個唔比時間領隊去幫隊波改頭換面的球迷，只不過原則係個領隊必需要人盡其用，有一個好清晰足球哲學。
馬高施華從無帶領過咩球隊踢到好成績出黎....呢一點其實係借鏡黎.....當初球隊物色佢.....係因為覺得佢教般尼呢D 比我地細幾個檔次的球隊都打到似模似樣，咁一廂情願認為佢帶領下我地會更強。我個人認為....我地隊波有唔少年輕球員.....呢一刻最需要的不是所謂少帥，而係有豐富管理經驗同戰術思維的領隊。-----> 其實當初我認為智利工程師會更適合我地.....始終佢有拎過冠軍的經驗....愛華頓呢間球會過去三十年最缺係乜？就係奪冠的經驗。
### 啱啱納比唔教中國隊，我地係咪可以考慮下納比？

大家要醒醒.....馬高斯華過去大半年比到隊波究竟係乜？大家話佢多左地面波.....之但係我覺得佢只係純綷強調多用控傳，但具體訓練上無O係控, 傳, 走位呢D 方面提升到隊波。至於隊守，我地季初有一輪係打得唔錯 (係堅尼+ 蘇馬打中堅果幾場)，之但係隨住比賽強度加強，我地防線不斷漏水。多次講防中係重中之重，問題所在，基耶如果集中只做防務，防守可以加強，但同時就立即暴露左無力打反擊的弱點；到馬高施華近月希望基耶推前少少大家多做進攻時，則成個中路就開晒比對手黎攻。
馬高施華對於球隊究竟應該主攻定主守，仲係舉棋不定。呢一點係我覺得佢無得留低的最大理由。
以往莫耶斯相對明顯係....先求穩守.....防中用卡斯利/ 卡維臣 ----> 中場中路相對係硬淨....，再配合兩邊側擊.....兩閘兩翼；前邊就用刁轉型少少前鋒去做突擊。呢個唔可以話係好高明的戰術....但正正係限米煮限飯....1-0 戰術。
我真係唔想再好似朗奴高文咁.....明明隊波無起色....仲比個傻領隊係咁買D 無用球員返黎再累隊波。
要炒，就趁早！

ngkk821

如果唔介意教過對面街，賓尼廸斯係一個幾好的選擇。我都開始覺得。。。silva鬼鬼地