愛華頓轉會討論區 2017-2018球季

witzz

般尼茅夫個howe有無得諗？之前搵領隊都傳過佢，我覺得佢都帶得唔錯，著重地面進攻，又係愛華頓fans

barker

愛隊搵左憤怒鳥做衫袖贊助

拖肥1878

barker 發表於 2017-9-17 18:41
愛隊搵左憤怒鳥做衫袖贊助

完全反映依家一衆拖肥迷嘅心情......真的憤怒了

拖肥1878

Forever_Fan 發表於 2017-9-17 12:09
如果可以一舖踢走朗奴高文，我唔介意今場好似屈記咁輸6粒

我都唔介意。

Forever_Fan

witzz 發表於 2017-9-17 17:41
般尼茅夫個howe有無得諗？之前搵領隊都傳過佢，我覺得佢都帶得唔錯，著重地面進攻，又係愛華頓fans ...

佢太年輕了，唔夠四十歲，又多係帶領下游球隊，甚至低組別球隊，佢未必壓得住班球員，而且經驗少未必能處理現時複雜的局勢和提升球隊士氣

拖肥糖

拖肥1878 發表於 2017-9-17 20:37
我都唔介意。

出聲呀！想要幾多球呀！

這一夜，我含淚承認，我係19000

nsno

隻袖印住Angry Bird真係好柒

Forever_Fan

朗尼早在9月初於路上被警方截停，當時車內除了涉嫌醉駕的他外，還有一名女性同行。這名前英格蘭國家隊隊長出庭時承認醉酒駕駛，最終被判罰停牌2年及100小時的社會服務令。

Forever_Fan

利物浦3場不勝，愛華頓更4連敗1球不入，兩支默西塞德郡大會，黯然無光；周中戰「雞肋」英聯盃，「紅藍」兩軍唯有去盡止瀉。


利物浦嘅高強度壓迫踢法，勝在悅目，但冇一位好門將、好防中坐鎮，防線受巨壓，唔能夠全怪常被球迷批評嘅中堅「兩嚿雲」洛夫雲及卡拉雲。領隊高洛普排陣似星期美點，連續4場輪換門將，兼「鐵膽」祖爾麥迪比輪住拍兩嚿雲，試極唔掂，領隊係咪應負更大責任？今晚喺英聯盃作客李斯特城，紅軍當然唔易踢；不過，英聯盃雖然獎金奀，攞冠軍亦只係入歐霸，對強隊意義唔大，但翻查近3季決賽隊伍，全部喺當屆有份參加歐洲兩盃嘅分組賽，證明列強唔怕喺季初應付3面戰線。李斯特城正常會收起常規攻擊主力，包括占美華迪及馬列斯，突擊威力頓減，紅軍有機會以快制快。


愛華頓領隊朗奴高文壓力更大，用1.4億鎊擴軍，替補盧卡古，但球隊頭輕身重，前線冇補強，唔夠火力；好在聽晚喺第三圈迎戰落咗英冠、排緊尾四嘅新特蘭，睇怕愛華頓派一班生牯仔落場捉「貓」無難度，大勝可期。

Forever_Fan

愛華頓季前使咗成1.4億鎊（約15億港元）增兵，雖然就話有賣走盧卡古嗰度一大舊錢，但而家英超只得1勝1和3負嘅成績，連埋歐霸盃直情直落輸4場失12球，仲要1球都入唔到。季前被視為其中一個帥位最穩嘅領隊朗奴高文，而家都聞到魷魚香，根據英國各大博彩公司開出嘅「誰是下位離隊領隊」的盤口，朗奴高文已經成為次熱，直情直逼近個幾星期幫韋斯咸搶到4分嘅大熱門比歷。

以《威廉希爾》嘅盤口為例，下位被炒仁兄嘅賠率之中，朗奴高文係3.5倍次熱，而比歷就係2.87倍嘅大熱，差距已經越來越窄。值得一提嘅係，第3熱門嘅紐卡素領隊賓尼迪斯，已經去到13倍，睇嚟下個落鑊者，真係好似唔係比歷就係朗奴高文咁。