愛華頓轉會討論區 2018-2019球季

Forever_Fan

24cheung 發表於 2018-5-30 22:41
你講得好好，希望fan兄比時間施華啦，佢仲懷念緊椰子

每個新領隊上場，哪怕我唔認為好，我都會俾時間，就好似朗奴高文一樣，不過近年真係對每個新領隊都失望

Forever_Fan

Fuko~ 發表於 2018-5-30 21:58
其實真係好睇你點睇。對於侯城同韋根呢D小型班黎講，並唔一定好似你講會將獎盃同護級擺埋一齊。
先講韋根 ...

馬仔無資源，我都部份認同，佢資源不多，但比老莫時代，已經好太多了，但成績也同時差得多，我覺得如果隊隊都有曼城咁的人腳，贏波都體現唔到領隊的功架，係有限資源卻令球隊有燒鵝的味道，我認為佢有料，如果一個有功架的教頭和充足的資源，最後會點？係一個期盼的願望。

當然，silva 我都會俾時間佢，但其實部份評論都指出愛華頓的選擇係一個賭博，也是 silva 最後一次證明佢是否適應英超，報導認為佢進入英超後，兩年不到執教過兩隊，其實都唔算係成功，亦除英超2隊外也未執教過其他頂級聯賽，也沒有甚麼歐洲賽的經驗，履歷其實並不算標青，所以報導覺得這會是佢最後證明佢適合英超的機會，係愛華頓不差人腳和較充足的資源到最後都未能獲得成功，就證明佢不適合英超。報導最後亦提出一個疑問，愛華頓其實有條件去聘請一個 "proven manager"，市場上有其他選擇，為何一定要聘請 silva 賭一舖呢？

barker

因為 Moshiri 要搏埋呢舖

Jassoo

我對施華都有D期待，畢竟佢帶候城同屈福特半季，真係有辦有眼(莫領隊當時都要用唔少時間重建愛華頓)，而且佢唔會打悶蛋足球，希望佢真係另一個普捷天奴

evertonarteta10

Forever_Fan 發表於 2018-5-31 07:32
馬仔無資源，我都部份認同，佢資源不多，但比老莫時代，已經好太多了，但成績也同時差得多，我覺得如果隊 ...

Marco Silva係有打過歐聯....贏過葡萄牙杯冠軍, 希臘聯賽冠軍....當然呢D小兒科

PROVEN MANAGER唔會過黎...如果而家只係短視少少, 的確可以埋怨球會做咩唔搵工程師.  都講左好多次我諗大家都明白一點就係老細係要搵少帥, 佢唔介意一直試, 總之搵中一個可以帶隊波有成績有歐賽既少帥就會比佢一直教落去, 講白D咪複製費蛇同雲加囉.

大牌少帥係有啊, 杜曹 施蒙尼, 請得郁先算啦, 我都想啊.  

咁咪唯有係所謂既POTENTIAL YOUNG MANAGER入面揀囉:

MARCO SILVA
EDDIE HOWE(般茅)
沙治奧干西卡奧(波圖)
列保夫(基輔戴拿模)
高古(PSV燕豪芬)
尼祖斯文(賀芬咸)
加拿度(河床)
施蒙尼恩沙基(拉素)
JAVIER CALLEJA(維拉利爾)
van BRONCKHORST(飛燕諾)

以上係比較有名氣既少帥(當中有不少係名將我諗大家都認識), 咁要有英超經驗啊麻, 咪MARCO SILVA囉

evertonarteta10

barker 發表於 2018-5-31 08:57
因為 Moshiri 要搏埋呢舖

老細博輸MARCO SILVA, 下一個都會係少帥.........除非真係用人脈挖到大牌

James_Beatkit

Forever_Fan 發表於 2018-5-30 20:17
如果我係候城球迷，silva 帶到候城咁要降班，我點都唔可能話佢係好領隊，用一句佢改變全隊，所以係好野來 ...

前面我已經講左
DM比MS多成9場波時間去幫隊波
加埋人腳方面韋斯咸一定比侯城好
最後侯城差6分護唔到級
但DM其實都只係離尾三9分波
一來一回我真係唔覺DM有咩值得讚到咁
正如我唔會太過讚大SAM一樣
咁既人腳你留到係正常
我係有聽過韋根球迷同我講佢地都幾憎馬仔
雖然幫佢拎過盃但最後降班
但馬仔係有幾年時間比佢執條防線佢做得唔好係佢責任所以我理解韋根球迷諗法
相反西布朗最後幾場先發力但降班我又唔覺有幾多球迷覺得戴倫摩亞係令佢地降班
我講既好領隊係要有自己一套清晰理念同埋其他因素環境去配合
純睇CV係冇意思

James_Beatkit

Fuko~ 發表於 2018-5-30 21:58
其實真係好睇你點睇。對於侯城同韋根呢D小型班黎講，並唔一定好似你講會將獎盃同護級擺埋一齊。
先講韋根 ...

同意
特別當年馬仔帶既時候反而做到盃賽個種期待感覺
雖然最叻都係4強但我始終覺得比佢留多1-2季佢係可以幫我地拎到等左廿幾件既盃
MS依家夾唔夾到隊波冇人知
不過佢的確比當年馬仔幸福係依家個會有錢
但呢樣野好奇怪有D人一有錢一有多人出場選擇就唔識用
RK就係一個好例子
所以雖然我對佢有信心但都要用成績同踢出黎去觀察
至於馬仔今屆世界盃係比佢去證明既好時間
咁既人腳冇8強都唔會收貨

James_Beatkit

Forever_Fan 發表於 2018-5-31 07:32
馬仔無資源，我都部份認同，佢資源不多，但比老莫時代，已經好太多了，但成績也同時差得多，我覺得如果隊 ...

其實成績計DM都唔算好得多
加埋當年真係強既得BIG4
爭第5第6點睇都會易過依家

vdm

James_Beatkit 發表於 2018-5-31 10:23
前面我已經講左
DM比MS多成9場波時間去幫隊波
加埋人腳方面韋斯咸一定比侯城好

同意, 侯城雖然降班, 但唔能夠將所有責任推晒落施華到.....我見到既係當佢帶住侯城之後,球隊既變化(更有體系,侵略性), 我就覺得依個領隊唔講得笑....