2017/2018 #36 英超 作客 Huddersfield Town 28/4/2018 22:00

Forever_Fan

barker 發表於 2018-4-29 16:19
sunday mirror : 愛隊季後賣走肥仔 , 另外bill 叔叔 , 大 Sam , walsh 叔叔都會走 , Moshiri 三揀一下季 ...

愛華頓今季戰績低迷，有傳主要股東摩斯利非常不滿，希望重整架構，隊長朗尼、領隊艾拿戴斯、主席簡胡禮都冇得留底。

英國《鏡報》周六報道，摩斯利對於今季已斥資約2億鎊擴軍，仍然僅於英超以36戰48分排在第8位，於歐霸盃又早在分組賽就出局，感到不是味兒，希望作出重大改變。

首先是對今季才由曼聯回歸的隊長朗尼（Wayne Rooney）開刀，教練團認為這名32歲前英格蘭隊長雖然鬥心十足，但表現已大不如前，想在今夏放人。至於把朗尼帶回家的主席簡胡禮也大有機會離隊。

在季中才上任的領隊艾拿戴斯，雖然成功救亡，但球會屬意在夏天易帥，以薩克達的保羅方辛加、般尼茅夫的艾迪賀維或前屈福特教頭馬高施華接手。

除此之外，CEO艾斯東即將離任投奔中超，而愛華頓正斟洽新科荷甲冠軍燕豪芬的白蘭迪斯出任技術總監，令原本的足球總監華殊前途成疑。

Fuko~

Forever_Fan 發表於 2018-4-29 22:07
愛華頓今季戰績低迷，有傳主要股東摩斯利非常不滿，希望重整架構，隊長朗尼、領隊艾拿戴斯、主席簡胡禮都 ...

唔覺得朗尼冇用...你可以話佢禁高人工同表現唔成正比，但佢唔係踢番後左的話，點會入10球禁少。
佢、華石、施古臣同埋dowell輪流踢已經夠用。

隊波由高文到大sam其中一個大問題係中場組織太弱。太多時候大家都唔積極去組織攻勢...
係持球個陣，隊員間分隔得太遠，尤其係後衛線同埋中場個條gap...
要帶波上去又冇人做到，要俾波又得肥仔做得好。大家又唔願意跑多幾步去配合的話，往往都會變成要打邊...
打邊最後又靠哂閘衛走上黎助攻...走到上黎，前線頂波又唔係特別強，下下斬入去都唔係辦法。
我自己覺得領隊打法除左可以再積極d，班球員自己都負番d責任。下下企係度唔互相配合係冇用。
成個下半季，真係全靠禾確特活化左條攻擊線...杜辛so far我會覺得同niasse差唔多級數...頂多好少少。

barker

Forever_Fan 發表於 2018-4-29 22:07
愛華頓今季戰績低迷，有傳主要股東摩斯利非常不滿，希望重整架構，隊長朗尼、領隊艾拿戴斯、主席簡胡禮都 ...

我撐 Moshiri 咁做 , 一定要有大轉變

Forever_Fan

barker 發表於 2018-4-29 23:04
我撐 Moshiri 咁做 , 一定要有大轉變

大轉變不一定係好轉變，不過我贊成踢走大Sam和華殊，講真今季成績咁差，除朗奴高文外，負責買人的華殊責無旁貸，至於大Sam無能力為愛隊帶來改變，CEO艾斯東我都聽說過佢能力有限，換走都無問題。但我個人唔捨得標叔叔離隊，雖然佢年紀唔細，也傳佢身體唔係咁好，但我並不信任moshiri的管理和眼光，反而我覺得標叔叔更會為球會利益做好監察人的角色，眼光我也信佢多過moshiri羅

Forever_Fan

Fuko~ 發表於 2018-4-29 22:20
唔覺得朗尼冇用...你可以話佢禁高人工同表現唔成正比，但佢唔係踢番後左的話，點會入10球禁少。
佢、華石 ...

朗尼無錯無復當年的表現，但同時佢係我地隊內的表現係水準之上，唔認為應該賣走。另外，杜辛和禾確特唔算入錯貨，杜辛或許好似只是中規中矩，但第一年踢英超有咁的表現我肯定收貨，亦期待下季習慣英超節奏後能有更好的表現。

barker

Forever_Fan 發表於 2018-4-29 23:21
大轉變不一定係好轉變，不過我贊成踢走大Sam和華殊，講真今季成績咁差，除朗奴高文外，負責買人的華殊責 ...

而家係 Moshiri 話哂事喇 , 我期待 Marcel Brands 做我地新 DOF

James_Beatkit

認真呢場真係悶到抽筋
同意中場真係冇咩串連
純靠一兩個球員個人能力做突破

愛華戰士

球隊其實呢幾年踢O既足球係不論贏輸.....都係悶
球員無隊型....無組織...無鬥志.....無自信......無血性.......基本上係吸引唔到球迷眼球....

日前FB 見到有段新聞話艾拿戴斯自J 話教多年....我真係心諗死得啦....又要捱多年悶波；尋日180度轉變見到新聞話主席對今年表現不滿意........話要換人....我希望呢單野係堅料.....

大家要認清事實.....唔計1995年個足總杯....我地已經成30年以上脫離左爭標行列.......究竟我地仲要頹廢多幾多年？....年年咁樣浮浮沉沉.....有乜意思？
今年歐霸我認為我地係成為歐洲球壇笑柄....完全唔入流....

先搵一個有雄心, 有戰術邏輯O既知名教頭返黎........真真需要2-3年一班穩定班底球員去發展一個戰術體系出黎.....否則只會係頭痛醫頭腳痛醫腳。

朗尼是否要棄用....呢一刻去決定似乎難決定.....因為宜家朗尼不論最前或者中場較炮都不太合適....；朗尼呢一刻我認為必需要踢雙箭頭中的一個墮後輔鋒角色。但考慮到我地長期只用一個箭頭.....而且又唔係中鋒擅頂型前鋒.....所以朗尼踢法係非常局限....

其實球隊可以借鏡曼城......佢地中場核心係迪布尼同大衛施華....兩個都係控球能力強....節奏掌握好....而且擅傳.....迪布尼仲有埋遠射.....大衛施華則較多同隊友配合制造空位.....曼城用佢2人穿花蝴蝶...( 有時用古度根則較多墮後控制比賽節奏)
再配合辛尼左路速度.....加埋2號前鋒.....史端寧前邊不斷現身走位....；最前方放一個把握力超強O既阿古路....或控球力強O既加比爾捷西斯....
中場中一個費蘭甸奴主責防務

成個體系不會係只用一個人去控波...或者一個人去傳送...或者一個人去走位....
愛華頓的進攻體系.....球員分工好多時都係太淺白.....而且淺白得黎係比人洞悉晒....

施格臣負責組織(但事實上無隊友配合猜波)
朗尼多負責分波 (但事實又係無乜隊友走空位)
禾確特負責....速度走位進攻....
基耶負責搶波防務...
杜辛....負責(又搶又迫又射)

evertonian95

愛華戰士 發表於 2018-4-30 11:39
球隊其實呢幾年踢O既足球係不論贏輸.....都係悶
球員無隊型....無組織...無鬥志.....無自信......無血性... ...

不能再同意C兄說法, 得個悶字

"大家要認清事實.....唔計1995年個足總杯...."  冇30年...但都有23年, 當中睇MOYES執教最為有味, 限米煮限飯, 個個都好勇, 死追爛迫D波已經成絶響。

朗尼留佢我覺得只可用作精神领袖, 一於比佢做愛記的神奇隊長

reedlo16

逐個逐個球員睇, 隊波無乜邊個特別差。只係放埋一齊便死晒。

次次落場便懂行行企企、零走位意識。所以咪一味橫傳下，左傳右傳唔曉入波。對強隊呢，傳都無得傳，只係到追波追波追波, 點會唔悶Q死。