主場擋車

愛華戰士

碧福特2次神救。加上左右門柱頂住！天都幫埋。球員要爭氣

killersmiling

希望下場贏埋李斯特城！咁就有机護级，三隊活兩隊！

barker

大家要聽下秋官的一首勵志舊歌( 從不放棄 ) 替全上下愛隊球員加油

wahton

將士用命下贏返場救命波

pickford同球迷都係MOM!!!!

evertonian95

barker 發表於 2022-5-1 11:42
我預計愛隊最後六場戰績係一勝四和一負得七分, 到時有 36 分希望可壓過列斯聯護级成功 ( 我唔信列斯跟住兩 ...

傳統係41分護級

evertonian95

愛華戰士 發表於 2022-5-1 23:03
碧福特2次神救。加上左右門柱頂住！天都幫埋。球員要爭氣

食咗嗰波餅, 良仔絕招顏面截球
不過, 碧福特好似當咗自已係替英格蘭國家隊打依場波, 砌勁十足

愛華戰士

其實成場波睇返，我地整體水平唔係打得特別好。純拼勁同走多步。入果球本來唔係咩機會黎，另外米高倫哥個小禁區射同格雷禁區頂燙射，今場可入波嘅就係呢三下攻門。以主場必拼嘅情況下，只制造到三下餐士波我覺得都係少。成場控球2x %。車仔一來鬥志唔太高，二來都有啲心態上知我地搏命，所以其實都收收地，我地個防其實都真係走甩幾次。若非碧福特同幾下球員包到，今場輸真係唔出奇。始終啲波好容易就比對手造到入禁區。希望鬥志繼續燒落去頂住

Fuko~

愛華戰士 發表於 2022-5-2 09:55
其實成場波睇返，我地整體水平唔係打得特別好。純拼勁同走多步。入果球本來唔係咩機會黎，另外米高倫哥個小 ...

做唔到攻勢係真。但對強隊用波強，我唔覺得啲埋門次數同控球好重要。始終球隊加下分數大過天，你想佢哋打返正常波鬥用鬥攻，我諗呢季都唔好諗。冇攻中造波冇正中鋒開路set波入波，呢個打法博至少1分，已經係最正確做法。
米拿真係又愛又恨，成條防線即刻有個人帶住守，賀雞治都正常返。我個人係想佢留返低。

ginger

明顯我地而家進攻係直接搏亂章波架啦，不過護級就係咁，要踢士氣同鬥志，唔係要踢漂亮足球，邊個落場唔肯跑就唔該去後備啦。希望黎緊對李城可以偷到三分，對家作客完羅馬應該體力會有影響，我地真係要搏盡，始終作客太差，如果黎緊依兩場作客拎到四分，再返主場嬴多兩場我地就應該夠護級了。如果要鬥到最後一場我地要作客阿記就好危了。