19/20 EPL 05 Bournemouth ( away ) sunday

Jassoo

前面進攻好單調，一味靠兩邊，我係對面都識得點守啦

愛華戰士

其實真係講左好多次，問題出在2個防中同2個中堅之間果個聯系同分工上。今日仲要2個中堅踢到慌失失。下下帀兩個中堅拎到波只係諗住回傳碧福特。防中舒拉真係好弱，防守不硬淨，唯有三幾球轉左路叫好啲之外無參與任何進攻手。德夫係好勤力搶，見佢有幾球已盡量想用好個波，但始終不成功。變相中路唔夠組織力，咁伊禾比焗住要埋中間幫波，結果個個踢到無晒位置。

leonkit

感動既係DHL無令我失望
無左gomes條中場好難搞
比tom試下啦 fk

Forever_Fan

舒拉和鴨仔係季前就應該清走啦，都唔明點解唔清。Silva 一如以往，排陣也好，戰術也罷，根本連馬仔老莫都不如，但應該比朗奴高文好些小的，季尾都係講再見吧啦，不過下季希望唔係摩連奴啦，都唔認為佢適合愛華頓，當然前題係佢肯來無歐洲賽的球隊

toffeeweb

尋日由1比1開始睇左少少愛隊 即刻輸多2粒就冇睇 因為都知道以而家隊波好難反cup番

再睇下尋晚夜場屈福特對阿仙奴 全場可以有28次射門 追番2-2 差少少可以羸埋 表現真係好好
睇番人地陣容
迪路菲奧幾生 比幾年前成熟不少
杜哥利 同 卡普 應該完勝我地中場中 無論力量 體力 合作性都係 起碼帶動到隊波 我地條中場 硬係覺得踢得好辛苦咁 傳送冇乜選擇咁
佩利拉 幾生 key 住個波幾穩 打翼打攻中都勝任  對比番我地施格臣 只有埋門同死球稍為突出

只係尼幾個位置 已經睇到好大分野
舒拉當然唔算好 但冇左基耶基巴文下 仲可以唔出佢嗎?

愛華戰士

忍唔住要出多段文詳細插下隊波。
我真係對中後場特別係堅尼/ 米拿/ 舒拉達連呢三位......拎住個波果種無力感感到好難以接受.....打英超.....國腳級水平球員拎住個波嚇到打尿陣.....莫講話期望佢地拎住個波向前推進....更甚連大腳向前踢.....都無信心。今場甚至係連搵中場球員比地波都話埋比觀眾知係無信心。

無錯呢個問題同馬高施華中場完全無派到一個懂得COOL 波的球員出黎好有關係....( 唯一係高美斯可以，其實湯戴維斯勉強係能夠推個波上前....但又唔用)....。右路高文今場踢得無影無踪.....完全無適當配合幾時至要上前...幾時要回後......位置上輸晒。
大家睇到落後時賓納特出黎佢係識得同隊友配合制造空位......頭60分鐘. 球場上只有李察利臣拎住波係唔怕對手迫搶的....究竟成隊愛華頓平時訓練係練乜？

再次要講，舒拉達連同施格臣.....絕對唔適合同時落場.....因為佢兩個都係無信心現身拎波O既球員.....施格臣唔係無技術....而係佢要係對方禁區邊拎到波至會有威脅，佢強於利用隊友走位自制空位再攻門.....但如果你要佢中場線附近現身拎波.....佢唯一可以做係搵附近隊友比短波.....；舒拉達連只係踢面對面的足球....呢幾年無論點計佢都已經証明無英超水平.....；德夫今場出腳幾狠，但事實如非德夫幾下拼命出腳......後防會更大鑊......

我唔怪班進攻球員....因為踢波的大家明......中後場唔穩.....中路無個分波清晰球員......前場球員係極難發揮的。

leonkit

非常同意舒拉達連只係踢面對面的足球
佢實力已見底 不如出Tom好過

aeroplane602

堅尼踢完國家隊冇哂信心咁 又包越位 爭頂又頂輸

James_Beatkit

唔識講
前鋒DCL唔夠班
C9真係得個傳波冇樣掂
MS就季幾都唔知佢想踢咩form

今季拉唔返同前6幾分波衝線(已經好低要求)
MS你都係走吧啦