愛華頓轉會討論區 2016-2017球季

Forever_Fan

愛華寶寶 發表於 2017-6-19 11:04
勝在後生有速度又有突破能力，3000 萬內可以諗下

嘩，如果佢要30m買回來，肯定比人話水魚....20歲非英藉球員，兼身價現時為5m，正如積拉域當年數據更靚，來到英超都由龍變成蟲，依家淪落到係中超踢波....後生仔基本都係有速度和突破能力，迪路菲奧都係主打呢2樣，可惜靠呢2樣未必足夠係英超搵食。15m左右還是可以考慮的。

barker

Forever_Fan 發表於 2017-6-19 11:31
嘩，如果佢要30m買回來，肯定比人話水魚....20歲非英藉球員，兼身價現時為5m，正如積拉域當年數據更靚， ...

一於買佐真遜喇 , 有傳愛華頓職員已接觸佐真遜的經理人

evertonarteta10

Forever_Fan 發表於 2017-6-18 12:00
Niang根本唔夠班，如果落實拉美利斯，還需要買一個前鋒兼翼鋒，雖然現時前邊買人後，可以做到多點進攻， ...

應該只有C朗 巴爾同蘇亞雷斯能夠付合你要求

witzz

一定係買Dembele,潛力級數都高過佐真遜幾班

愛華寶寶

witzz 發表於 2017-6-19 16:48
一定係買Dembele,潛力級數都高過佐真遜幾班

我都係咁話，傳咁多個前鋒呢個潛力級數最高

barker

巴塞隆拿已正式從愛華頓以 10.5M 英磅回購 Deulofeu , 交易已完成

Forever_Fan

barker 發表於 2017-6-19 17:05
巴塞隆拿已正式從愛華頓以 10.5M 英磅回購 Deulofeu , 交易已完成

咁即係迪路無問題返回巴塞啦，雖然有傳巴塞轉手會賣比AC米蘭賺差價，所以有所謂回購條款真係超搵笨，打得好就等如幫人練兵兼賺錢，打得唔好就等於轉會都賺左對方轉會費，可謂打得好或者唔好，巴塞都係贏家，無得輸

barker

Forever_Fan 發表於 2017-6-19 17:15
咁即係迪路無問題返回巴塞啦，雖然有傳巴塞轉手會賣比AC米蘭賺差價，所以有所謂回購條款真係超搵笨，打得 ...

有 10.5M 收入加番上去 , 即係仲有一億英磅剩低俾朗奴高文去入新兵, 簽左 Pickford , 卡拉臣 , sandro 已接近用左 60M 英磅

barker

Forever_Fan 發表於 2017-6-19 11:31
嘩，如果佢要30m買回來，肯定比人話水魚....20歲非英藉球員，兼身價現時為5m，正如積拉域當年數據更靚， ...

Moussa Dembele 30M 太貴喇

Forever_Fan

愛華寶寶 發表於 2017-6-19 16:51
我都係咁話，傳咁多個前鋒呢個潛力級數最高

蘇超打得好，係咪係英超就站得住腳呢？過去幾年蘇超神射手，一季入二三十球的也不是沒有，但沒有一個轉會英超，多數還在蘇超打滾，過去英超球會為甚麼唔羅致佢地？這個問題已經值得深思。

2009-2010蘇超神射手Kris Boyd係2010有幸得到米杜士堡青睬，轉會到英冠的米堡，可惜係英冠賽場，佢無法好像蘇超一樣如魚得水，打左一個賽季後更被外借離隊，之後更轉會美職，最後返回蘇超，現在還在賽場奔馳，但走出國門之路，困難重重，蘇超只是一個沒落的聯賽。

Dembele 上季免費轉會蘇超班霸，隨即大放異彩，上季29場蘇超，入17球，助攻8球，數據靚仔，但仍未拍得住積拉域來我地愛隊之前個季的數據，而積拉域咁的數據也遠未達到每季蘇超神射手的程度，積拉域轉會愛華頓，也未能獲得成功。

當年我地隊的Lukas Jutkiewicz，唔知大家重有無印像，係隊中打唔上主力的牛奶仔，外借比並非班霸球會的Motherwell，也入左12球，係非班霸球會，中場供應少，隊友質素也沒班霸球會高的情形下，一己之力入到咁多波，好似潛力無限，但回到球會就被賣到英冠，蘇超打到曉飛真係證明唔到乜野。

其實我唔反對買Dembele，因為肯定係年輕有潛力的球員，但潛力有多大呢？係未知的，15-20m係還可以接受，風險係可承受的程度，因為得唔得暫時來講係賭一舖架咋，佢的表現無幾多年數據呀，但如果去到30m，風險好似有點大啦，我地唔係乜野豪門，年年一擲億鎊的球會，早兩年每季有30m一季預算已經叫好好，用2年前已經係一季的轉會預算，去搏一個20歲的靚仔係咪天才.....十賭九輸，我諗唔到點解要用高價買一個咁重賭搏成份的後生仔。如果同樣係賭，我寧願選平好多的佐真遜，一樣數據好靚仔，但賭輸蝕極有譜。