19/20 EPL 04 wolves ( home )

拖肥糖

繼續上季制空力低弱，簡單過頭波，傳中攪亂晒

Fuko~

24cheung 發表於 2019-9-1 23:30
請問今日踢成點？

大家互相送大禮，打落其實勢均力敵。我地佔上風多DD...
伊禾比同KEAN都係偶有表現...反而後備落黎的賓納特比起伊禾比整體上更配合隊波的攻勢。
至於DELPH同GOMES呢對組合，作場組織力大增，令施古臣比下去...

laukarwing

24cheung 發表於 2019-9-1 23:30
請問今日踢成點？

對不起，我沒有看這場比賽。

慘勝祗是就兩個幾月所發生的事有感而發。

aeroplane602

Kean 既停球能力同技術都比DCL好 值得打正選

nsno

laukarwing 發表於 2019-9-1 23:48
對不起，我沒有看這場比賽。

慘勝祗是就兩個幾月所發生的事有感而發。 ...

呢兩個月未勝添啊⋯⋯
大家加油！

witzz

Kean高班過鴨仔好多，出佢起碼前面有個target。踢多一兩場，希望可以伊禾比移入中路取代冰島臣。香港人加油！

ginger

返到家攰到訓著左冇睇，總之三分已袋，香港人加油!

愛華戰士

場波唯一的欣喜之處就係拎到3分。
講真如果真係計，我認為我地全場整體攻門水平都低過對手。

第一球入....當然歸功幾位中前球員迫搶，李察利臣第一時間左腳撞射有功架！抵讚
失第一球.....甸尼其實我覺得如果唔係打孤寒波.....唔等個波落就一腳清....可以免左比對方攬球手完爆的尷尬。呢球之失除左左路比人輕易落底外，中堅包底邊傳中個位都有D 問題，今場三番四次面對中腰地波傳中....但中堅都係漏左踢比對手小禁區做到撞射。
到反擊領先.....施格臣傳中功力確實係好的.....伊禾比搶頂亦靚....
到失第二球.....對方狂放手榴彈.....中堅越頂越心慌.....結果再一次比對手搶到位頂入
被追和2-2 之後換入賓納特同DCL.....呢一刻球隊反而放開包伏，用直傳.....結果一個靚絕底線傳中，李察利臣搞惦。

除左入波同失球....今場綜合講有幾樣野值得討論。
首先係首發陣容其實大家都幾有憧憬，KEAN 最前....伊禾比左路，李察利臣右，....施格臣中路....可以話4個幾有可塑性的進攻組合黎。
- 之但係真係發揮出黎.....其實你問我我會話4 個無乜合作.....化學作用亦未見到....希望多D 夾會有改善。
德夫同高美斯雙防中我會話已發揮得唔錯.....德夫做到不少搶截.....高美斯亦適當搶到唔少控球權。( 當然在面對高波同第一點截擊上我覺得分工上可以做好D) ；但2個球員問題係得到波後策動反攻時選擇始終太少.....高美斯慣左分個波去左路比甸尼，-----> 始終比唔到咩波中前場4 個球員去做更有威脅攻勢。
仲有一個大問題係領先2-1 時....我見中前場踢得好迷失.....高美斯比德夫比施格臣再幾個互傳....但最終自己傳失埋.....好明顯係中場中路缺乏進攻套路....。呢個同狼隊對比出黎係明顯有不如，對方個RAUL 中路拎到波好有威脅.....佢會嘗試挑戰我地中路球員....但我地成個中路基本上係半放棄....變相KEAN O係對方中堅前係變左無作用。呢點如果唔改善....我地好難挑到前6。

領先3-2 之後果7-8 分鐘....我地大部份時間都係踢一腳清......我明白領先緊應該踢穩陣D....但主場....我地係咪應該要求高少少？

toffeeweb

愛華戰士 發表於 2019-9-2 11:19
場波唯一的欣喜之處就係拎到3分。
講真如果真係計，我認為我地全場整體攻門水平都低過對手。

狼隊狀態的確比愛隊好好多 成個中場 我對高美斯期望點都係高DD
不過狼隊因為打歐霸多圍賽 早我地一個月開季
狀態比我地好都係合理
希望D人快D操起個態
同Kean快D取得入球

Fuko~

toffeeweb 發表於 2019-9-2 16:29
狼隊狀態的確比愛隊好好多 成個中場 我對高美斯期望點都係高DD
不過狼隊因為打歐霸多圍賽 早我地一個月 ...

我最初懷疑佢態唔夠，下半場多左行行企企，但佢望落似紥住上。