2017-2018球季 英超#3 作客對車路士 (27/8/2017 8：30 pm)

Forever_Fan

Arteta 發表於 2017-8-28 14:23
回想上季，lukaku, 巴克利，米拉，迪路，甚至華西，加埋保拿斯..Lennon, 每一個都速度腳法兼備..今季不進反 ...

RK 自己羅來的，上季有速度的翼好似迪路米拉連儂都已經全部放棄，上季屈機靠前邊盧卡古和巴克里，今季盧卡古走我唔入佢數，想走都唔係第一天，巴克里肯定唔妥RK，今季咁多時間又唔買快翼和有爆發力的中鋒，買埋d全部無速度的球員，自找麻煩。

愛華戰士

爆炸拖肥糖 發表於 2017-8-28 13:50
加埋上季大约踢左50 場正式比賽，我仍然睇唔到RK 嘅戰術風格，有冇巴打參透到話俾我知？我唯一睇到嘅戰術就 ...

這是最令人嘔心的足球....積基卡尤其嚴重....去到邊都只係諗住將個波交比碧福特大腳....以往佢都有D 長傳....我唔係想入晒佢數....因為隊型所限....前面無人現身....好蝦後衛.....

但今場大家真係留意下....上半場尤其嚴重....成條防線係咁龜縮O係禁區頂位置....無話跟住成隊波壓上.......你有三個中堅....其實好應該搵一個COOL 到下波O既.....打反攻時試下帶個波上黎幫手拉空對方中場....但佢地三個只係識得左交右右交左.....積基卡唔係比碧福特就比拜恩斯....仲要好多時個位死左至比佢.......你叫拜恩斯點踢？

Forever_Fan

愛華戰士 發表於 2017-8-28 15:02
睇落其實幾無奈
你地睇下韋斯咸千零萬鎊執到小豆 ( 佢已入兩球), 曉士又買到前皇馬青訓謝斯洛迪古斯 ( 佢上 ...

摩連奴對球隊的觀察睇得好透，基於原本的陣容，所有買人都有針對性，每季都係買3個人左右，補強特定位置，唔會話換晒全隊就萬事大吉，換晒全隊等於好？廢話，從未聽過一季變動咁大的球隊有好結果，前面已經有熱刺和利物浦做辦你睇，但RK唔會係前人經驗吸取教訓，今季高普都曾經講過，買得人多係無用的，上場都係得11個球員。

我地缺速度和兩翼才是問題，我地的閘位球員本來就唔係頂級，要求佢地踢晒成條邊線本身就唔係佢地善長的位置，也無咁的體力。因此打兩翼反而係最理想的，有2隻快翼配合施古臣的傳球，朗尼的走位，加埋DCL打正前的活力，前線即刻可以生晒。甚至打4-5-1我覺得效果都唔會差，但一定要有快翼和有爆發力的中鋒。

明知baines無替補，未買到人就借走埋打開左閘的galloway，明知中場無速度，用dowell 頂攻中然後羅施古臣筆錢買快翼和中鋒好過啦，又借走埋有少少速度的dowell 。今季william 跌watt跌得好勁，如果browning無借走應該比威廉斯表現更好，我睇過佢係新特蘭的表現，比galloway穩健，galloway其實重係有d企位唔靚和失大意波，但呢d野係需要經驗羅返來，以守衛來講galloway都係太年輕，反而我睇好Browning。卡拉臣應該係水貨，sandro水水地都好，佢平價簽返來，又後生，應該有賺。係卡拉臣應該會蝕，賣走佢可能只能收返15m，但蝕極有限的。

nsno

James_Beatkit 發表於 2017-8-28 02:56
我都唔知幾時開始英國D球迷咁一言堂
上網見有師兄係官網fb叫RK走即比人人身攻擊
RK你係得嘅咁多fans ...

RK其實好多球迷撐，我相信董事局都撐佢
所以至少一定要愛隊喺季中排下半版，先會炒佢

nsno

愛華戰士 發表於 2017-8-28 15:02
睇落其實幾無奈
你地睇下韋斯咸千零萬鎊執到小豆 ( 佢已入兩球), 曉士又買到前皇馬青訓謝斯洛迪古斯 ( 佢上 ...

你呢套打法好正路，我相信俾Unsworth接手都會打呢套（好似馬仔被炒之後嗰場咁，反擊快，重側擊，分工簡單，隊波不知打得幾爽）

James_Beatkit

nsno 發表於 2017-8-28 15:32
RK其實好多球迷撐，我相信董事局都撐佢
所以至少一定要愛隊喺季中排下半版，先會炒佢 ...

現實D講
佢仲有年半約
除非歐霸好差咁出局聯賽又係下半版
唔係點都會比佢過埋今年先

Forever_Fan

nsno 發表於 2017-8-28 15:34
你呢套打法好正路，我相信俾Unsworth接手都會打呢套（好似馬仔被炒之後嗰場咁，反擊快，重側擊，分工簡單 ...

其實老莫咪又係打呢套，簡單易明

James_Beatkit

nsno 發表於 2017-8-28 15:34
你呢套打法好正路，我相信俾Unsworth接手都會打呢套（好似馬仔被炒之後嗰場咁，反擊快，重側擊，分工簡單 ...

我自己都想Rhino教

Fuko~

Forever_Fan 發表於 2017-8-28 15:42
其實老莫咪又係打呢套，簡單易明

唔好吹奏老莫啦...佢咪又係打左奧士文同右阿迪達...
到佢走個前一兩季先識搵當奴雲同德倫特番黎，同派拿左邊一齊雙翼。然後前邊謝拉域個D次次一季貨仔，HOLD唔到波，連反擊都打唔到。

wahton

Fuko~ 發表於 2017-8-28 16:00
唔好吹奏老莫啦...佢咪又係打左奧士文同右阿迪達...
到佢走個前一兩季先識搵當奴雲同德倫特番黎，同派拿左 ...

我唔係想為老莫護航

但事實上就算當年用奧士文, 阿迪達打邊路, 效果都好過而家隊波

起碼奧士文有切入中路遠射, 阿迪達兩邊斬中俾卡希爾攻門先....