|
|
單睇尋晚場波......有以下幾點係需要正視的︰
1) 對方射門30腳.....呢個數據簡直係可怕........而且阿仙奴猜我地好似大人猜細路咁....成個禁區頂基本上係空空如也....任人控傳盤.....我未見過英超有一隊波防守力係咁差o既.........尋晚失5球....真係要講....輸得少了！
2) 擺一個所謂3中堅2閘o既5人防線........大家睇到.....右閘kenny 我地只能話佢經驗真係太少....可能好多師兄覺得佢有潛質........但單以尋晚場波計...好抱歉....真係唔合格.....唔好計佢防守端上無乜供獻.....有幾腳簡單向上傳佢比個大撻我地睇........踢開波o既大家知.....你踢波踢到撻q 真係代表你狀態唔夠或者根本未準備好踢場波.......問題係你主場....對場地無理由唔適應....或者佢可能真係臨開波至被通知打正選....所以非常怯場。....大家睇下湯戴維斯後備入黎閘左對方幾腳波....明顯係心理上有準備同無準備的分別。左閘拜恩斯....大家要承認一點.....真係老啦....仲比朗奴高文咁楂法......間中上黎出左兩三腳已經盡量力.....當然防守上拜恩斯都開始回唔切......管理層真係要睇清楚......一定要搵人慢慢接班
三個中堅又係得啖笑......不能太苛責威廉士.....因為大家知佢真係出腳慢d.....食張黃牌係意料中事.(你對山神邊可能有著數)......米高堅尼明顯係跌緊watt......
pickford 無錯係救左幾球....但係有幾下賭搏式輕出係好危險.....而且佢開d 反擊生波準繩度唔高......經常直接開出界。
3) gana....踢到無癮啦....你場場要佢一個做拼命三郎搶....但搶完d 隊友一下就甩.....點踢啫.....；施格臣真係好x 屎......無爆發力....無速度......最大問題係唔勤力走動.....又唔幫手迫波....你施丹咩.....下下等隊友比波你你發辦呀？食左豬油糕咁...仲要中場cool 波唔穩陣....我印象中我地以往的阿迪達...卡維臣呢類中場發動球員.....有一定攔截力....某程度上仲幾辣......而且硬淨。...正如有師兄講...出佢好似打少件咁....除左斬罰球....真係睇唔到佢運動戰上比到乜野穿透力強O既傳送隊友。反而華錫真係幾扭得....有HEART 踢.....佢踢法有D 似奧士文....左CUP 右CUP 有時反而帶到空位比隊友.....你問我我兩個攻中我用佢好過用施格臣。
好遺憾我地仍然要靠朗尼一搥定音.......佢射果腳真係彷如隔世.....好似回到15 年前咁....佢肯定唔後悔....15 年前一球成名....一走了知係正確的....你老闆今場又幫你地入一球...之後輸獲甘....隊波咁不濟......根本係扶不起的阿斗....有青春都唔會O係度浪費啦！
後備入黎的.....三個.....我覺得都帶到化學作用比隊波....湯戴維斯截左幾球....(可惜GANA 領紅)....佢變相只能代替做純防守....不能進攻....；NIAASE.....唔好理佢踢乜野波....執隻死雞就係GOAL 啦；LOOKMAN 盤帶都比到D 野我地嗌下.....
綜合問題係......中場無一個核心去發動進攻或者指揮防守.....施格臣做唔到呢樣野.....宜家成隊波我地都無一個球員有呢個資質。好大鑊！---> 一個踢法像沙維, 派路, GABI, 施蒙尼, 列當度呢類.......
講到口臭....朗奴高文一定要盡快起身.....踢左成十場聯賽...仲係差唔多場場唔同陣型....唔同球員.....你叫球員點適應？邊可能踢到默契？
|
|
發表於 2017-10-23 10:17:45
發表於 2017-10-23 11:30:57
