2017-2018球季 英超#11 作客對水晶宮

愛華戰士

以波論波....當你作客45秒就失波.....最終能夠和局拎到一分....對於呢個戰果....我地作為球迷已不能要求更多。

45秒失波我真係對球場上呢11位球員感到羞恥------> 球員究竟有無做好心理準備落場搏命？我好懷疑.....國際賽期已休息左一周....球員照理體力無問題.....訓練亦應該足夠......點落場點企位點追人照計大家清清楚楚.....身心狀況肯定已經應該調整好去打呢場波。我相信我地求其搵11人對住巴塞....都不至於45秒就失波......但結果人地就係幾腳波就入你禁區起腳射門.....仲要後衛睇住人地補射。.....只能講句.....發緊夢！

至於失第二球.....就明顯係成套戰術同防守訓練不到位。....又係3個人打你7個.....輕輕鬆鬆鄧梓峰！

宜家英超其餘19隊都知道你愛華頓防守差勁....隊隊都樂於向我地進攻....

追返個12碼....真係可判可唔判....；追平果球....可以讚中場截果個勤力....NIAASE 亦把握到呢D 波......嚴格黎講....2球都係對方送的。

當然我唔可以抹殺今場我地進攻上係做多左野....NIAASE 有一球近射係差D中....DCL 一球中柱.....施格臣有一兩下入禁區係嚇到下人。
施格臣今場狀態都好左D....至少摸索到隊友企位....D 波可以轉返出生位....；另後備SANDRA 見佢狀況都爽左....

戰術討論的話....首先我唔係好明安斯禾夫點解下下半場就玩大執位。換走舒拉達連我可以理解 ( 重點係搵佢打正選已經係問題)；
如果安斯禾夫堅持用呢種45 分鐘就換幾個後備落去衝的模式.....呢D 只係打體力....唔係一套好戰術

艾朗連儂今場打得唔錯.....回防追沙夏果下真係睇到佢D 速度
拜恩斯大家真係要體諒佢.....今場佢防守明顯係有漏洞了....講真....唔可以太倚重佢上去助攻又回去防守了....
我地中場仍然係最大問題....我尋日睇曼聯對紐卡素....紐卡素上半場打得好好....佢地個防助做得好有層次....一個迫一個包....中堅上黎夾....中場一截斷就拿拿臨盡快猜上去.....將皮球運上前場其實係好重要O既戰術....我地D 中場...(舒拉達連例牌交比中堅....施格臣都係偏好回傳.....GANA 礙於傳送能力不高....好多波根本運唔到向前.....結果導致我地D 波就算搶到....都做唔到任何反擊.....人地防守可以施施然回防.....
紐卡素中場中有個光頭仔舒維......呢條友可以放長.(尋日有一球就係比曼短中場死追住佢仲可以轉射比個超級地波直線前鋒射門).....可以比短....又可以遠射..........其實牫地宜家就係欠缺左呢D 波......先唔討論你放長波前鋒接唔接應得到 ( NIAASE 停波能力我認為一般)....但至少你中場要有呢個意識.....否則對方防守球員就會緊緊咁企O係你球中場附近.........當你隊波越放唔到長波....對面防守就會越黎越緊密....長傳如果到位....係最有效拉散對手防線O既方法黎

Forever_Fan

愛華戰士 發表於 2017-11-20 10:36
以波論波....當你作客45秒就失波.....最終能夠和局拎到一分....對於呢個戰果....我地作為球迷已不能要求更 ...

都幾同意你的講法，暫時球隊未有戰術隊型，半場往往要大執位，咁即係代表場場都排錯陣姐。

連儂今場我都覺ok，baines 叫佢咁的年紀跑上跑落根本唔合理，1月左閘位係必需要買，輪換都要啦。另外今場後場，中場和前場的連接好差，大家戰術意識都無乜，這是領隊的責任，失波太快或人多防人少都輕易被人入唔係只係今場才出現，解決問題需要對症下藥。

好掛住當年雙光頭中場卡維臣搭卡斯利的時候，中後場穩如泰山。

愛華戰士

evertonarteta10 發表於 2017-11-20 10:01
老實講人腳上安斯已經排到最好.  大家想打雙翼, OKAY安斯出雙翼, LOOKMAN應該未成氣候, LENNON都係勤力有餘 ...

枯勿論戰績跟RK 時比是否有改善，但呢幾場至少見班球員搵返攻門機會。
我認為出雙翼 ( 或者講433 果種左右前鋒) O既踢法係有幫助.....正正因為能夠多左左右2邊拉闊....令到中鋒位多左機會.......進攻中場亦多左空間去做波

講真....開季果幾場波我地睇完成場波都見唔到1腳似樣攻門......我成日話輸波唔緊要....(真係技不如人就抵輸)....但隊波照理唔應該弱到做幾腳靚攻勢都做唔到

RK 時代就係有理無理一味將踢法類似O既球員大雜會放埋一齊....
我地拎幾隊波黎睇︰
曼聯︰中場- 馬迪(防守/控制節奏) + 普巴(運球/傳送/助攻) + 馬達(入滲/組織)......再配合...左右前鋒拉舒福/馬爾.(做突破射門).....正中鋒盧卡古( 做最前點/ 攻門)
曼城︰中場- 費蘭甸奴 (防守) + 施華 (COOL 波/ 組織/助攻/ 入滲)+ 迪布尼 ( 運球/ 策動/ 長傳/ 助攻/ 射門)+ ZANI (影子中場....做下現身/ 拉闊/ 突破) +  前鋒阿古路/ 哲西斯 (入球)....曼城中場偏向進攻型....但明顯係曼城有2翼衛閘....佢地可以將中場同中堅收窄防守....同埋中場可以以攻代守
阿仙奴︰中場-  夏卡 (防守/分波) + 藍斯(搶截/ COOL 波/ 突破攻門)+ 奧斯爾( 助攻/分球) ....前鋒︰山齊士(現身/ 突破/ 射門) + 拿卡錫迪 (入球)
利物浦︰中場 - 軒達臣 (COOL 波/ 長傳/ 分球/遠射), 安尼簡/或韋拿杜姆 (COOL 波/長傳分球/遠射) , 古天奴(突破/助攻/ 遠射)....+ 埃及文明  - 沙拿/ 文尼 (突破/ 射門/ 走位)....費明奴 (停波/ 搶波/ 進球)---- 踢法似NIASSE

幾隊所謂強隊....大家都見到分工(當然球員能力波定執行力度).....你問我地宜家愛華頓中前可以點踢，球員功能O係邊？
中場- GANA ( 搶截--- 但GANA 做唔到COOL 波同維持球隊節奏...亦比唔到長傳)+ 湯戴維斯 (搶截, COOL 波 (但仍然係維持唔到節奏) + 施格臣 ( 理論上係分波/ COOL 波/ 突破/ 遠射/入滲....但宜家除左COOL 到下波外...其餘作用唔顯注)
前場- NIAASE ( 走位/ 攻門/ 迫搶) + 連儂 (右路突破/傳中/少量攻門)+ LOOKMAN (其實我屬意米拉拿斯) (左路突破/ 傳中/攻門----暫時未打到效果)

幾位邊綠球員特點︰
朗尼 -- 如果打攻中..可(停波/ 射門/ 分波)---- 但欠突破/速度,
保拿斯 (如果傷好.....打右前最理想)....有(突破/攻門/ 傳中)
DCL (如果打正中鋒.....佢入滲時間身位同搶點唔夠好)......停波1對1 攻門亦無把握
舒拉達連︰(除左面對面交波比中堅.....我唔知佢有乜強項)

barker

Forever_Fan 發表於 2017-11-20 10:47
都幾同意你的講法，暫時球隊未有戰術隊型，半場往往要大執位，咁即係代表場場都排錯陣姐。

連儂今場我都 ...

sky bet update : Marco Silva 賠率得番 0.8 倍

evertonarteta10

愛華戰士 發表於 2017-11-20 11:18
枯勿論戰績跟RK 時比是否有改善，但呢幾場至少見班球員搵返攻門機會。
我認為出雙翼 ( 或者講433 果種左 ...

有一個人可以幫到手, 就係有帶腦既巴克利, 就可以解決中場中擺位同分工問題, 不過冇帶腦既巴克利=打少個  但係呢, 出齊基爺 巴克利 施格臣打倒三角, 又少左個防中去PROTECT隊長/威廉斯, 真係好煩.

另外我想講BOLASIE唔可以打右邊, 要打左邊, 因為佢完全冇配合, 硬爆型, BAINES最多上去拉下位, 岩哂數.  舒拉上季好好地今季沉得咁緊要應該係同整隊波個SYSTEM有關, 唔單單係佢個人能力問題, 呢個CASE我認為安斯未必解決到.

1月買中堅先緊要啊.

如果真係要出雙翼而又有能力攻人, 我暫時只有BOLASIE同VLASIC係有信心.

Fuko~

愛華戰士 發表於 2017-11-20 10:36
以波論波....當你作客45秒就失波.....最終能夠和局拎到一分....對於呢個戰果....我地作為球迷已不能要求更 ...

所以我會話呢季防守除左左中堅，我會覺得防中都大問題。
你要舒拉踢得好敢用波帶波就要一對中堅穩陣先得。
最後搞到施古臣落埋黎一齊掃波...
見到冇b仔都奇怪...佢拍gueye做掃蕩任由前面發揮唔係仲好咩？
要帶波進攻就用兩翼兩閘帶...

Forever_Fan

evertonarteta10 發表於 2017-11-20 11:41
有一個人可以幫到手, 就係有帶腦既巴克利, 就可以解決中場中擺位同分工問題, 不過冇帶腦既巴克利=打少 ...

見到咁的勢，巴克里都唔知會唔會留，1月唔肯留賣走的話不如 call dowell 返來打巴克里個位，但 dowell 身型太單薄，但至少佢傳波和遠射都唔錯，起碼打多瓣波。

James_Beatkit

Forever_Fan 發表於 2017-11-19 10:25
其實剛睇到一篇報導，我的諗法也不會只是得我一個人的想法，但呢一刻我唔敢話佢唔得，風險只是是大而已：

...

呢篇我都睇過
成個感覺係好負面
只拎個降班紀錄黎講冇咩意思
尋晚我睇左大半場屈仔
個進攻真係幾簡單直接
依家你要唔失波搵邊個教都係冇可能即時解決到
已經唔只一次講後防老化比想像中嚴重得多

Forever_Fan

James_Beatkit 發表於 2017-11-20 13:47
呢篇我都睇過
成個感覺係好負面
只拎個降班紀錄黎講冇咩意思

後防老化係季前都知，原本就話買一個具份量的中堅兼左閘，點知最後跑左個馬天拿出來，然後中堅和左閘都無晒下文，左閘就連後生仔都借走晒，根本季前就錯晒，尤其明知 mori 出唔到的情形下寧願註冊 mori 都唔註冊 garbutt 先至搞笑

evertonarteta10

Forever_Fan 發表於 2017-11-20 13:56
後防老化係季前都知，原本就話買一個具份量的中堅兼左閘，點知最後跑左個馬天拿出來，然後中堅和左閘都無 ...

我覺得係威廉斯季初未上力, 佢竟然夠膽KEEP住個態咁沉係咁打喎.  馬天拿你就唔好再啄落去啦, 係人係鬼都知頂到COLEMAN出番黎姐, 你唔會真係諗到球會肯比千幾萬買個後補右閘掛?

中堅買唔到HOEDT又真係唔即刻轉目標, 左閘冇TARGET呢下先吹漲.  不過坦白講, 左閘真係冇咩人選, 叫BAINES辛苦D頂多季.  

後防補強完全不解............