主場對諾定咸森林

laukarwing

一定要贏得這場勝利！

愛華戰士

打完今場相信車仔唔會再想出價買Gordon ! 無錯係射左一兩腳似樣，但慣性上腳，應比唔比！不討好

愛華戰士

進攻上算係有啲改善，前面有個朗當點都叫有個目標。咁哥頓同格雷自由發揮

barker

FT 1-1

aeroplane602

一換走朗當就失勢，比人入波

reedlo16

幾點：
朗當有佢作用，佢至少有兩三球係前場HOLD到波並直接俾機會其他球員埋門，格雷及哥頓有佢係度進攻都較順暢，不用兼顧太多。
伊和比打中中防守搶截護球做到十足，但要埋佢派牌便死得，前場進攻傳球十居其九俾失或俾唔到位。
陣式要求翼衛要全場快上快落，體能要求相當高，左面米高倫高還算可以，但右面柏特臣下半場尾段已開始疲態，跟唔上。始終上季傷了大半季，要時間。
奧拿拿真係好似當年初來報導的費蘭尼，不適應英超，但又手長腳長，動作稍大便很容易犯規，看來仍需時間掌握比賽節奏。
後防達哥夫斯基上半場慌失失，被人逼搶時多犯錯。但下半場似見改善。
哥頓經常死去，最後一腳成日好似賭大細咁，一係可以幸運起到腳(但射術又…唔算好)，一係俾人快速搶返個波，護球能力同把握能力和列查理臣差好遠，若列查理臣賣到6000萬鎊，哥頓都可以值5000萬鎊，嘩，仲使諗？

最後，唔該快啲買兩個射手，另外，也欠一兩個中場有派牌能力的球員。

evertonlife

轉會市場入多一個進攻中場加正前鋒便可以了。攻中主要是取代阿里，而正前則希望可以在陣式轉換成兩位前鋒時派上用場，所以也不用是路雲或朗當式的中鋒類，可以是射術類多一點，令進攻選擇較多

evertonlife

照繼續三後衛的戰術，那343有時可轉作352，特別是對強隊時是需要中場中更多人手，而如果派Gray或Gordon做352中最前的其中一個，在體型上會比較輸蝕。

ginger

今場嬴唔到都唔知幾時開到齋，希望快啲入到前鋒，今年暫時睇隊隊英超都幾對辦，特別中遊強左好多，我地點睇都應該係護級，暫時感覺係最差果兩三隊之一，希望快啲入到啱用前鋒可以有改善啦。哥頓真係價啱就放啦....佢係推得生個波，不過其他真係好一般，完全唔係做重心的料子，格雷整體一定好過佢。依個價錢搏下其他好過。

Fuko~

reedlo16 發表於 2022-8-21 10:59
幾點：
朗當有佢作用，佢至少有兩三球係前場HOLD到波並直接俾機會其他球員埋門，格雷及哥頓有佢係度進攻都 ...

我覺得我地兩閘助攻太少都係其中一個輸蝕位。有朗當係度，係一對閘斬入去俾朗當，其實佢做到二傳。
跟著俾gray同gordon執第二點。今場波其實就係反映左前場班人唔夠入球能力。
仲有我地d斬角球能力真係好差...成日都俾軒達臣拎晒。
慶幸我地都叫入返一球追平冇禁傷。當然，呢場應該係must win ge比賽。
下場繼續打擅長ge防守足球，守得到其實係會有驚喜。大家唔使太絕望。