Europa League VS Atalanta (away)

wahton

隊波咁既狀態, 不敢有咩期望

tongtong

其實好多人都話莫耶斯離開愛華頓之後, 帶曼聯成績差, 俾人炒咗, 帶皇蘇又俾人炒咗, 連去到新特蘭又唔掂, 都要被炒, 因為佢回哂塘, 我絕對唔同意!

首先, 第一季他轉投曼聯, 買球員方面季初受到諸多制抓, 上面唔肯PUMP水, 攪到只可以買到爆炸頭一個, 你地唔好忘記曼聯季初頭幾場踢得有板有眼, 揭幕戰贈對手三蛋, 跟住之後陣中後防老大哥里奧費甸南帶到玩嘢要 "反佢", 想迫走慫恿其他部份球員比賽唔盡全力"揸流攤", 幾乎每次劇本都寫定哂,都是上半場領先, 下半場被對手追平什至"反輸", 球員唔聽老莫枝笛, 未能執行比賽指令, 令老莫大出洋相, 曼迷對他失去信心, 呢個已經係當時公開的秘密!

之後他季轉戰西甲,接受當時排在榜未要打護級的皇蘇,當時好多人(包括我)都唔睇好佢,點知他 一開始執教無耐, 對巴塞隆拿同皇馬都帶領球隊有脫胎換骨的表現 , 幫當時病入膏肓的皇蘇護級成功, 之後下一季季初成績未如理想俾人炒咗, 據聞又是球員不滿他操練過度, 引致陣中幾個資深球員不滿, 比賽時玩嘢故意拒絕執行老莫比賽戰術指令, 導致成績差強人異, 同曼聯CASE一樣想迫走佢!

最後他在季初40天前才被委任為新特蘭領隊, 當時新特蘭飽受財政困擾, 被三間銀行追數"迫倉", 球會被迫賣走前領隊大SAM的舊部,合共15個隊中身價最高的主力球員, 只留下年老35歲的廸科爾和後防中堅Kone兩個比較有名氣實用的球員, 其餘未能掛牌出售的全部都是老弱殘兵或者牛奶仔, 由於當時老莫臨危受命,時間緊迫球會又缺錢, 只可以從曼聯低價買入中後防年青球員maclair和love 暫時頂檔,

我最記得揭幕戰作客人強馬壯的曼城, 賽前一日中堅Kone入紙要求球會讓他轉會他投, 拒絕替新特蘭上陣, 攪到老莫要臨時拉夫搵一個中場球員去踢中堅, 在如斯惡劣環境下老莫都可以帶領新特蘭下半場打到八十幾分鐘打到同曼城1:1, 如果唔係maclair"擺烏龍"射入自己龍門改寫戰果打沉新特蘭, 老莫就可以打響頭炮! 新特蘭班球員士氣大大受挫, 跟住球隊受球員傷患困擾, 年青球員質素未夠班, 成績當然差啦, 唔可以將責任推落老莫身上,

從上述例子, 我仍然相信老莫對強隊的爭勝力和戰鬥力, 根本無退化到, 大家細心想想老莫帶皇蘇同新特蘭果班"二打六"垃圾球員完全無充分時間準備臨時拉夫都可以同巴塞曼城有得撼, 何況愛華頓現在手頭上的高身價高質素"精兵", 老莫一定比高文和馬天尼斯懂得善用這班球員, 一定"有前有後", 令球迷放心! 就算輸波都唔會學高文俾人場場大炒, 或者學馬天尼斯後防中門大開好似不設防, 講防守莫耶斯一定好過佢地兩個多多聲, 上季高文帶愛華頓聯賽排名第7位可以失四十幾球, 老莫帶新特蘭排包尾第20位都只係失六十幾球, 係唔係好諷刺呀!
馬天尼斯更加唔駛講前季同大前季執教每一季我地都係失五十幾球, 咁大家估吓老莫教番我地後防會唔會大大改善啦!

我亦唔同意有師兄批評老莫有季初病, 我反而覺得根據以往經驗, 老莫一定頭威頭勢, 知恥近乎勇做番場好戲俾球迷睇!

而且有一點大家會忽視的是"球員服從性",未能在球員面前立下威信,  莫耶斯之前幾間球會的失敗好大程度是未能獲得球員的服從, 什至"玩嘢"整蠱佢特登輸波拒絕執行佢的指令, 但如果他回歸一定得到他的舊部拜恩斯, 積基卡, 高文和巴克利, 米拉的支持, 幫助他在球隊立下威信, 其他新球員都唔會對抗, 我相信"情勢"和"成績"一定耳目一新, 絕對唔會出現曼聯個case!

Forever_Fan

其實無乜所謂，炒左RK後唔請老莫咪再請另一個領隊羅，不過我有信心，最後可能蹉跎幾年，兜兜轉轉，最後先發覺原來"還是覺得佢最好"。

Fuko~

Forever_Fan 發表於 2017-9-16 23:09
你話要個排陣聰明d的領隊，其實經歷左馬仔和朗奴高文，佢地兩個都曾經捧過杯，係所謂的冠軍領隊，朗奴高 ...

老莫排陣正常?? 佢保守到一個點，你唔記得當年你點樣死攬拔爺，插高文唔掂嗎?
每一次的低潮期，大家都講到口水乾，覺得禁和落去或者輸落去唔掂個陣，叫佢出班後生仔出黎跑下好d。
厭佢唔識打進攻，結果真係死到臨頭佢先識做。加埋佢份人有名你叫方丈。
DM唔係唔值得俾機會佢番黎俾夠資源去搞波。而係隊波目前的條件同佢自己本身都未READY!
你試下係老莫，你俾而家隊波佢，佢會點執? 打4-5-1或者4-4-2，然後留番DCL係前面同班後衛死過就算。
你覺得禁樣打真係好? 仲有一樣野，老莫佢自己都唔係特別鍾意用快翼打波的人黎。
佢有錢有資源，除左會同你執一件高大前鋒番黎，下一步就係執中堅再到左右閘，真係有閒錢先同你搞進攻...

James_Beatkit

Forever_Fan 發表於 2017-9-16 23:09
你話要個排陣聰明d的領隊，其實經歷左馬仔和朗奴高文，佢地兩個都曾經捧過杯，係所謂的冠軍領隊，朗奴高 ...

關於DM講埋呢點算
我好同意其他師兄講
依家唔係一個好嘅時候佢返黎
我同意fuko兄講
唔會抹煞佢功勞
只係我唔甘心5-7名衝綫就算
另外我唔覺得DM臨場換人有幾特別
保守到一個點
對咩隊都係同一個陣
反而馬仔第一年同RK上季就算排錯陣即換個種決斷仲要好

James_Beatkit

nsno 發表於 2017-9-16 23:30
"Michael Keane is maybe, on the ball, normally our best centre-back in our ball possession. Maybe no ...

擺明又秋後算帳上場波啦
我撐你出Williams+Jags㗎
你夠膽出嘅話
不過咁最後應該holgate打中堅
終於打返一個佢最擅長嘅位

nsno

"Michael Keane is maybe, on the ball, normally our best centre-back in our ball possession. Maybe now he has doubts in his football.

"If you have doubts instead of going front in defending you make a step back.

"That’s all about confidence.

"You don’t go, always you step back if you are afraid.


RK你係得嘅，個球員有信心危機，你覺得公諸於世會幫到佢？

Forever_Fan

Fuko~ 發表於 2017-9-16 19:12
無人質疑佢限米煮限飯的能力，佢亦都係光榮禁離開，大家分手分得都開心。我地想要一個有能力再帶我地升多 ...

你話要個排陣聰明d的領隊，其實經歷左馬仔和朗奴高文，佢地兩個都曾經捧過杯，係所謂的冠軍領隊，朗奴高文更曾是世界級球員，但試問佢地排陣正常嗎？調動聰明嗎？我敢話老莫從來的排陣比佢地兩個都正常和聰明，過去呢2個領隊無個掂，我甚至覺得朗奴高文比馬仔更差，難保第3個就一定係正常嗎？學華頓兄話齋老莫過去執教的11個年頭，已經係佢最好的CV

Fuko~

Forever_Fan 發表於 2017-9-16 15:49
其實老莫當時球會莫財，投係青訓的錢又有幾多? 偶然才出一兩個較好的青訓，係馬仔來的時候財政改善，球會 ...

無人質疑佢限米煮限飯的能力，佢亦都係光榮禁離開，大家分手分得都開心。我地想要一個有能力再帶我地升多級的領隊，而佢亦可以向更高的地方發展。
所以個問題唔係佢係我地呢度的往積，而係我地而家隊波唔岩佢帶，佢仲未係我地需要的領隊。
限米煮限飯，我地都有WALSH睇著，我地要一個戰術安排，排陣聰明些少的領隊就真。
同埋過左5年，原來大家都仲係原步，問心你接受到嗎? 所以我一直都希望佢有番多少功積先，到時大家再合作會好好多。
你都唔駛再賣老莫D功積，我唔鍾意睇佢D波，但無得唔佩服佢禁多年的限米煮限飯的功力。
只係我地再合作的機會並唔係而家...你放過老莫啦...你俾佢係出面帶隊帶到成績先啦?

Forever_Fan

Fuko~ 發表於 2017-9-16 12:18
你唔係讚老莫青訓好咩? 我又想問下點解佢禁多年青訓都冇辦法培育到呢一種前鋒呢?
有樣野叫有得必有失，老 ...

其實老莫當時球會莫財，投係青訓的錢又有幾多? 偶然才出一兩個較好的青訓，係馬仔來的時候財政改善，球會才係青訓系統投更多的錢，老莫時代跑得出幾多個青訓? 最叻咪朗尼，其他呢？難道rodwell? gosling? 定係禾根? 錢唔係萬能，但無錢萬萬不能，我真係覺得當年無老莫，我們嗰十一年裡面會降班的機會好大，比好多下游球會重要衰，我地好多時係0轉會費，要靠賣球員維持，係老莫先可以用咁少錢，不單留到係英超無降班，重成為歐洲賽常客，利用佢自己的眼光，不單不需費球會資金，有時重可以低買高賣球員反哺球會的財政。老莫絕對值得再多一個機會。

laukarwing

失望。