作客李斯特城

Forever_Fan · 發表於 2017-10-30 11:32:15

今場人地明顯防反強，我地又唔係中前場可以襟住人來揍個種陣容，我覺得應該防反對方反，收縮防線，出攔截力高的中場工兵，同李城爭中場打陣地戰，而唔係我地咁玩高位壓逼，但後邊漏晒風，兩閘就推前推到打 wing 咁，人地一反擊快攻回都回唔切，總結來講我覺得呢場輸係戰術錯誤多於陣容錯誤。

Forever_Fan · 發表於 2017-10-30 11:15:06

James_Beatkit 發表於 2017-10-30 10:32
雖然輸波
但我會比多幾場安斯去證明係咪啱我地
開波陣容起碼我諗係依家隊入面暫時最好進攻既陣式

暫時我覺得有部份係無錯，但有部份又有問題。

首先，鬥心係好左，睇得出班球員想贏，正選陣容都算正路，唯一係威廉斯我會用 holgate 都唔定，米拉換lookman，因為剛打完車仔，部份體力差的球員可以輪休。輪換可以多返少少，不過唔換都唔叫致命。

開場其實都被人壓住打，呢樣都唔致命，但後邊好散，太多空位，連續2球都差d被人入，開場無耐咋，我已心知不妙。但成條防線都壓得好上，兩閘當 wing 咁打，壓到上前場，米拉成日走去中間，左邊得返 baines，重要走上走落，davies 係中間攔截力好差，有好幾球就係打反擊追唔切波搞到後邊唔夠人差d被人入，第一球其實都係咁輸，人地由反擊到入波只係3腳波，後邊簡直就係無掩雞籠，空位多到呢....第二球own goal 明顯係 kenny 躂Q，無野好講。

半場換人我其實都明要加強中場攔截，因為davies無截擊力，但上半場最強攻擊係晒米拉連儂度，換走晒2個係咪好呢？我保留意見。反而應該換走有牌的davies，佢無截擊力又有牌，反而應該換走佢換入Beni，另外米拉體力差係咪下半場都要換走，咁早d換走佢，然後換入 niasse，我覺得連儂重有氣有力，起碼唔使變返佔中無翼陣。至於施古臣係對位換，表現點樣我唔講，至少都係合理，朗尼體力都差唔多。下半場看似攻勢和起腳射門多左，最少比上半多，但其實係人地隊波贏2粒收縮防線，而且下半的射門論威脅力近乎零。

安斯禾夫呢場應該係老闆個度失分唔少，暫時覺得佢經驗少無法令人有信心，我相信佢到月中都重穩陣，但如無變化，月中可能換帥，但如無改善情況，我諗唔到重有邊個肯來，般尼也好，屈福特也好，佢地的領隊都無可能呢個時間過來，仍然覺得可能得返老莫和大sam可以選擇。

nsno · 發表於 2017-10-30 11:08:35

James_Beatkit 發表於 2017-10-30 10:32
雖然輸波
但我會比多幾場安斯去證明係咪啱我地
開波陣容起碼我諗係依家隊入面暫時最好進攻既陣式

其實半場嗰陣點解唔試下留米拉同DCL做雙箭頭？
佢今場好好表現

James_Beatkit · 發表於 2017-10-30 10:51:45

barker 發表於 2017-10-30 10:46
今日英國報章話般尼戴治好有可能過嚟

護級定咩先?
護級就搵有經驗既DM/大Sam
但就算係依家隊波都好難搞
唔係既我睇唔到戴治黎到會有幾大變化
所以寧願比藍血帶踢幾場士氣波搏拎分好過

barker · 發表於 2017-10-30 10:46:15

James_Beatkit 發表於 2017-10-30 10:32
雖然輸波
但我會比多幾場安斯去證明係咪啱我地
開波陣容起碼我諗係依家隊入面暫時最好進攻既陣式

今日英國報章話般尼戴治好有可能過嚟

James_Beatkit · 發表於 2017-10-30 10:32:11

雖然輸波
但我會比多幾場安斯去證明係咪啱我地
開波陣容起碼我諗係依家隊入面暫時最好進攻既陣式
就係簡單打兩邊比DCL頂
不過對面兩個中堅咁大舊其實怪唔得哂佢
輸個球係輸Davies經驗
我知未失波前已經比人攃住
但你地要知除左一對中堅外
防中右閘已經出算最有速度既人腳
我地自己後防本身都有唔少問題要解決
雖然你話下半場咁抽起兩翼奇怪
但Davies有牌加上睇到半場防守能力唔夠時你點都要抽前邊加返個中場
呢樣我理解喎
加埋Niasse直情係想用U23個班默契自己去組織
因為上半場你見連濃同Kenny好似唔識咁
我自己覺得咁換都係合理
兩場波要執半季/開季十幾場積落既問題你地當安斯係神仙咩
呢兩場雖然輸波
但我開始睇返個份鬥心同拼搏先
RK呢季半你有幾可見到4-5個球員一齊迫返隊友失既波?
黎緊5場我會覺得係Rhino考牌戰
睇完尋晚呢場我估唔會有太大突破可以連贏幾場
但如果可以打返正常既對佢將來如果想真係坐正有唔少幫助

Forever_Fan · 發表於 2017-10-30 08:43:55

Fuko~ 發表於 2017-10-30 08:15
一開波捱唔到對面個迫搶，俾人拎著節奏打。
結果唔夠人快之下就失左第一球。又呢一球明明死球，但居然佈防 ...

開波人地已經差少少入2粒，係人地把握力差才入唔到。首先後防空位太多，而且整個陣推得太高，李城本來就係打防反有名，你重將個後防推到上中線咁濟，明明有翼，閘位就好似打wing咁推到上前場，呢d乜鬼道理? 人地一反擊，返都返唔切搞到後邊空位太多，唔輸就奇。

Fuko~ · 發表於 2017-10-30 08:15:56

一開波捱唔到對面個迫搶，俾人拎著節奏打。
結果唔夠人快之下就失左第一球。又呢一球明明死球，但居然佈防同意識都禁差。
Davies仔個下狠d踢低佢仲好。
之後拎番節奏，大家都好打d，見後防單對單都食得著人地快攻。
係太快換走一對翼je...不過，個下點都要換個人入黎同人搶中場先得。
又肥仔雖然有一兩次key pass, 但上半場成日迫甩，打左20分鐘先上力，太慢啦。

Forever_Fan · 發表於 2017-10-30 08:03:22

tongtong 發表於 2017-10-30 03:56
其實"你輸十成"依家打個套快速簡單直接戰術, 老莫時代我地都用過, 收死唔少強隊, 有一種似曾相識的感覺, 估 ...

老莫以前好多時都係用李城呢種穩守突擊，反擊時兩三腳就入波呢種模式。

Forever_Fan · 發表於 2017-10-30 08:01:29

安斯禾夫今場進退失據，我都話佢未夠經驗，佢做副領隊先學下野係較好。

咁的形勢，降班真係不是夢，杜曹肯定唔會過來執手尾護級，其他教得好好地的都肯定挖唔郁，big name 領隊更是發下夢就算。

現時一係就搵老莫，一係就搵護級專家大sam

		自動登錄	找回密碼
密碼			立即註冊