我未聽過 OG 會有越位
我相信大部份球迷都同意今場波愛華頓比英超賽會強搶左2分！
當然.....領先一球真係100 次有99 次都唔係機會黎，咁樣領先真係始料不及。
OK....可惜跟手DCL 單刀篤射....當然呢下係迪基亞救得靚....但如果DCL O係推呢下處理單刀時可以乾淨D.......例如推橫D 等自己射門角度可以大D ....同射時能夠再冷靜D.....咁成個戰局會唔同晒。
失果球....由碧福特開龍門球....到交波去右路...到比甩....根本係不斷犯錯.....
成個開局....禾確特的作用係最細.....可能安帥原意係想借禾確特速度....拉走梳爾......等我地右路防守壓力少D 之餘....仲可以借機反擊.....可惜係禾確特全程入唔到右路.....加上高文太早傷.....成個部署唔同晒.....
上半場被追平後果廿分鐘基本上成個中場係被對方壓住.....
下半場調整後中場中路高美斯開始掌控返....加上同湯戴維斯叫做一柔一較剛.....而且現身較靈活；中場叫交到功課.....可惜施格臣罰球又中柱....多次角球又無功而回。
再講個VAR 點唔公義都已經無乜用....反而綜合幾個優劣點去睇下點改善好過︰
1) 要改善死球戰術 ----- 後防一唔出MIRA.....基本上所角球都頂輸！下半場我地有好多角球機會....當然有D 波拜恩斯同施格臣唔算斬得好靚....但都有三幾個餐士.....可惜基本上全部唔夠人頂！變相有幾下堅尼同賀基治開上黎比曼聯幾下反擊....如果唔係薜迪比出腳夠硬同拜恩斯回防夠快.....已經衰左。
2) 右路的叠瓦進攻欠奉......在我看來...即使高文唔傷....隊波右路都係缺乏進攻範數.....好多時右閘球員只係將個波向前方踢.....究竟有咩球員接應好多時都係唔理O既.....
3) 賓拿特後備出場有5分鐘完全遊魂。後備入黎後有一輪見賓納特完全唔追波....完全唔協防....得個企字.....唔知想點。12萬鎊周薪.....我期望佢即使後備都應該要投入.....一落場就要交貨！
4) DCL 有幾下突破完全唔比波李察利臣！至少見2次DCL 左路明明可以選擇比波....但佢最終都係選擇撥個波去左腳窄位夾硬射！
5) 湯戴維斯中路比波永遠係優先要比DCL！我睇左有2-3 球都係呢個套路.....湯戴維斯O係可供選擇情況下往往係選擇比波比即使位置完全唔好的DCL！我明白佢地係英格蘭年青人FRIEND 底.....但球場上唔應該係咁。
6) 拜恩斯上半場有一段時間我感覺係真係老了....上前助攻出唔到波.....防守時又閘唔到沙卡D 出波......點知下半場拜恩斯又返返黎.....頻頻殺到對方底線出波..！:) 真係堅！
Fuko~ 發表於 2020-3-2 00:34
隻鴨應該下多D苦工係射術度...佢今季最大進步係走位同利用身體條件個度好左。
當然某程度多得雙箭頭戰術 ...
其實佢身體質素好好, 高大之餘, 又夠快
有埋射術真係不得了