愛華頓轉會討論區 2018-2019球季

Everton2018

其實選帥最重要的一環就是可以谷得起隊波谷得起班球員有heart,仲要班人肯聽你支笛落場比賽時肯幫你賣命去到盡爭勝，如果你做唔到呢點就算比C朗美斯你都無用。

好似韋斯咸班友季初踢13場得9分仲要俾人大炒，班球員個個踢到成pat屎無组織無隊型毫無章法一盤散沙，個個行行企企無心戀戰死蛇懶蟮唔願走位，之後炒咗比歷由椰子接手，成隊波漸漸脱胎換骨，佢都唔知點樣可以係咁短時間可以激起班友的鬥志肯為佢拼博直情唔錫身連飲奶力都出埋砌到盡果種爭勝决心。

踢波真是打度氣，士氣波都是臨場勝負關鍵，希望日後的領隊都可以令到班球員比賽有激情有血性，如果無咗呢個爭勝的原動力球員就無咗比賽的目的和意義,球員唔會投入比賽。

Everton2018

Forever_Fan 發表於 2018-5-15 23:16
激起球員血性係我對老莫最欣賞的地方

猁記咪一個好例子, 高普可以帶到佢對足球果份激情和熱誠感染佢班球員,班球員自然積極進取,唔會學我地班球員患得患失,經常將皮球傳後,毫無進取心,久而久之就會學今季踢得亳無自信,教練都俾唔到信心班球員,佢地點會有好表現。

椰子時代我地班球員個個都好有自信有passion,球隊上上下下好齊心個個目標一致好清晰求勝,每人都肯不怕蝕底好勤力多走一步為勝利而去付出, 唔會踢到患得患失成日將個皮球回後不思進取。

呢幾年球隊成績停滯不前就是因為我哋班球員缺乏咗比賽果份激情和血性，無咗比賽爭勝鬥心，唔夠熱誠唔夠投入，上下唔夠齊心。

Everton2018

據聞屈福特今次企到好硬兼獅子開大口少個崩都唔肯算數, 仲話如果傾唔掂數會告上英足總和法庭申請禁制令, 今次伊朗佬好頭痛諗唔到屈福特咁麻煩!

Everton2018

Forever_Fan 發表於 2018-5-23 17:15
咪又係半斤八兩，連韋斯咸都請一線領隊，我地仲係度迷戀二線領隊

呢樣你又唔駛擔心,最後萬一出現什麼意外的話咪揾雲尼亞里雲高爾什至椰子呢班仍未有班落的經驗領隊頂住半季先!

Everton2018

其實韋斯咸真是走寶，試問當今有邊一個領隊可以由排尾二踢咗13場得9分最後四十幾分埋單，最惨傷兵滿營條仆街老细孤寒到死唔肯俾錢買人，攪到椰子嗌唒救命要在預備組揾d牛奶仔頂檔客串，當時情勢危急仲要未對強隊，難度有幾高可想而知。大家都記得椰子第一場接手俾我哋主場大炒4:0，椰子可以在咁短時間重整旗鼓，慢慢執番正隊波由一盤散沙士氣低落的魚腩變成之後一支可以同強隊一較高下的韋斯咸，搖身一變成為一支攻守兼備的球隊，最後可以反勝我哋3:1，大家有眼睇佢地隊波就算出後備副選同你踢都好有組織有隊型，球員唔會怯場好有默契，一d都唔"失禮"。

唔好話david silva呀，我夠膽講句就算你請摩連奴來都未必做得到，正如西咸英人隊長Noble最近公開讚揚椰子改變咗球員的心態，球隊成績低落時球員落場比賽踢到患得患失，缺乏自信。係椰子幫每一個球員重拾信心。

Everton2018

Fuko~ 發表於 2018-7-29 12:36
唔係話幫施華搵藉口，呢對中堅仲打進攻足球一定收皮。
縮後打同上季大sam差不多... ...

如果個領隊需要我地一個普通球迷幫佢搵藉口, 呢個領隊的條子真是好打有限!

Everton2018

講真, 好多領隊如果有留意開愛隊, 都應該知道中堅和中路中"中門大開"呢個問題上季一直困擾愛隊, 我相信施華未上任前應該好清楚呢個是一個嚴重問題需要解決, 但現在距離開季的日子越來越近, 點解唔一早買人填補呢個位, 俾"新球員"有足夠時間"磨合", 唔通新舊球員唔駛"時間夾"訓練"默契"就可以即刻上場比賽, 施華點解咁"後知後覺"遲遲還未出手解決米高堅尼舒拉呢個問題, 難道要係度"等運到"等到轉會窗臨關閉前最後一刻先至買人呀! 到時有咩閃失開季成績未如理想"擁施迷"又有藉口話新球員"未有足夠時間溶入球隊"未有足夠時間適應呀這些藉口幫新領隊辯護, 你睇吓人地柏歷堅尼一到步不久就"大刀濶斧"買人清走"瘀血", 邊度學施華做嘢慢半拍!

Everton2018

舒拉我由曼聯一路睇開佢踢波, 睇住佢越來越越"廢", 經常被香港曼迷在討論區駡到佢"體無完膚"批評佢懶過"狗西"和錯漏百出成日派膠, 曼聯有幾場重要賽事輸波都係因為佢"出事", 當佢被賣到愛華頓, 好多曼迷都"拍掌叫好", 送走佢呢個"瘟神", , 估唔到我地咁蠢會"高價"賣佢, 好多曼迷當時都忠告小心拖肥俾佢累死, 點知佢來到愛隊比在曼聯時仲 HEA 上加 HEA, 點解仲要俾佢"出埸"呢個先至係"重點"! 點解一定要出人佢呀,我估到今時今日仍然受到"重用", 我地今季成績真是不敢想像!

我地上季有幾多場波是因為威廉斯,米高堅尼和舒拉而輸波, 我諗大家都心裡有數, 我唔多講啦!

另外一個想講的中場球員SANDRO, 最近熱身賽見到佢的表現真是"唔開胃", 吓吓都要回傳後, 大佬依家踢熱身賽咋, 你駛唔駛驚輸驚得咁緊要呀, 到下個月真正埋牙正式比賽點算好呀, 咁無信心踢到"患得患失", 點敢派你正選"擔大旗"呀, 新領隊是否應該要做番D嘢點樣 "撥亂反正", 唔好再俾陣中有球員好似SANDRO咁樣成日踢埋D咁消極的悶蛋足球戰術, 如果係咁樣同上季大SAM教果陣有咩分別呀!