作客李斯特城

Forever_Fan

Fuko~ 發表於 2017-10-30 01:37
佢似係想打鳩斬戰術多d，於是就放棄對翼，加強中場防守，落多個前鋒係前面博一博就真。
結果我地令李城下 ...

9斬咪簡單直接，係球員無默契的情形下咪應該玩呢d簡單打法

Forever_Fan

唉，訓啦，睇到心，今季都唔知點收科

Forever_Fan

安斯禾夫今場進退失據，我都話佢未夠經驗，佢做副領隊先學下野係較好。

咁的形勢，降班真係不是夢，杜曹肯定唔會過來執手尾護級，其他教得好好地的都肯定挖唔郁，big name 領隊更是發下夢就算。

現時一係就搵老莫，一係就搵護級專家大sam

Forever_Fan

tongtong 發表於 2017-10-30 03:56
其實"你輸十成"依家打個套快速簡單直接戰術, 老莫時代我地都用過, 收死唔少強隊, 有一種似曾相識的感覺, 估 ...

老莫以前好多時都係用李城呢種穩守突擊，反擊時兩三腳就入波呢種模式。

Forever_Fan

Fuko~ 發表於 2017-10-30 08:15
一開波捱唔到對面個迫搶，俾人拎著節奏打。
結果唔夠人快之下就失左第一球。又呢一球明明死球，但居然佈防 ...

開波人地已經差少少入2粒，係人地把握力差才入唔到。首先後防空位太多，而且整個陣推得太高，李城本來就係打防反有名，你重將個後防推到上中線咁濟，明明有翼，閘位就好似打wing咁推到上前場，呢d乜鬼道理? 人地一反擊，返都返唔切搞到後邊空位太多，唔輸就奇。

Forever_Fan

James_Beatkit 發表於 2017-10-30 10:32
雖然輸波
但我會比多幾場安斯去證明係咪啱我地
開波陣容起碼我諗係依家隊入面暫時最好進攻既陣式

暫時我覺得有部份係無錯，但有部份又有問題。

首先，鬥心係好左，睇得出班球員想贏，正選陣容都算正路，唯一係威廉斯我會用 holgate 都唔定，米拉換lookman，因為剛打完車仔，部份體力差的球員可以輪休。輪換可以多返少少，不過唔換都唔叫致命。

開場其實都被人壓住打，呢樣都唔致命，但後邊好散，太多空位，連續2球都差d被人入，開場無耐咋，我已心知不妙。但成條防線都壓得好上，兩閘當 wing 咁打，壓到上前場，米拉成日走去中間，左邊得返 baines，重要走上走落，davies 係中間攔截力好差，有好幾球就係打反擊追唔切波搞到後邊唔夠人差d被人入，第一球其實都係咁輸，人地由反擊到入波只係3腳波，後邊簡直就係無掩雞籠，空位多到呢....第二球own goal 明顯係 kenny 躂Q，無野好講。

半場換人我其實都明要加強中場攔截，因為davies無截擊力，但上半場最強攻擊係晒米拉連儂度，換走晒2個係咪好呢？我保留意見。反而應該換走有牌的davies，佢無截擊力又有牌，反而應該換走佢換入Beni，另外米拉體力差係咪下半場都要換走，咁早d換走佢，然後換入 niasse，我覺得連儂重有氣有力，起碼唔使變返佔中無翼陣。至於施古臣係對位換，表現點樣我唔講，至少都係合理，朗尼體力都差唔多。下半場看似攻勢和起腳射門多左，最少比上半多，但其實係人地隊波贏2粒收縮防線，而且下半的射門論威脅力近乎零。

安斯禾夫呢場應該係老闆個度失分唔少，暫時覺得佢經驗少無法令人有信心，我相信佢到月中都重穩陣，但如無變化，月中可能換帥，但如無改善情況，我諗唔到重有邊個肯來，般尼也好，屈福特也好，佢地的領隊都無可能呢個時間過來，仍然覺得可能得返老莫和大sam可以選擇。

Forever_Fan

今場人地明顯防反強，我地又唔係中前場可以襟住人來揍個種陣容，我覺得應該防反對方反，收縮防線，出攔截力高的中場工兵，同李城爭中場打陣地戰，而唔係我地咁玩高位壓逼，但後邊漏晒風，兩閘就推前推到打 wing 咁，人地一反擊快攻回都回唔切，總結來講我覺得呢場輸係戰術錯誤多於陣容錯誤。

Forever_Fan

我唔認為挖角silva或戴治會肯來，過來風險大到離晒譜，降左班棧做臭自己個朵，季尾過來就唔奇(如果我地重係英超)，但唔認為季中佢地會過來。

Forever_Fan

evertonarteta10 發表於 2017-10-30 15:27
呢D小道就冇謂講啦.  搵得安斯做看守即係老細對佢有一定程度信任, 到底安斯能否坐正都要睇佢有幾多本事.
...

如果重係贏唔到，我覺得安斯禾夫個代領隊坐唔到11月尾

Forever_Fan

Joey Barton has warned Everton not to appoint David Unsworth as permanent manager. "Not Unsworth. Will get relegated for 1st time in history if they do."

The two straight losses has taken the air out of the support Unsworth was getting for him to take over permanently.

The Toffees are in a dire run of form and sit in the relegation zone after 10 games, with just two wins, and are bottom of their Europa League group.

再輸多兩場，估計愛迷叫安斯禾夫接任的呼聲就會消失