Europa League VS Atalanta (away)

Forever_Fan

witzz 發表於 2017-9-15 14:05
如果老莫番黎,我寜願放手一搏俾安斯教,起碼佢熟識我地班青訓

真係賭一舖咋播，唔掂降班都似，最穩陣都係搵個有經驗的教練，搵安斯禾夫上副領隊學野，過幾年先放比佢，佢從未教過1隊，真係大把野學架喎，依家聯賽已經排16位，佢如果教唔掂拖多幾個月，真係搵大sam返來護級都太遲，真係唔好搏丫，我唔想下年英冠見丫。

Forever_Fan

evertonarteta10 發表於 2017-9-15 14:43
唔奇, 而家炒RK係得杜曹FREE AGENT係諗得過, 你要FAVRE起碼要完季.  一係而家換杜曹, 一係RK教完今季換人 ...

杜曹係另一個RK的翻版，當年佢衰到被人炒有幾方面，首先係佢買好多水貨返來，即係買人無眼光啦，第二排陣差，又係成日排埋d 9陣，後來又鐘意玩3後衛輸到貼地，跟住最後全隊對佢失晒信心反鬼佢，而且杜曹又係硬頸性格，唔聽人意見，完全係第二個朗奴高文，搵佢愛隊唔會有改變。

Forever_Fan

James_Beatkit 發表於 2017-9-15 14:57
我會寧願搏少帥
一係就Rhino教半季季尾再搵
一係就出去搵杜曹，奇連士文呢D待業領隊中途上馬 ...

安斯禾夫我已經講過唔講啦，但唔係講笑，搵佢好冒險，佢教唔掂大sam都救唔到我地，一降班愛華頓成隊波肯定星散，要返回英超唔知要甚麼時候，風險太大搏唔過。

奇連士文基本只教國家隊，德國美國，球會經歷只有拜仁一間，執教班霸未夠一季成績就已經慘不忍睹，最後中途被炒，你真係有信心？

Forever_Fan

James_Beatkit 發表於 2017-9-15 15:19
正如我之前所講依家隊波最需要士氣
Rhino係冇一隊經驗但U23好出色而且又紅褲子出身
隊入面應該冇人唔服佢 ...

係咪會服安斯禾夫就好難講，你話愛華頓的老臣子和青訓就話姐，現時成隊球員新簇簇，佢當年又唔係打d乜野大球會，又唔係世界知名球員，呢班8國聯軍識佢係老幾咩？我係驚安斯禾夫唔能夠係短時間贏得勝利的話，就佢的履歷受到的質疑會比任何一個領隊大，班球員對佢會更無信心。

Forever_Fan

James_Beatkit 發表於 2017-9-15 19:52
但佢始終都踢過我地
球迷會易接受
加上如果你想青訓有機會

炒得RK，估計都護緊級，嗰陣首要目標係留係英超，球迷接唔接受同係咪比青訓機會反而係次要，一切都要為護級讓路。正賽同U23始終係2個世界的事，加上我唔認為班8國聯軍會信服安斯禾夫，佢毫無履歷可言，全隊都係新買返來的球員，來自五湖四海，青訓亦都借Q哂出去啦，愛隊名宿的名頭對呢班友根本無任何說服力，佢地打波時安斯禾夫都退左役，國際上佢又毫無名氣，我唸佢地來愛隊前都唔識邊個叫安斯禾夫，唸唔到佢地會支持佢做教頭而毫無懷疑，只要頭一兩場一有閃失，話唔定即時失信心唔聽佢支笛添，咁就真係降班可期。

Forever_Fan

nsno 發表於 2017-9-15 18:39
我唔覺得今季打弱隊有上季咁穩定

我睇唔到隊波係有form咁踢，今季真係唔覺會好似上季咁穩定，隊波有炒馬仔之前的feel，打邊隊都無神無氣，好似想送領隊一程咁款的樣子。

Forever_Fan

tongtong 發表於 2017-9-16 05:44
其實好多人都話莫耶斯離開愛華頓之後, 帶曼聯成績差, 俾人炒咗, 帶皇蘇又俾人炒咗, 連去到新特蘭又唔掂, 都 ...

我好同意你講，成隊曼聯係費格遜時雖然羅到冠軍，但已經公認走緊下坡，老莫去曼聯時，買人諸多不順，佢唔係衰無料，係衰在季前唔夠狠，唔清走部份明玩野的球員，佢真係非戰之罪。

新特蘭我一早話佢唔應該接手，差唔多開季先接手，接手後傳聞話接手前應承的資金唔到位，無錢補強，只能係愛華頓要一些我地唔要的平球員，好似派拿，奧維度咁，全隊唔係老就係靚仔，比摩連奴都護唔到級啦，都係非戰之罪丫。

Forever_Fan

evertonian95 發表於 2017-9-16 10:20
同意
莫師11年内擺三次最佳manager, 唔係浪得虚名
其實, 佢依家去咗边?

佢依家良地，可以即時上任

Forever_Fan

Fuko~ 發表於 2017-9-16 11:52
我唔逐點反駁你啦...歸納一次過講:
除左曼聯有D冤枉，我直情覺得係班球迷同球員期望太高先導致佢俾人炒， ...

其實"最後一點，以莫耶斯的戰術需要一個高大前鋒一個人係前面做突破自己做機會，禁多年亦冇一個前鋒可以交多一年功課。"呢點唔可以完全怪老莫，你要知無論攻中和前鋒都係好貴的，當年老莫好多時係0轉會費，要靠賣球員的錢來買人，重要個筆錢唔係淨係用來買前鋒架，佢能夠用咁少的錢，買到唔少平價的前鋒頂到咁多年，係老莫時期我們都叫歐洲賽常客，我真係想講一句："重想佢點呢...."

Forever_Fan

Fuko~ 發表於 2017-9-16 12:18
你唔係讚老莫青訓好咩? 我又想問下點解佢禁多年青訓都冇辦法培育到呢一種前鋒呢?
有樣野叫有得必有失，老 ...

其實老莫當時球會莫財，投係青訓的錢又有幾多? 偶然才出一兩個較好的青訓，係馬仔來的時候財政改善，球會才係青訓系統投更多的錢，老莫時代跑得出幾多個青訓? 最叻咪朗尼，其他呢？難道rodwell? gosling? 定係禾根? 錢唔係萬能，但無錢萬萬不能，我真係覺得當年無老莫，我們嗰十一年裡面會降班的機會好大，比好多下游球會重要衰，我地好多時係0轉會費，要靠賣球員維持，係老莫先可以用咁少錢，不單留到係英超無降班，重成為歐洲賽常客，利用佢自己的眼光，不單不需費球會資金，有時重可以低買高賣球員反哺球會的財政。老莫絕對值得再多一個機會。