2017-2018球季 英超#3 作客對車路士 (27/8/2017 8：30 pm)

Forever_Fan

James_Beatkit 發表於 2017-8-28 00:07
人地高普個理念清晰再針對買人
你睇RK條友就知邊D係A級邊D係B級領隊

一早就話優秀的領隊唔係要球員就你個陣式，靠換哂所有球員去遷就你的理念，一個好的領隊就係係舊人的基礎上針對位置補強，觀察所有球員的能力去設計陣式打法，而唔係RK呢種粗暴地換哂全隊，從未見過這種領隊會得到成功。

Forever_Fan

爆炸拖肥糖 發表於 2017-8-27 23:31
完全盲撑，
無話可說，
早抖

英國好多愛迷重係盲撐RK，一個二個洗哂腦咁，重話輸波都唔緊要，又話米拉態度有問題，要同RK道歉，米拉走都無問題，話佢係球隊都唔係打得好，個個都傻的，究竟佢地知唔知RK個排陣用人都有問題? 最後用返4後衛出返翼之後打得好左好多，究竟知唔知係咁多隻翼來講米拉打得最好，難道旨意DCL，Lookman和施古臣打翼? 英國的愛迷全部盲的。

Forever_Fan

echo player rating

Jordan Pickford 7，Phil Jagielka 6，Ashley Williams 6，Michael Keane 6，Mason Holgate 5，Idrissa Gueye 5，Tom Davies 5，Gylfi Sigurdsson 5，Leighton Baines 6，Wayne Rooney 5，Sandro Ramirez 5，Mo Besic (for Davies 46) 6，Dominic Calvert-Lewin (for Sandro 62) 7

整體評分都客觀，gana 可以有6分的，今季我覺得卡拉臣係水貨，sandro 出咁多場夢遊咁多場，有少少水貨feel，幸好佢唔貴同埋年輕。

我覺得出施古臣和朗尼本身問題唔大，我地缺速度和兩翼才是問題，這在季初熱身賽都已經好明顯，但RK無針對這點去簽入高速的前鋒和兩翼本身就好有問題，而且還要高價求購毫無速度的施古臣。我地的閘位球員本來就唔係頂級，要求佢地踢晒成條邊線本身就唔係佢地善長的位置，也無咁的體力。因此打兩翼反而係最理想的，有2隻快翼配合施古臣的傳球，朗尼的走位，前線即刻可以生晒，但RK完全唔理快翼的重要，死攬住3後衛，打後衛請問條老人防線點支撐打3後衛，腳法唔得，隊長和williams年紀大，體力較差和轉身較慢，兩閘打唔到翼衛，昨晚車仔對翼衛打到我地2邊幾輕鬆，練波咁蹉死成隊愛隊。兩邊被人爆，我地兩邊唔敢推前，等同廢左3後衛的重心，得返中間，但中間大家唔慣打3後衛，空位多到離晒譜，頭10分鐘的表現已足夠知道後面80分鐘的結果，最慘今季已經唔係未試過用3後衛打得差但都死硬頸想證明自己無錯。

明知baines無替補，未買到人同我借走埋打開左閘的galloway，買馬天拿都唔買一個打到左右閘的球員，明知中場無速度，用dowell 頂攻中然後羅施古臣筆錢買快翼和中鋒好過啦，又借埋有少少速度的dowell 走，佢係森林打到風山水起。熱刺同我地一樣，上場對車仔用3中堅，又係無翼衛，比人爆到無朋友，乜RK你認為我地對閘勁過熱刺好多咩？般尼已經話比你聽點樣對車仔最好，你唔跟要同人鬥用同一陣式，乜你認為同一陣式以我地人腳勁得過車仔？打小組我地唔掂，打高q大棍前邊有人羅到波咩？打防反你跟老莫學返2年點打防反啦，老莫以前打防反起碼行雲流水，幾腳波就到人地禁區，當時 top fit 的米拉和派拿，甚至借將當奴雲，係兩邊快到爆，無快翼點快攻丫？中間當年爆炸，阿迪達，要分波有分波，要攔截有攔截，當年係因為無錢無買一個好的攻中，只能靠奧士文造下波。前邊當年卡希爾，積拉域，賴史密夫，全部速度快，走位靈活，卡希爾係前邊身型贏晒，頂贏幾多後防球員？講買人用人，RK你未夠班丫。

重有RK點解巴克里唔妥你，巴利又要走，米拉又鬧交，處理niasse又咁差，又賣走晒d舊人，處理奧士希拔單野雖然你有責任，董事會都有責任，但RK你有無諗過自己係有問題？我肯定你會步馬仔後塵失去更衣室的支持。係輪換上又做得差，niasse寧願叫佢25號打足全場u23都唔肯係歐霸輪換朗尼，你唔能善用所有球員，你已經唔適合做一個領隊。

董事會最理想就係截停資金買人，然後呢半季暗地搵新領隊，季中炒左RK，新領隊同時上任，再比錢新領隊執下隊波個form，RK就算比c朗美斯你都唔識用，就無謂係度浪費我地難得的資金啦。

Forever_Fan

Arteta 發表於 2017-8-28 11:15
中鋒都要買，要hold 到波有身位的最重要，除了DCL 暫時沒有其他人可勝任

有速度的中鋒可以買，但唔好同我賣走巴克里和米拉拿斯，季中如果有新領隊，希望可以勸服巴克里留隊。

Forever_Fan

Arteta 發表於 2017-8-28 14:23
回想上季，lukaku, 巴克利，米拉，迪路，甚至華西，加埋保拿斯..Lennon, 每一個都速度腳法兼備..今季不進反 ...

RK 自己羅來的，上季有速度的翼好似迪路米拉連儂都已經全部放棄，上季屈機靠前邊盧卡古和巴克里，今季盧卡古走我唔入佢數，想走都唔係第一天，巴克里肯定唔妥RK，今季咁多時間又唔買快翼和有爆發力的中鋒，買埋d全部無速度的球員，自找麻煩。

Forever_Fan

愛華戰士 發表於 2017-8-28 15:02
睇落其實幾無奈
你地睇下韋斯咸千零萬鎊執到小豆 ( 佢已入兩球), 曉士又買到前皇馬青訓謝斯洛迪古斯 ( 佢上 ...

摩連奴對球隊的觀察睇得好透，基於原本的陣容，所有買人都有針對性，每季都係買3個人左右，補強特定位置，唔會話換晒全隊就萬事大吉，換晒全隊等於好？廢話，從未聽過一季變動咁大的球隊有好結果，前面已經有熱刺和利物浦做辦你睇，但RK唔會係前人經驗吸取教訓，今季高普都曾經講過，買得人多係無用的，上場都係得11個球員。

我地缺速度和兩翼才是問題，我地的閘位球員本來就唔係頂級，要求佢地踢晒成條邊線本身就唔係佢地善長的位置，也無咁的體力。因此打兩翼反而係最理想的，有2隻快翼配合施古臣的傳球，朗尼的走位，加埋DCL打正前的活力，前線即刻可以生晒。甚至打4-5-1我覺得效果都唔會差，但一定要有快翼和有爆發力的中鋒。

明知baines無替補，未買到人就借走埋打開左閘的galloway，明知中場無速度，用dowell 頂攻中然後羅施古臣筆錢買快翼和中鋒好過啦，又借走埋有少少速度的dowell 。今季william 跌watt跌得好勁，如果browning無借走應該比威廉斯表現更好，我睇過佢係新特蘭的表現，比galloway穩健，galloway其實重係有d企位唔靚和失大意波，但呢d野係需要經驗羅返來，以守衛來講galloway都係太年輕，反而我睇好Browning。卡拉臣應該係水貨，sandro水水地都好，佢平價簽返來，又後生，應該有賺。係卡拉臣應該會蝕，賣走佢可能只能收返15m，但蝕極有限的。

Forever_Fan

nsno 發表於 2017-8-28 15:34
你呢套打法好正路，我相信俾Unsworth接手都會打呢套（好似馬仔被炒之後嗰場咁，反擊快，重側擊，分工簡單 ...

其實老莫咪又係打呢套，簡單易明