本帖最後由 evertonarteta10 於 2017-8-22 10:33 編輯
我覺得換雙臣入黎係想係有波在腳個陣增加番控球權黎減低曼城既進攻次數, 而如果換米拉LOOKMAN入黎可以增加速度.
好, 係未換人之前2個選擇下佢揀雙臣, 結果狀態問題下雙臣打得差影響戰果. 不過, 當懷疑點解唔換米拉LOOKMAN既時候, 其實可以考慮番換佢2個入去到底起到咩作用呢? 佢2個都係斷波多, 而打反擊曼城亦都唔會比到反擊機會愛華頓, 而且中間係基爺同舒拉更加製造唔到反擊機會, 結果其實可能一樣, 都係打少2個, 更加會加重減少控球能力. 當然亦都可以批評既係雙臣是但入一個, 米拉LOOKMAN是但一個, 咁可能係最好既選擇.
然而致命傷並唔在於到底雙臣定米拉LOOKMAN, 而係後備中鋒. 有個有氣有力既中鋒換走肥仔DCL其中一個, 就可以牽制曼城後防, 可以直接改打長波比佢停配合快翼打反擊, 唔係次次成功5次成功3次我諗光頭佬都會頭痕點守又點追番粒. 甚至停波, 回後, 搓佢幾分鐘, 搞下界外球, 博下角球, 有排玩.
從3中堅改打雙中堅目的好明顯就係要搶番個中場, 減少BACK 4壓力, 而且如果繼續以3中堅打到完場, 體力速度大幅下降既情況可能會係JAGS或者WILLIAMS, 到時可能係反勝為敗都唔奇. 以手頭上人腳, RK應該盤算到盡哂. 都係果句, 係有地方可以批評既.
然而曼城可以話係全歐最強5隊之一, 英超控球力NUMBER 1. 上半場偷襲成功領先, 下半場體力不繼加上HOLGATE咁誇張既低級錯誤(出牛奶就係咁, 嚴重個人犯錯), 人腳板凳深度未完全足夠, 班波明顯同爭冠隊的確差幾條街, 作客曼城拎一分其實收貨, 失2分的確可惜. |
發表於 2017-8-22 09:51:09
