愛華頓轉會討論區 2016-2017球季

Forever_Fan

barker 發表於 2017-6-18 22:27
18M 英磅 , 他係以前奇雲金寶個種中鋒 ?

奇雲金寶根本就係前鋒啦，唔算係中鋒，最重要係佢根本就唔係好會助攻，職業生涯助攻數極少，現時傳的所有前鋒球員都有一個共同點，無論佢打前鋒，定係翼，助攻數都非常重要，明顯 RK 要打造前面所有球員都能策動進攻，無論上季買保拿斯，今季的卡拉臣，上季爭輸去左阿仙奴的前鋒Lucas Pérez，現時傳的施古臣，Jorgensen，Sandro Ramirez 全部都係助攻數唔少。

Forever_Fan

愛華頓於上周四從阿積士簽入中場卡拉臣（Davy Klaassen），據報轉會費達2350萬鎊。這位荷蘭國腳中場揚言自己會為球隊射入很多入球。「我愛入波及製造入球機會，我平生攻入很多入球，所以我預計在這兒亦是一樣。」 這位24歲，迄今為阿積士上陣163場入49球的名將，未必信口雌黃，因為他的入球紀錄不俗。2015/16年球季，他攻入13球及貢獻8次助攻，及至2016/17年球季，他攻入14球及貢獻9個助攻。 剛過去的球季，他協助阿積士得到荷甲亞軍鎖定歐聯參賽資格外，同時殺入歐霸盃決賽，無奈最終被曼聯所敗。

希望如佢所言

Forever_Fan

barker 發表於 2017-6-18 23:05
BIG DUNC

我真係懷疑你有無睇過Big Dunc 時期的愛華頓，佢的助攻數更少，要知道以前愛華頓的前鋒根本就係衝撞型前鋒，純粹入波的球員，因為通常前邊都係得1個人單天保至尊得一個前鋒係前邊，就算識傳球都無用，因為通常無人幫佢，所以搵返來而又成功的都係純粹的射手，助攻呢d技術野，愛隊以前的前鋒邊識呢樣野丫......更何況識都無用......

Forever_Fan

Barcelona have decided to trigger the buy-back clause on Everton winger Gerard Deulofeu. Reliable Times correspondent Paul Joyce tweeted this evening.

Deulofeu had spoken recently about his intent on staying at Milan and continuing to get the playing minutes that he was unlikely to receive at Everton. However, it is unclear if Barca consulted with the player before deciding to activate the buyback clause which expires on June 30th.

巴塞開啟回購條款，10.5m，巴塞都好屈機姐，次次賣球員加條咁的條款，等人地幫你練兵，打得好加多少少錢就可以買返來，當然前題係球會唔可以阻止回購條款，但如果球員唔肯返去，回購條款其實應該無強制球員返去母會的權力，有錯請指正。

Forever_Fan

愛華寶寶 發表於 2017-6-18 19:26
呢個好野泥，但應該好多大球會爭

20歲仔，上季29場蘇超，入17球，助攻8球，數據靚仔，絕對拍得住積拉域來我地愛隊之前個季的數據當年積拉域打23場蘇超已經入16球，助攻7球，數據更靚仔，可惜最後來到愛隊好快就沉左，當然同當年的陣式未必咁夾佢有關，但佢自己的表現也不好，也可能之後因缺乏信心，每況愈下。

所以蘇超打到曉飛，始終唔知是否適應英超，暫時覺得打過西甲(西甲其實也只有頭幾隊有錢有實力)，英超和德甲的球員較有信心，意甲呢幾年因為資金問題，水準亦下降得厲害，當年的AC 和 Inter Milan，呢幾年的聲勢亦差左好多，欠缺頂級球星。

Forever_Fan

愛華寶寶 發表於 2017-6-19 11:04
勝在後生有速度又有突破能力，3000 萬內可以諗下

嘩，如果佢要30m買回來，肯定比人話水魚....20歲非英藉球員，兼身價現時為5m，正如積拉域當年數據更靚，來到英超都由龍變成蟲，依家淪落到係中超踢波....後生仔基本都係有速度和突破能力，迪路菲奧都係主打呢2樣，可惜靠呢2樣未必足夠係英超搵食。15m左右還是可以考慮的。

Forever_Fan

barker 發表於 2017-6-19 17:05
巴塞隆拿已正式從愛華頓以 10.5M 英磅回購 Deulofeu , 交易已完成

咁即係迪路無問題返回巴塞啦，雖然有傳巴塞轉手會賣比AC米蘭賺差價，所以有所謂回購條款真係超搵笨，打得好就等如幫人練兵兼賺錢，打得唔好就等於轉會都賺左對方轉會費，可謂打得好或者唔好，巴塞都係贏家，無得輸

Forever_Fan

愛華寶寶 發表於 2017-6-19 16:51
我都係咁話，傳咁多個前鋒呢個潛力級數最高

蘇超打得好，係咪係英超就站得住腳呢？過去幾年蘇超神射手，一季入二三十球的也不是沒有，但沒有一個轉會英超，多數還在蘇超打滾，過去英超球會為甚麼唔羅致佢地？這個問題已經值得深思。

2009-2010蘇超神射手Kris Boyd係2010有幸得到米杜士堡青睬，轉會到英冠的米堡，可惜係英冠賽場，佢無法好像蘇超一樣如魚得水，打左一個賽季後更被外借離隊，之後更轉會美職，最後返回蘇超，現在還在賽場奔馳，但走出國門之路，困難重重，蘇超只是一個沒落的聯賽。

Dembele 上季免費轉會蘇超班霸，隨即大放異彩，上季29場蘇超，入17球，助攻8球，數據靚仔，但仍未拍得住積拉域來我地愛隊之前個季的數據，而積拉域咁的數據也遠未達到每季蘇超神射手的程度，積拉域轉會愛華頓，也未能獲得成功。

當年我地隊的Lukas Jutkiewicz，唔知大家重有無印像，係隊中打唔上主力的牛奶仔，外借比並非班霸球會的Motherwell，也入左12球，係非班霸球會，中場供應少，隊友質素也沒班霸球會高的情形下，一己之力入到咁多波，好似潛力無限，但回到球會就被賣到英冠，蘇超打到曉飛真係證明唔到乜野。

其實我唔反對買Dembele，因為肯定係年輕有潛力的球員，但潛力有多大呢？係未知的，15-20m係還可以接受，風險係可承受的程度，因為得唔得暫時來講係賭一舖架咋，佢的表現無幾多年數據呀，但如果去到30m，風險好似有點大啦，我地唔係乜野豪門，年年一擲億鎊的球會，早兩年每季有30m一季預算已經叫好好，用2年前已經係一季的轉會預算，去搏一個20歲的靚仔係咪天才.....十賭九輸，我諗唔到點解要用高價買一個咁重賭搏成份的後生仔。如果同樣係賭，我寧願選平好多的佐真遜，一樣數據好靚仔，但賭輸蝕極有譜。

Forever_Fan

昨晚U21 Holgate 半場就被換走，唔知係咪受傷：

Player Rating
Mason Holgate - 5

He didn't follow his man for the goal and I think he might have been injured when he was subbed at half-time. It wasn't his best half.

Calum Chambers - 8

I thought he was good. He was dominant in the air, showed a lot of authority and organised well at the back.

Chambers 幾好表現，如果堅尼個價傾唔掂，不如就買佢啦。上季外借米堡都羅左好多英超的經驗，當然首選還是堅尼。

另外施古臣被球會稱為無價，又有長約，要買佢的價格太高，應該放棄簽入，找尋替代人選。

Forever_Fan

愛華戰士 發表於 2017-6-20 10:53
丹比利30m鎊 我又覺得都可以諗喎
話晒佢都入到法國國家隊仲打左場.....始終後生.......睇佢上屆蘇超踢落 ...

Dembélé 入國家隊？U21個d就算啦，大國腳佢未入到吧，國家隊都有個Dembélé，不過係多蒙特的Ousmane Dembélé，呢個都係20歲，好野來架。但我地講緊的係些路迪Moussa Dembélé，雖然都係20歲，但質素唔同喎，重有係蘇超有表現真係唔代表乜野，我地以前個牛奶仔20歲外借去到Motherwell 都入12球，轉頭返來就被愛隊放棄，蘇超的質素比荷甲更低，英冠都比蘇超強，十幾年前蘇超係球迷眼中還有英冠聯賽的質素，但近5-6年，基本球迷都認可蘇超班霸些路迪已經跌至英冠水平，非班霸球會甚至跌至英甲質素，整個聯賽水平嚴重下降，所以真係無復當年蘇超頂峰的時候，跟英超更無法比較。